Genesis 4:15 - Maung A Balita Biblia

¹⁵ Balet inmebat so Katawan, “Andi! No walay mamatey ed sika, pitoran totoo so pateyen a pinagkabales to.” Kanyan minarkaan na Katawan si Cain a pamasakbay ton ag pateyen na siopaman a makabet ed sikato.

Maung a Balita Biblia

¹⁵ Balet inmebat so Katawan, Andi! No walay mamatey ed sika, pitoran totoo so pateyen a pinagkabales to. Kanyan minarkaan na Katawan si Cain a pamasakbay ton ag pateyen na siopaman a makabet ed sikato.

Genesis 4:15 Iomraidhean Croise

Genesis 4:24

No pitoran totoo so pateyen a pinagkabales na impamatey ed kinen Cain, Pitomplo tan pito a totoo so pateyen a pinagkabales na pamatey ed siak.”

1 Saray Arari 16:7

Niiter ed panamegley nen propita Jehu a lakin anak nen Hanani so salita na Katawan sumpad kinen Baasa tan saray kabyangan na pamilya to, lapud saray kasalanan nen Baasa ed Katawan. Aliwa labat a say impanggagawa toy kaogsan, a singa say impanggagawa nen Jeroboam ya akaonan nanoley nen say sikato, so makasengeg na impamasnuk na Katawan, no ag ingen lapu met ed impamatey tod kinen Jeroboam tan amin kabyangan na pamilya to.

Saray Salmo 59:11

Ag mo pa ra papateyen, O Dios, ta ompan makalingwan iray totook. Buyak mo pa ra diad panamegley na pakayarim tan talom ira, Katawan a manangyagel mi.

Saray Salmo 79:12

Katawan, bales mo pan mamimpito iray arum a bansa, lapud saray impanpapabaing dad sika.

Probirbio 6:31

balet no narel, ipawil ton mamimpitoy karakel imay tinakew to—iter toy amin a kayaryan to.

Ezekiel 9:4

“Lakad intiron siudad na Jerusalem, ta markaan moy muling na balang sakey a toon maermen tan magunigon, lapud amin a makapaingungot a nagagawad siudad.”

Ezekiel 9:6

Patey yo ray matakken, malangwer a lalaki tan bibii, saray ina, tan saray anak. Balet ag yo didiwiten so siopaman a walay marka to ed muling. Igapo yo diad Timplok.” Kanyan inggapo rad saray pangulon manalalagey diman ed Timplo.

Oseas 1:4

say Katawan kuantod kinen Oseas, “Ingaran mo na ‘Jezreel,’ ta magano lay panusak ed Israel lapud saramay impamapatey nen laki ton Jehu diad siudad na Jezreel. Patondaen ko la so panooley nen Jehu tan saray kabyangay pamilya to.

Levitico 26:18

“No ag yo ak ni onuren kayari to ya, mamimpitoy belat na iyarum kon dusa yo lapud saray kasalanan yo.

Levitico 26:21

“No siansia nin sumlangen yo ak tan ag yo ak ni onuren, mamimpito nin belat so iyarum ko lamet ed dusa yo lapud saray kasalanan yo.

Levitico 26:24

sumpaen ta kayo tan mamimpito nin belat so iyarum ko lamet ed dusa yo lapud saray kasalanan yo.

Levitico 26:28

sumpaen ta kayod pasnuk ko tan mamimpito nin belat so iyarum ko lamet ed dusa yo lapud saray kasalanan yo.

Mateo 26:52

Inkuanen Jesus ed sikato, “Ikaluban mo la tay ispadam, ta say mangikanay ispada, ispada met so pateyan to.

Puyan 14:11

Say asewek na apoy a mamairap ed sikara mampapaatagey lan mampapaatagey ya anggapoy angga. Agew-labin anggapoy painawa da ray mangigalang ed samay ayep tan say talintao to, tan saray amarkaan na ngaran to.”

Puyan 14:9

Tinmombuk ed saramay duara so kumatlon anghil ya inkuantod maksil a bosis, “Siopamay mangigalang ed samay ayep tan say talintao to, tan mangawat na marka ed muling o lima to,