Genesis 41:14 - Maung A Balita Biblia

¹⁴ Impaawit nen ari si Jose, kanyan nipaway a tampol ed prisowan. Kasumpal ton nambalbas tan nampales, pinmarontal ed ari.

Maung a Balita Biblia

¹⁴ Impaawit nen ari si Jose, kanyan nipaway a tampol ed prisowan. Kasumpal ton nambalbas tan nampales, pinmarontal ed ari.

Genesis 41:14 Iomraidhean Croise

2 Samuel 19:24

Insan sinmabin mangabet ed ari si Mefiboset ya apo nen Saul. Ag to inorasan so sali to, ag to pinotutan so balbas to, odino impesak so kawes to nanlapu lad intaynan na ari ed Jerusalem ya anggad impawil ton sipapalabo.

2 Saray Arari 25:29

Kanyan naabuloyan si Joakin a mansalat na kawes ton kawes na priso tan mirongo ed ari legan na impanbilay to.

Ester 5:1

Diad kumatlon agew na panaayuno nen Ester, insolung toy kawes ton riyna, tan linman nanalagey ed dalem a patio na palasio diad arap na kuarton kawalaay trono. Wadman so ari ya akayorung ed trono tan akaarap ed lolooban.

Exodo 10:16

Insan say ari impaawit ton tampol ira di Moises tan Aaron tan kuanto, “Nankasalanan ak ed Katawan a Dios yo tan diad sikayo.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Daniel 2:25

Inyakar nen Arioc a tampol si Daniel ed Ari Nabuconodosor tan inkuantod sikato, “Walay arumog kon sakey a Judion adakep dia a nayarian ton ibagad sika, Kagalang ya ari, so kabaliksan na kogip mo.”