Genesis 4:4 - Maung A Balita Biblia

⁴ Insan angyakar met si Abel na kordiron besag na sakey ed saray karniro to, pinatas to, tan imbagat to ray sankaabigan a parti. Akaliket so Dios ed kinen Abel tan samay bagat to,

Maung a Balita Biblia

⁴ Insan angyakar met si Abel na kordiron besag na sakey ed saray karniro to, pinatas to, tan imbagat to ray sankaabigan a parti. Akaliket so Dios ed kinen Abel tan samay bagat to,

Genesis 4:4 Iomraidhean Croise

Genesis 15:17

Nen sinmelek lay agew tan ambilonget la, biglan walay banga a manasasewek tan kiew a mandarlang a dinmalan ed nanleetan na saramay pinalduan laman na ayayep.

Genesis 4:3

Kalabas na pigaran taon, angyakar si Cain na pigaran naani to tan imbagat tod Katawan.

1 Saray Arari 18:24

Insan pampikasi yod dios da iray propita nen Baal, balet mampikasi ak ed Katawan; say Dios a mangipelag na apoy ya ebat na pikakasi—sikato so Dios.” Inmebat iray totoo, “Maung itan. Siabobun kami.”

1 Saray Arari 18:38

Angipelag na apoy so Katawan, tan pinoolan to may bagat, saramay kiew, tan saramay bato, tan tinektek toy dalin tan pinamaga to may banawang a kawalaay danum.

1 Saray Awaran 21:26

Insan nanggaway altar a para Katawan tan angisaklang na saray bagat a popoolan tan saray bagat a para kareenan. Nampikasi, et inebatan na Katawan diad panamegley na impangibaki toy apoy a nanlapud tawen ya amool ed saramay imbagat ed tapew na altar.

2 Saray Awaran 7:1

Nen asumpal nen Solomon so pikakasi to, pinmelag a nanlapud tawen so apoy tan pinoolan to ray bagat ya insasaklang. Insan say Timplo napno na kagalangan na Katawan.

Saray Salmo 20:3

Awaten to komun ya amin iray isaklang mo tan napaliket ed amin da ray ibagat mo.

Exodo 13:12

nepeg yon isaklang ed Katawan so balang pangulowan ya anak yon laki. Kayaryan na Katawan ya amin iray kalakyan a besag ya anak na ayayep yo,

Probirbio 3:9

Pagalangan moy Katawan diad panamegley na pangibagat mod sikato na sankaabigan a bungay dalin mo.

Ecclesiastes 4:4

Naaralan ko a saray totoo mapalaloy inkakoli ran mankimey, lapud makakaibeg irad kayaryan na kaabay da. Balet andi-kakanaan met ya. Singa ka met labat onoosil ed dagem.

Levitico 9:24

Kabebekta say Katawan angipelag na apoy, tan inoput ton pinoolan imay bagat a popoolan tan saramay taba ed tapew na altar. Nen anengneng ya na saray totoo, inmeyag iran amin tan dinmakmomo ra ya anggad dalin.

Saray Bilang 16:15

Akapasnuk si Moises kanyan kuantod Katawan, “Ag mo pa aawaten so antokaman ya ibagat na sarayan totoo. Anggapoy ginawak a makapoy ed siopaman ed sikara; anggapoy inalak ya anggan sakey ed saray asno ra.”

Saray Bilang 16:35

Insan say Katawan angipelag na sakey a manliub ya apoy tan pinoolan to ra may duanlasus tan limamplon lalaki ya angyapay na insinso.

Saray Bilang 18:12

“Iter kod sika ray amin a sankaabigan a bungay dalin ya iter ed siak na saray Israelita kapag taon: say larak na oliba, say alak, tan say trigo.

Saray Bilang 18:17

Balet ag nepeg a dondonen iray besag na baka, karniro, tan kading; sigput iran kayaryan ko tan sikaray nepeg ya ibagat. Isibom ed altar so dala ra tan poolan mon bagat a popoolan so taba ra; makapaliket ed siak so balingit to.

Saray Hebreo 11:4

Lapud pananisia, magmaung niy imbagat nen Abel nen si Cain. Lapud pananisia nen Abel, sikatoy nipasen a matonung lapud nala toy maung a linaway Dios ya amirbir ed bagat to. Anggaman ya inatey la, mansasalita ni diad panamegley na pananisia to.

Saray Hebreo 9:22

Onung ed Ganggan, amin lawarin bengatla et lilinisan na dala; tan no anggapoy onterter a dala, anggapoy pakapirdonay kasalanan.

Puyan 13:8

Mangigalang ed sikatoy amin a mambibilay ed tapew na dalin, a salanti saray totoon ag nisulat so ngaran da, kasakbayay inkapalsa na mundo, ed libro na bilay a kayaryay Kordiro a pinatey.

Saray Huis 6:21

Inyonat na samay anghil na Katawan so lima to, insan to indiwit so ngoroy bislak a sankabembenan to ed saramay karni tan tinapay. Pinmaway so apoy ed samay bato tan inoput ton pinoolan ira may karni tan tinapay. Insan naandipat imay anghil.

1 Samuel 15:22

Inkuanen Samuel, “Antoy lalon labay na Katawan: say pangonur, odino saray saklang tan saray bagat? Maung niy ononur ed sikato nen say mangibagat ed sikato na saray sankaabigan a karniro.