Genesis 38:10 - Maung A Balita Biblia

¹⁰ Nampasnuk so Katawan ed sayan ginawa nen Onan, kanyan pinatey to met.

Maung a Balita Biblia

¹⁰ Nampasnuk so Katawan ed sayan ginawa nen Onan, kanyan pinatey to met.

Genesis 38:10 Iomraidhean Croise

Genesis 46:12

si Juda tan saray anak ton lalaki: Er, Onan, Sela, Fares, tan Zara (di Er tan Onan inatey irad Canaan); saray lalakin anak nen Fares et di Hezron tan Hamul;

2 Samuel 11:27

Kayariy panaon na impanermen to, inala nen David ed palasio; nagmaliw ya asawa to tan naanakan to na sakey a laki. Balet akapaermen ed Katawan yan ginawa nen David.

1 Saray Arari 17:20

Insan maksil so bosis ton nampikasi, “O Katawan kon Dios, akin et onya lan makapasinagem so ginawam ed samay balo? Pinatuloy to ak tan pinagaan to ak; akin et binabawim lad bilay so anak to?”

1 Saray Awaran 2:3

Limaran amin so lalakin anak nen Juda. Taloray anak tod kinen Bat-sua a Cananea: di Er, Onan, tan Sela. Maoges a too si Er a pangulowan ya anak to, kanyan pinatey na Katawan.

1 Saray Awaran 21:7

Ag akaliket so Dios ed sayan agawa, kanyan dinusa toy bansa na Israel.

Probirbio 14:32

Saray totoon maoges dederalen na saray dilin kaogsan da; balet saray totoon matonung iyaagel ira na dilin kamaungan da.

Probirbio 24:18

Naamtaan na Katawan no panliliketan mo, et ag to labay; insan nayarin ag to la dusaen.

Jeremias 44:4

Ag ak tinmondan angibaki na saray aripen kon propita ya angibagad sikayon ag yo gagawaen yan makapangingungot a bengatlan kabkabosul ko.

Aggeo 1:13

Insan sinalita nen Aggeo ed saray totoo so impaibagad sikato na Katawan: “Siak so nakaiba yo—satan so sipan ko.”

Saray Bilang 11:1

Saray totoo nanriklamo ra ed Katawan nipaakar ed saray gunigon da. Nen nadngel na Katawan so riklamo ra, akapasnuk tan angibaki na apoy ed saray totoo. Pinmool ed pegley da tan dineral toy sakey a samput na kampo.

Saray Bilang 22:34

Inmebat si Balaam, “Nankasalanan ak. Ag ko amta a manalalagey kad dalan a mamaat ed siak; balet natan no isisipen mon makapoy ya ituloy koy mila, ompawil ak la.”

Saray Bilang 26:19

Say tribu nen Juda: saray boleg di Sela, Fares, Zera, Hezron, tan Hamul. (Saray duaran lalakin anak nen Juda a di Er tan Onan et inatey ira ed dalin na Canaan.)

1 Samuel 2:25

No say sakey a too et mankasalanan ed kapara ton too, nayarin iyagel na Dios; balet siopay nayarin mangyagel ed toon mankasalanan ed Katawan?” Balet ag ira dinmengel ed ama ra, ta ginetma la na Katawan a pateyen to ra.