Genesis 37:4 - Maung A Balita Biblia

⁴ Nen anengneng na saray agagi nen Jose ya inaro ni nen Jacob ya ama ra nen say sikara, aliwa-liway pitotongtong dad sikato lapud kabkabosul da.

Maung a Balita Biblia

⁴ Nen anengneng na saray agagi nen Jose ya inaro ni ne Jacob ya ama ra nen say sikara, aliwa-liway pitotongtong dad sikato lapud kabkabosul da.

Genesis 37:4 Iomraidhean Croise

Genesis 27:41

Binosul nen Esau si Jacob lapud sikatoy angiteran na ama ra na samay bindision. Inkuanen Esau ed sikaton dili, “Asingger lay ipatey nen amak tan say panermen ed sikato; kasumpal to ya, pateyen koy Jacob.”

Genesis 37:11

Mangimon iray agagi nen Jose ed sikato, balet ninudnunot ira ya nen ama to.

Genesis 37:5

Aminsan a labi nankogip si Jose, et tinongtong to ya ed saray agagi to.

Genesis 4:5

balet ag akaliket ed kinen Cain tan samay bagat to. Mapalaloy pasnuk nen Cain tan binmilonget so lupa to.

Genesis 49:23

Pinasyan dogpaan na saray kalaban to, Tan osilan dan awit day pana ra.

Saray Salmo 38:19

Saray kalaban ko et maabig so laman da tan mabiskeg ira; dakerakel iray mamobosul ed siak ya anggapoy makasengeg.

Saray Salmo 69:4

Saray mamobosul ed siak ya anggapoy makasengeg et amayamay ira nen saray buek na olok. Saray kabosul ko et mantitila ra sumpad siak; mabiskeg ira tan labay da ak a pateyen. Pinasoot dan ipawil ko ray bengatlan ag ko tinakew.

Jeremias 12:6

Anggan saray agagim a lalaki, saray kabyangay boleg mo et nantraidoran da ka; manggagampi rad idogpa rad sika. Ag mo ra panmamatalkan, anggaman a maabig so panagsalita rad sika.”

Marcos 3:25

No manlalaban iray kabyangan na sakey a pamilya, naderal itan a pamilya.

Tito 3:3

Ta nen saman makulang-kulang itayo met, benger, tan apalingo. Naaripen itayoy maoges a pilalek na laman tan minumundo ran likeliket. Nambilay itayon maoges so kanunotan, maimon itayo; binobosul da itayo tan binobosul tayo ra.

1 Juan 2:11

Balet siopamay mamobosul ed agi to, sikatoy wala ed kabilongetan; pankukurangan toy kabilongetan tan solingsoling, ta binulag na kabilongetan.

1 Juan 3:10

Say pandomaan na saray anak na Dios tan saray anak na Diablo et saya: siopamay ag manggagaway katonungan o ag to aaroey agi to, sikatoy aliwan anak na Dios.

1 Juan 3:12

Ag tayo nepeg ya aligey Cain a mananombuk na Diablo, tan pinatey toy agi to. Akin et pinatey nen Cain so agi to? On a, ta maoges iray gawgawa to, balet maung iray gawgawa na agi to.

1 Juan 4:20

Matila so toon mangikuan, “Inarok so Dios,” no bosulen toy agi to. Ta say ag mangarod agi to anta sankanengneng to, ag to naaroy Dios ya ag to nanenengneng.

1 Samuel 17:28

Si Eliab a sankapangulowanan a kuya nen David, nadngel toy David a mitotongtong ed saray totoo. Asanukan ed kinen David tan kuanto, “Antoy gagawaen mo dia? Siopay manaasikasod saray pigaran karniro diad kalawakan? Mamaung ka! Linma ka dia labat a mambantay ed bakal!”