Genesis 37:7 - Maung A Balita Biblia

⁷ Wala tayon amin ed kaalogan a mambeberber na trigo. Inmalagey imay binerber ko tan nantanyareg; saray binerber yo et niliber da tan tinmuek ira.”

Maung a Balita Biblia

⁷ Wala tayon amin ed kaalogan a mambeberber na trigo. Inmalagey imay binerber ko tan nantanyareg; saray binerber yo et niliber da tan tinmuek ira.

Genesis 37:7 Iomraidhean Croise

Genesis 27:29

Magmaliw komun ya aripen mo ray bansa, tan ontuek komun ed sika ray totoo. Oleyan mo komun ya amin iray kakanayon mo tan ontuek ed sika komun iray kabyangay boleg nen inam. Nisamba komun iray mangisambad sika, tan nabindisionan komun iray mamindision ed sika.”

Genesis 37:6

Inkuanto, “Dengel kayod kogip ko.

Genesis 42:6

Si Jose, lapud sikatoy gobirnador na Egipto, so manlalako na ilik ed saray totood intiron mundo. Sinmabi ra may agagi to, tan dinmakmomo rad sikato ya anggad dalin so lupa ra.

Genesis 42:9

Anunotan to ra may kogip ton nipaakar ed sikara, et inkuanto, “Ispia kayo; linma ki dian mannengneng no antoy kakapoyan na bansa mi.”

Genesis 43:26

Nen sinmabiy Jose, inyakar dad sikato ra may rigalo ra, tan dinmakmomo ra ed arap to ya anggad dalin so lupa ra.

Genesis 43:28

Inmebat ira, “Say ama mi a mugmon aripen mo et mabilay ni tan maksil ni.” Insan tinmalimukor ira tan tinmuek irad sikato.

Genesis 44:14

Nen sinmabid abung nen Jose si Juda tan saray agagi to, wadman niy Jose. Dinmakmomo rad arap to,

Genesis 44:18

Inmasingger si Juda ed kinen Jose tan inkuanto, “Abuloyan mo ak pan misalitad sika. Ag ka komun mamapasnuk ed siak, O katawan; kaparam lay ari.

Genesis 44:19

Tinepet mod sikami no walay ama mi o agi mi.

Genesis 50:18

Insan saray agagi ton dili so dinmago tan dinmakmomo rad sikato. Inkuanda, “Nia kami ran aripen mo.”

FILIPOS 2:10

Diad ontan, amin da ray apalsan walad tawen, diad mundo tan dalem na dalin. ontalimukor iran mangigalang ed ngaran nen Jesus.

COLOSAS 1:18

Si Cristo so olo na iglisia a laman to. Sikatoy nanlapwan na amiamin tan pangulowan ya Anak ya inmona-onan inmolid bilay, pian sikato so magmaliw a manona ed amin a ganagana.