Genesis 4:7 - Maung A Balita Biblia

⁷ No maung so ginawam, manimimis ka komun; balet lapud maoges so ginawam, say kasalanan et sisiliban to kan tekmelan. Labay to kan oleyan, balet nepeg mon taloen.”

Maung a Balita Biblia

⁷ No maung so ginawam, manimimis ka komun; balet lapud maoges so ginawam, say kasalanan et sisiliban to kan tekmelan. Labay to kan oleyan, balet nepeg mon taloen.

Genesis 4:7 Iomraidhean Croise

Genesis 19:21

Inmebat, “On, abuloyan ko. Ag ko deralen iman a baley.

Genesis 3:16

Inkuanto natan ed samay bii, “Aruman koy gunigon mo no manlokun ka tan nairapan ka ed pananak mo. Anggaman ontan, pampilalekan mo nin siansiay asawam tan sikatoy manoley ed sika.”

2 Samuel 24:23

Inter iran amin nen Arauna ed ari, tan kuanto, “Awaten komun na Katawan so bagat mo.”

2 Saray Arari 8:28

Akigampiy Ari Ahazia ed kinen Ari Joram na Israel diad impibakal dad Ari Hazael na Siria. Diad Ramot-galaad so nambabakalan da. Asugatan si Joram ed sayan bakal.

Say Libro nen Job 11:14

Ekal mod abung mo so kaogsan tan say kabaglan.

Say Libro nen Job 11:15

Insan kad satan miarapan lamet ed sankamundoan, ya anggapoy takot mo tan mabiskeg so linawam.

Say Libro nen Job 29:4

Nen saraman ya agew maaligwas so bilay ko, tan say pikakaaro na Dios inyagel toy ayaman ko.

Say Libro nen Job 42:8

Natan sirin, mangyakar kayod kinen Job na pitoran bakan kalakyan tan pitoran karniron kalakyan ta isaklang yo ran bagat a popoolan para sikayo. Ipikasi to kayo nen Job, et ebatan koy pikakasi yo tan ag ta ki la dusaen onung na kanepegan yo. Kanepegan yo komuy dusaen lapud ag yo sinalita so katwaan nipaakar ed siak, a singa ginawa nen Job.”

Probirbio 18:5

Aliwan maung a pilaan so toon walay kasalanan tan ekalan na katonungan so anggapoy kasalanan.

Probirbio 21:27

Kabosul na Katawan iray bagat na saray totoon maoges, nagkalalo la no maoges iray getma ran mangibagat.

Jeremias 3:12

Imbaga to nid siak ya onla ak a mangikuan ed Israel, “Aliwan matoor ya Israel, pawil kad siak. Lapud mapangasi ak, ag ta ka la pampasnukan; aliwan ando lan ando so petang na olok ed sika.

Jeremias 6:20

Antoy kakanaan na insinson iyaakar dad siak anggaman a manlalapu rad dalin na Saba odino saray rikadon manlalapud arawin dalin? Ag ko awaten iray bagat da; ag ak manliket ed saray isasaklang da.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Malakias 1:10

Say Katawan a Makapanyarin-amin kuanto, “Oy la komun, ta sakey ed sikayo so mangisarad saray kaput na Timplo, pian anggapod sikayoy manelsel na andi-kakanaan ya apoy ed altar ko. Ag ak makaliliket ed sikayo; ag ko awaten iray bagat ya iyaakar yod siak.

Malakias 1:13

Ibabaga yo, ‘Onsasawa kami lad sarayan amin!’ Insan yo ak kokobibitan. Mangibabagat kayod siak na tinakew ya ayep odino piley odino mansasakit. Abaloan yo awaten ko tan ed sikayo?

Malakias 1:8

Abaloan yo ya anggapoy kaogsan so pangibabagat yod siak na bulag odino mansasakit, odino piley ya ayep? Sali yo pay mangiter ed gobirnador na onman a klasiy ayep? Manliket kasid sikayo odino mangiter kasi na panangasi ed sikayo?”

Saray Bilang 32:23

Balet no ag yo sumpalen so sipan yo, pasakbayan ta kayo a mankasalanan kayod Katawan. Andi-duaruwad satan a nadusa kayo lapud kasalanan yo.

Saray Gawgawa 10:35

Pakaliketay Dios so siopaman a walay takot ed sikato tan manggaway inkatonung, anggan antoy bansa to.

Saray Taga Roma 12:1

Kanyan, agagi, lapud ontan lan panangasi na Dios, kerewen kon isaklang yon mabilay a bagat ed Dios so bilay yo, bagat a masanto tan makapaliket ed sikato. Sikato yay panangigalang yod Dios.

Saray Taga Roma 14:18

Say manlingkur na onya ed Cristo et paliketen toy Dios tan abubonay totoo.

Saray Taga Roma 15:16

a magmaliw ak a kumikimey nen Cristo Jesus ed saray Hintil. Singa ak parin mangipupulong ed sikara na Maung a Balitan nanlapud Dios, pian magmaliw iran bagat a makapaliket ed Dios, bangta pinasanto ra na Ispiritu Santo.

Saray Taga Roma 6:12

Kanyan ag yo la nepeg a panoleyey kasalanan ed laman yon ompatey, pian ag yo la naonur so maoges iran pilalek yo.

Saray Taga Roma 6:16

Ag yo ta amta, a no onabuloy kayon paaripen ed siopaman, aripen kayon talaga na amon onuren yo? No aripen kayoy kasalanan, mansumpal kayod patey; no aripen kayoy katotoluk, mansumpal kayod pakapaandi na kasalanan ed arap na Dios.

TAGA-EFESO 1:6

Igalang tayo lapud makapakelaw a panangaro ton inter tod sikatayo diad panamegley na inararo ton Anak!

1 Timoteo 5:4

No say sakey a balon bii et wala ray anak o apo to, saratan ya anak o apo et nepeg a gawaen dan manonaan so kanepegan dad pamilya ra, ta diad ontan makabales iray utang dan maung a linawa ed saray atateng da. Makapaliket ya ed Dios.

Saray Hebreo 11:4

Lapud pananisia, magmaung niy imbagat nen Abel nen si Cain. Lapud pananisia nen Abel, sikatoy nipasen a matonung lapud nala toy maung a linaway Dios ya amirbir ed bagat to. Anggaman ya inatey la, mansasalita ni diad panamegley na pananisia to.

Santiago 1:15

No manlokun so maoges a pilalek na laman, mananak na kasalanan. Tan no ombaleg so kasalanan, mambungay patey.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.