Genesis 39:2 - Maung A Balita Biblia

² Walad si Jose sa Katawan, kanyan maaligwas so bilay to. Nanayam ed abung na amo ton Egipsio.

Maung a Balita Biblia

² Walad si Jose sa Katawan, kanyan maaligwas so bilay to. Nanayam ed abung na amo ton Egipsio.

Genesis 39:2 Iomraidhean Croise

Genesis 21:20

Diad ibabaleg na samay ogaw, walad sikatoy Dios; nanayam ed kalawakan na Paran tan nagmaliw a maung ya umaanop.

Genesis 21:22

Diad saman a panaon inawit nen Abimelec si Ficol a pangulo na saray sondalo to, linma rad kinen Abraham tan inkuanen Abimelec, “Walad sikay Dios ed antokaman a gagawaen mo.

Genesis 26:24

Diad saman a labi na intaynan to pinmayawar ed sikato so Katawan tan inkuanto, “Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.”

Genesis 26:28

Inmebat ira, “Amta mi la natan a walad sikay Katawan, tan isipen min nakaukolan a mampapaknaan tayoy malet. Labay min isipan mo

Genesis 28:15

Ag mo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Ag ta ka taynan, anggad pakasumpal kon gawaen ya amin iray insipan kod sika.”

Genesis 39:23

Anggapo lay sakit na olo to may inkargadoy prisowan ed antokaman a nipiad kinen Jose, ta walay Katawan ed kinen Jose tan pinaaligwas tod amin a gagawaen to.

Genesis 39:3

Anengneng na amo to a walad si Jose so Katawan, tan maung so pansusumpalay amin a gagawaen to.

2 Saray Arari 18:7

Kanyan walad sikatoy Katawan, tan inmaligwas ed antokaman a ginawa to. Nilabanan toy impirador na Asiria tan ag sinmuko ed sikato.

1 Saray Awaran 9:20

Walay panaon a say pangulo ra et si Finees a lakin anak nen Eleazar—wala komun ed sikato so Katawan!

2 Saray Awaran 1:1

Malet ya inoleyan nen Solomon a lakin anek nen Ari David so nanarian. Binindisionan na Katawan a Dios si Solomon tan impagmaliw ton makapanyarin tuloy.

Saray Salmo 1:3

Aliling toy kiew a nitanem ed abay na managos a danum; mambubunga no panaon to tan ag namamagaan iray bolung to. Onaaligwas iray amin a gagawaen to.

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

Saray Salmo 46:7

Walad sikatayoy Katawan a Makapanyarin-amin; say Dios nen Jacob so salimbeng tayo.

Saray Salmo 91:15

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 43:2

No ondalan kad aralem a danum, wala ak ed sika; ag ka natabunan na saray gunigon mo. No ondalan kad apoy, ag ka napoolan; ag ka napasakitan na saray ambelat a subok ya onsabid sika.

Jeremias 15:20

Diad sarayan totoo pagmaliwen ta kan singa puron gansan padir. Labanan da ka, balet ag da ka natalo. Wala ak a mangyagel ed sika tan mangyarawid sikad kaatapan.

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Saray Gawgawa 8:31

Inmebat imay yunuko, “Panoy pakatalus ko no anggapoy mangipatalus ed siak?” Inimbitaan ton onlogan si Felipe. Linmogan si Felipe tan inmirung ed abay to.

1 Timoteo 6:1

Kaukolan a saray aripen ipasen da a saray amo ra et manepeg iran mangawat na amin a kagalangan, pian anggan siopa anggapoy nibaga ton maoges sumlang ed ngaray Dios tan say bangat tayo.

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

Josue 1:9

Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”

Josue 6:27

Kaolup nen Josue so Katawan, kanyan nikayat ed intiron bansa so inkabantug to.

1 Samuel 16:18

Inkuan na sakey ed saray managlingkur to, “Si Jesse a taga Betlehem et walay anak ton laki a maung a manogtog. Masebeg met tan guapon laki, maung a sondalo, tan maung a manalita. Walad sikato so Katawan.”

1 Samuel 18:14

tan maaligwas ed amin a ginawa to, ta walad sikato so Katawan.

1 Samuel 18:28

Abirbir lan sigput nen Saul a say Katawan et walad kinen David; abirbir to met ya inaro nen anak ton Micol.

1 Samuel 3:19

Legan ya ombabaleg si Samuel, walad sikatoy Katawan tan pinapatua to ray amin ya imbabaga nen Samuel.