Genesis 37:33 - Maung A Balita Biblia

³³ Abirbir to tan inkuanto, “On, kawes to! Pinatey na sakey ya ayep ed katakelan. Abingbingkas si Jose ya anak ko!”

Maung a Balita Biblia

³³ Abibtir to tan inkuanto, On, kawes to! Pinatey na sakey ya ayep ed katakelan. Abingbingkas si Jose ya anak ko!

Genesis 37:33 Iomraidhean Croise

Genesis 37:20

Pateyen tayo, insan tayo ibantak ed bobun so bangkay to. Ibaga tayon pinatey na ayep ed katakelan. Nengnengen tayod satan no antoy pagmaliwan na saray kogip to.”

Genesis 37:32

Inyakar da may kawes ed kinen ama ra tan inkuanda, “Nalmo mi ya. Nengneng yo pa no kayaryan nen anak yo.”

Genesis 42:38

Balet inkuanen Jacob, “Ag nayarin milad sikayoy anak ko; inatey lay agi to, tan sikato labat lay atilak. Nayarin walay maoges a nagawad sikato diad dalan. Masiken ak la; ompatey ak ed ermen ya iter yod siak.”

Genesis 44:20

Inyebat min walay ama min masiken la tan sakey ya agi min sankayogtanan a nianak nen matakken lay ama mi. Inatey lay agi to yan ogaw tan sikato labat so mabilay ya anak nen ina to, kanyan ontan lay panangarod sikato nen ama mi.

Genesis 44:28

Naandi lay sakey; nayarin say laman to et binibingkas na ayep ed katakelan, ta ag ko nin balut anengneng nanlapud saman.

Genesis 48:11

Inkuanen Jacob ed kinen Jose, “Ag kon balut inilaloan a nanengneng ta ka ni, et natan inyabuloy ni ingen na Dios a nanengneng kon pati saray anak mo.”

1 Saray Arari 13:24

Linma la may propitan taga Juda, tan diad dalan inabet na lion tan pinatey da. Abaktar ed dalan so bangkay na samay propita, tan nanalagey ed abay to imay asno tan samay lion.

2 Saray Arari 2:24

Nilingaw to ra, minoldagatan to ra, tan insamba to rad ngaran na Katawan. Kabebekta pinmaway ed takel so duaran uso a kabatyan tan binibingkas day apataplo tan dua ed saramay ogogaw a lalaki.

Probirbio 14:15

Say toon makulang-kulang sisiaen toy amin a bengatla; balet saray totoon walay pakatalus aasikasoen da ray kurang da.

Juan 13:7

Inmebat si Jesus, “Ag mo ni natan natalusan yay gagawaen ko, balet natalusan mo lamlamang naani.”