Genesis 38:24 - Maung A Balita Biblia

²⁴ Kasumpal na sakey a taloy bulan, walay angikuan ed kinen Juda, “Walay piaakdulan nen manugang mon si Tamar, ta malokun.” Ingganggan nen Juda, “Ipaway yo, insan yo poolan ya anggad ag to ipatey.”

Maung a Balita Biblia

²⁴ Kasumpal na sakey a taloy bulan, walay angikuan ed kinen Juda, Walay piaakdulan nen manugang mon si Tamar, ta malokun. Ingganggan nen Juda, Ipaway yo, insan yo poolan ya anggad ag to ipatey.

Genesis 38:24 Iomraidhean Croise

Genesis 20:3

Aminsan a labi pinmayawar ed kogip to so Dios a kuanto, “Ompatey ka, ta inalam so biin wala lay asawa to.”

Genesis 20:7

Ipawil mo la sirin imay bii ed dilin asawa to; say asawa ton propita ipikasi to kan ag ompatey. Balet no ag mo ipawil, pasakbayan ta kan ompatey ka, sika tan saray totoom.”

Genesis 20:9

Insan tinawag nen Abimelec si Abraham tan inkuanto, “Antoy ginawam ed sikami? Antoy maoges a ginawak ed sika, et inter mo yan segsegang ed siak tan say nanarian ko? Aliwan manepeg so ginawam ed siak!

Genesis 34:31

Balet inmebat ira, “Ag nayarin gawaen dan singa marotak a bii si Dina ya agi mi.”

Genesis 38:23

Inkuanen Juda, “Paolyan mo la sirin ya iyatol to ra may inter ko, ta ompan elekan ita na saray totoo. Talagan bayaran ko met ingen, et ag mo met naalmo.”

2 Samuel 12:5

Pinmetang a maung so olo nen David ed samay mayaman a too. Inkuanto, “Isipan kod mabilay a Katawan a nepeg ya ompatey iman a nanggawad saya!

2 Samuel 12:7

“Sika man a too,” inkuanen Natan ed kinen David. “Onyay kuan na Katawan a Dios na Israel: ‘Ginawa ta kan ari na Israel tan inyagel ta kad kinen Saul.

Ecclesiastes 7:26

Arumog ko a lalon ampait niy bii nen say patey. Singa patit a mangerel ed sika so panangaro tod sika odino singa sakey ya iket; singa golunggolung ya ombaliber iray taklay ton onlakap ed sika. Nibatikan ya na toon makapaliket ed Dios, balet erelen to so toon makasalanan.

Jeremias 2:20

Say Katawan a Dios kuanto, “Israel, nen saman impolisay moy pakaoley ko; ag mo nilabay ya onuren ak tan igalang ak. Diad toktok na balang atagey a pokdul, tan diad silong na balang mabonan kiew, angigalang kad singa marotak a bii.

Jeremias 3:1

Say Katawan kuanto, “No isian na sakey a laki so asawa to, tan ontaynan la may bii, insan naasawa na sananey a laki, samay angisian ag to la nababawi may insian to. Dotakan a sigput na onya so bansa. Balet, Israel, amayamay so kainarowan mo et, natan, labay moy ompawil ed siak!

Jeremias 3:6

Nen si Josias so ari, inkuan na Katawan ed siak, “Anengneng mo so ginawa na Israel, saman ya aliwan matoor a bii? Diad balang atagey a pokdul, tan diad silong na balang malambut a kiew nagmaliw diman a singa marotak a bii.

Jeremias 3:8

Anengneng met na Juda ya insian koy Israel tan pinataynan ko, lapud inkaindan to ak tan nagmaliw a marotak a bii. Balet ag tinmakot so Juda ya aliwan matoor a biin agi na Israel. Nagmaliw met a marotak a bii,

Ezekiel 16:15

“Balet impoonan moy dilin gangganam tan inkabantug mo diad impipiakdul mod balang sakey ya ondalan.

Ezekiel 16:25

Insasagar mod pitek so gangganam. Inter moy sikan dili ed balang toon dinmalan, tan inagew-agew alabas ka ni nen say marotak a bii. Amimpiga-pigam yan ginagawa.

Ezekiel 16:26

Akikiakdul ka met ed saray Egipsio, saray kaabay mon maarod liket na laman, tan lapud impanbibilay mon marotak impanpasnuk mo ak.

Ezekiel 16:28

“Lapud ag ka ni apenek ed saray arum, inmasingger ka nin akikiakdul ed saray taga Asiria. Balet siansia nin ag ka apenek ed sikara.

Ezekiel 16:41

Poolan da ray kaabungan mo tan ipanengneng dad saray amayamay a bibii so kadudusam. Patondaen ta kad pipiakdul mod saray arum a lalaki tan ag ta ka la pangiteren na rigalo ed saray kainarowan mo.

Ezekiel 23:19

Inkaloor toy inkamarotak ton bii, ginagawa toy singa ginagawa to nen malangwer ni, nen sikatoy marotak a bii diad Egipto.

Ezekiel 23:44

Pinawil-pawil da ra yan bibiin marotak. Pinmawil ira ed kindi Ahola tan Aholiba, saray bibiin mankakasalanay immoralidad.

Ezekiel 23:5

Anggaman ya asawak si Ahola, intuloy toy panagbilay ton marotak tan mapalaloy impikaloguran tod saray kainarowan ton taga Asiria.

Oseas 3:3

Imbagak ed sikato a mabaybayag ko lan kaamung tan ag la magmaliw a marotak a bii odino mikalugoran; et onya met so gawaen ko legan na panaon a walad siak.

Oseas 4:15

“Anggaman ya aliwa kayon matoor ed siak, sikayon totood Israel, ag komun mankasalanan iray taga Juda na singa onya. Ag ka mangigagalang ed Gilgal odino diad Bet-haven, odino mansipan kad man diad ngaran na mabilay a Katawan.

Levitico 20:10

No say sakey a too et mikaloguran ed asawa na kapara ton Israelita, sikato tan say biin akikaloguranan to et nepeg iran pateyen.

Levitico 21:9

No say anak na pari et magmaliw a marotak a bii, ipelag tod kababaingan so ama to; sayan anak nepeg a poolan ya anggad ag to ipatey.

Saray Taga Roma 14:22

Sika tan say Dios labat so nepeg a makaamtad pananisiam nipaakar ed saya. Maliket so toon ag nagoluy isip to diad panggawa toy bengatlan ipapasen ton maung!

Deuteronomio 24:16

“Ag nepeg a pateyen iray ateng lapud kasalanan a ginawa na saray anak da, tan ag nepeg a pateyen iray anak lapud saray kasalanan a ginawa na saray ateng da; say sakey a too nepeg a pateyen lapud kasalanan a sikaton diliy nanggawa.

Saray Huis 19:2

Balet akapasnuk ed sikato imay bii, amawil ed kinen ama to ed Betlehem, tan nanayam diman ya apat bulan.