Genesis 39:4 - Maung A Balita Biblia

⁴ Makaliliket ed sikato si Potifar, kanyan ginawa to a dilin aripen to. Impasen ton inkargado na abung to tan amin a kayaryan to.

Maung a Balita Biblia

⁴ Makaliliket ed sikato si Potifar, kanyan ginawa to a dilin aripen to. Impasen ton inkargado na abung to tan amin a kayaryan to.

Genesis 39:4 Iomraidhean Croise

Genesis 15:2

Balet inkuanen Abram, “Katawan a DIOS, antoy kaabigan ya iter ed siak na tumang mo, anta anggapo met so anak ko. Si Eliezer labat a taga Damasco so tumatawir ko.

Genesis 18:3

Inkuanto, “Wadya ak a magter a manlingkur ed sikayo. Ag yo komun lalabasay abung ko; tonda ki nin magano.

Genesis 19:19

Balbaleg lay utang na linawak ed sika, ta inlaban moy bilay ko. Balet arawdawi ra may kapokdulan; aboten ak lamlamang na deral tan ompatey ak kasakbayay isabik diman.

Genesis 24:2

Inkuantod sankatakkenan ya aripen to a makaoley ed amin a kayaryan to, “Iyan moy limam ed nanleetan na saray ulpok tan mansamba ka.

Genesis 32:5

Wala ray bakak, asno, kanding, karniro, tan aripen ko. Imbakik ed sika ra yan totoo, ta labay koy mipulangan ed sika.”

Genesis 33:10

Inkuanen Jacob, “Andi komun. No talagan pirdonaen mo ak, awat moy panangarok. Say pakanengneng kod lupam et singa pakanengneng kod lupa na Dios, natan ta maung so impatnag mod siak.

Genesis 33:8

Tinepet nen Esau, “Antoy kabaliksan da ra may onaan a nabet ko?” Inmebat si Jacob, “Rigalok ira man ed sika, ta labay koy mipulangan ed sika.”

Genesis 39:8

balet ag labay nen Jose tan inkuantod sikato, “Anggapoy nepeg ya asikasoen nen amok, lapud wadya ak. Impasen to ak ya inkargado na amin a kayaryan to.

1 Saray Arari 16:9

Nantraidoran nen Zimri a sakey ed saray opisyal ton makaoley ed kapalduad saray karwahi na ari. Aminsan ya agew, maniinom na alak ed Tirza so ari diad abung nen Arza a makaoley ed palasio.

Ester 2:9

Labalabay nen Hegai si Ester, kanyan nala nen Ester so maung a linawa to. Ag nanabala si Hegai ed impangigapo to na pampagangganad kinen Ester diad panamegley na panagmasahi tan pangiter na nidoman kakanen. Inter toy sankamaungan a pasen ed ayaman, tan initdan to na pitoran bibiin pinili rad palasio a manlingkur ed kinen Ester.

Probirbio 14:35

Pakaliliketan na saray arari iray marunong ya opisyal da, balet dudusaen da ray totoon ag manusumpal na kanepegan da.

Probirbio 16:7

No makapaliket kad Katawan, napagmaliw mon kakaarom iray kalaban mo.

Probirbio 17:2

Say aripen a masilib naoleyan to so andi-kakanaan a lakin anak na amo to, et makapiapag ed tawir.

Probirbio 22:29

Ipanengneng mod siak so toon maung so kimey to, et ipanengneng kod sikay toon daeg to ray karaklan tan manepeg a kaiba na saray arari.

Probirbio 27:18

Komponim so kiew na igos, et makapangan kay bungay igos. Napagalangan so aripen a pagaan toy amo to.

Probirbio 3:4

No gawaen mo ya, magmaliw kan maung tan makapaliket ed Dios tan too.

Saray Gawgawa 20:28

Asikaso yoy sikayon dili tan amin a karniro, salanti saray kabyangay iglisia a sikaray impia ed sikayo na Ispiritu Santo. Asikaso yoy iglisia na Dios a dinondon to diad panamegley na dala ton dili.

Ruth 2:6

Inmebat may laki, “Aliwan taga dia tan a bii. Kaiba nen Noemi a nanlapud Moab.

1 Samuel 16:22

Insan si Saul impaikuan tod kinen Jesse, “Labay koy David. Iyabuloy mon manayam la dian manlingkur.”

1 Samuel 2:26

Binmaleg si ogaw a Samuel, tan binmaleg met so panangaroy Katawan tan saray totoo ed sikato.