Genesis 37:27 - Maung A Balita Biblia

²⁷ Ilako ti lad saray Ismaelita. Diad ontan ag ti la napasakitan; agi tayo ni met, kalamanan tan kadalaan tayo.” Inmabubon ira may agagi to.

Maung a Balita Biblia

²⁷ Ilako ti lad saray Ismaelita. Diad ontan ag ti la napasakitan; agi tayo ni met, kalamanan tan kadalaan tayo. Inmabubon ira may agagi to.

Genesis 37:27 Iomraidhean Croise

Genesis 29:14

inkuanen Laban, “On, andi-duaruwa a sikay dilin laman tan pokel ko.” Nanayam dimay Jacob na sakey bulan.

Genesis 37:22

“Ibantak yo labat ed sayay bobun diad kalawakan, balet ag yo didiwiten.” Inkuanto ya, pian niagel tod sikara tan nipawil tod kinen ama to.

Genesis 42:21

tan inkuan na sakey tan sakey ed sikara, “Nankasalanan itayo ed samay ginawa tayod agi tayo; anengneng tayoy baleg ya irap to nen akikasid sikatayo, balet ag tayo dinengel. Kanyan wala tayo natan ed sayan irap.”

Genesis 50:20

Nankokomplutan yo ak a nanggawaay maoges, balet say Dios impagmaliw to a pankaabigan iman a kaogsan, pian makapambilay iray amayamay a totoo, saray totoon mabilay natan lapud saman ya agawa.

2 Samuel 12:9

Akin sirin et ag mo inonur iray ganggan ko? Akin et ginawam yan kaogsan? Impapatey mod bakal si Urias; inabuloyan mon pinatey na saray Ammonita, insan mo inasaway asawa to!

Nehemias 5:5

Nampaparay dala mi, sikami tan saray kapara min Judio. Anggapoy pidomaan na saray anak mi ed saray anak da. Balet akin et nakaukolan a gawaen min aripen iray anak mi? Nilako lan aripen iray arum ya anak min bibii. Pangaskasiyan kami, lapud nala la ray kaalogan tan kaubasan mi.”

Nehemias 5:8

Inkuankod sikara, “Gagawaen tayoy anggaay nayarian tayon manondon ed saray agagi tayon Judio a nilako rad saray arum a bansa. Natan balet, papasooten yo ray agagi yo ya ilako ray sikaran dili ed sikayo a kapara ran Judio!” Ag makaskasel iray pangulo tan anggapoy nibaga ra.

Exodo 21:16

“Siopamay mamasoot a mangala na too ya ilako to odino aripenen to, nepeg a pateyen.

Exodo 21:21

Balet no ag ompatey ed loob na sakey odino duaran agew, nepeg ya ag dusaen. Masarag lan dusa to so inkaandi na kayaryan ton aripen.

Mateo 16:26

Antoy nagonggona na sakey a toon nakayarian toy intiron mundo, no naandi lamlamang so bilay to? Anggapoy nibayar na too a pamapawil toy bilay to.

Mateo 26:15

tan inkuanto, “Antoy iter yod siak no iyawat koy Jesus ed sikayo?” Imbilangan day talomplon kuartan pilak tan inter dad sikato.

1 Timoteo 1:10

saray managgaway inmoralidad, saray lalakin miaakdul ed kapara ran lalaki, saray managalay ogaw, saray matitila, saray tasin tilay tatasian da tan saray manggagaway antokaman ya onsumlang ed tuan bangat.

Puyan 18:13

saray kanila, rikado, insinso, mira, tan pabalingit; saray alak tan larak, arina tan trigo, saray baka tan karniro, kabayo tan karwahi, saray aripen, tan pati say bilay na too.

1 Samuel 18:17

Insan inkuanen Saul ed kinen David, “Niay Merab, say anak kon sankapangulowanan a bii. Iter kod sikan asawaen mo, dapot no masebeg tan matoor kan sondalo a manlingkur ed siak, tan milaban kad saray bakal na Katawan.” (Ginawa ya nen Saul, ta abaloan ton diad onya napatey na saray Filisteo si David, et aliwa lan sikaton dili so mamatey.)