Genesis 37:29 - Maung A Balita Biblia

²⁹ Nen pinmawil ed samay bobun si Ruben tan anengneng ton anggapo lad may Jose, pinilat toy kawes to diad ermen to.

Maung a Balita Biblia

²⁹ Nen pinmawil ed samay bobun si Ruben tan anengneng ton anggapo lad may Jose, pinilat toy kawes to diad ermen to.

Genesis 37:29 Iomraidhean Croise

Genesis 34:13

Saramay lalakin anak nen Jacob et inebatan day marakep si Sikem tan si ama to, balet walad kanunotan dan palikdoen da ra lapud agawa ed kinen Dina ya agi ra.

Genesis 37:34

Pinilat nen Jacob so kawes to diad ermen to tan nansolung na sako. Abayag a nanermen lapud si anak to.

Genesis 44:13

Pinipilat na saramay sanaagi iray kawes da a pangipanengneng day ermen da, impapawil da ra may sako ra ed beneg na saray asno ra, insan ira pinmawil ed siudad.

2 Samuel 1:11

Diad ermen nen David pinilat toy kawes to, tan onya met so ginawa na saray totoo to.

2 Samuel 13:19

Ininan toy dapul so olo to, pinilat toy kawes to, tan linma lan manakis a sankaakup toy lupa to.

2 Saray Arari 11:14

Anengneng tod man so balon ari a manalalagey ed abay na lusek ed lolooban na Timplo, onung na naogaliyan. Aliber na saray opisyal tan saray managtrumpita so ari, tan malikeliket a maneeyag tan mampapaknul na trumpita iray totoo. Diad inkagunigon to ginebyas toy kawes to tan ineyag to, “Sumlang ya ed pakaoley! Sumlang ya ed pakaoley!”

2 Saray Arari 19:1

Diad ermen nen Ari Ezekias nen nadngel toy imbalita da ra may opisyal to, pinilat toy kawes to, insan linmad dalem na Timplo na Katawan.

2 Saray Arari 5:7

Kapambasa na ari na Israel ed samay sulat, pinilat toy kawes to a pangipanengneng toy inkagunigon to tan inkuanto, “Panoy panilalo na ari ed Siria a napaabig ko yan too? Dios ak sirin a walay pakayarid bilay tan patey? Mapatnag a labay toy mikolkol ed siak!”

Say Libro nen Job 1:20

Lapud saya inmalagey si Job tan pinilat toy kawes to a pangipanengneng toy ermen to. Kiniskisan toy olo to tan intiblak tod dalin.

Jeremias 36:24

Balet samay ari odino saramay opisyal ya akadngel ed sarayan amin et ag ira tinmakot odino angipatnag na pagbabawi ra.

Joel 2:13

Ipapuso yoy panermen yo; aliwan masarag so pampilat yod kawes yo.” Pawil kayod Katawan a Dios yo, ta maabagey tan mapangasi; sikatoy maanos tan totooren toy sipan to; sipaparaan a mamirdona, aliwan manusa.

Saray Bilang 14:6

Et si Josue ya anak nen Nun tan si Caleb ya anak nen Jefone a kabyangan irad saramay ispia pinipilat day kawes da diad pangipanengneng day ermen da

Saray Gawgawa 14:14

Nen naamtaan ya nen Bernabe tan Pablo, ginabyas da ray kawes da tan batik iran linmad pegley na totoo. Iningal da,

Saray Huis 11:35

Kanengneng tod sikato, pinilat toy kawes tod ermen to tan kuanto, “O anak ko! Paniingeten moy pagew ko! Akin et sikay makasengeg na mapalalon kagunigon ko. Walay sinambaan kod Katawan, et ag ko la nababawi.”