Genesis 37:25 - Maung A Balita Biblia

²⁵ Nen mangakan ira, anengneng day olup na saray Ismaelita a nanlapud Galaad tan mamapaarap irad Egipto. Napnoy beneg na kamilyo ra na pasas tan rikado.

Maung a Balita Biblia

²⁵ Nen mangakan ira, anengneng day olup na saray Ismaelita a nanlapud Galaad tan mamapaarap irad Egipto. Napnoy beneg na kamilyo ra na pasas tan rikado.

Genesis 37:25 Iomraidhean Croise

Genesis 31:21

Inawit ton amin iray kayaryan to tan ginanatan toy tinmaynan. Binaliw toy Ilog na Eufrates tan amaarap ed Palandey na Galaad.

Genesis 31:23

Intagar to ray totoo to tan inosilan ton pitoy agew si Jacob, et nabot to ed palandey na Galaad.

Genesis 37:24

Insan siningkat da tan imbuntok dad bobun a nakatan.

Genesis 37:28

Nen onlalabas iray komirsiantin Madianita, inagwat na saramay sanaagi si Jose, insan da inlakoy duamplon kuartan pilak ed saray Ismaelita; inawit da sirin si Jose ed Egipto.

Genesis 37:36

Leleg a nagagawa ra ya, inlako na saramay Madianita si Jose ed kinen Potifar diad Egipto. Sakey ed saray opisyal na ari si Potifar tan pangulo na saray guardia ed palasio.

Genesis 39:1

Saramay Ismaelita inyakar dad Egipto si Jose tan inlako rad kinen Potifar, sakey ed saray opisyal na ari tan kapitan na saray guardiad palasio.

Genesis 43:11

Inkuanen ama ra, “No ontan so nepeg a nagawa, onyay gawa yo sirin: Mangawit kayoy sankamaungan iran bungay dalin, ikarga yod saray balkut yo, tan irigalo yo rad satay gobirnador: pigaran pasas, daiset a dilo, saray rikado, alponsigo, tan almindra.

Ester 3:15

Lapud ganggan na ari nipaamtad saray totood Susa, say manonan siudad imay ganggan. Saray ibabaki impasabi rad saray luyag so balita. Naninoman so ari tan si Haman, legan a nagegewgew so intiron siudad na Susa.

Saray Salmo 14:4

Tetepeten na Katawan, “Sarayan totoon managgaway kaogsan, ag da amta? Pambibilay da ray tatakewen dad saray totook, tan ag ira mampipikasi ed siak.”

Saray Salmo 83:6

saray totood Edom tan saray Ismaelita; saray taga Moab tan saray Agareno;

Probirbio 30:20

Onyay kagagawa na biin aliwan matoor ed asawa to; mikaloguran, manames, insan kuanto, “Anggapoy ginawak a maoges!”

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Jeremias 22:6

“Para say siak say palasiod Juda et marakep a singa dalin na Galaad tan kaparpara na Saray Palandey na Libano; balet pagmaliwen kon kalawakan ya anggapoy toon manaayam.

Jeremias 46:11

Totood Egipto, laka yod Galaad, ta mangala kayoy tambal! Asali lan anggapoy kana iray tambal yo; anggapoy bengatlan makapaabig ed sikayo.

Jeremias 8:22

Anggapo ta lay tambal ed Galaad? Anggapo ta lad may doktor? Akin et ag naabigan iray totood bansak?

Ezekiel 47:18

“Say ketegan ed bokig et mampaabalaten a manlapud sakey a tanda a walad nanleetan na dalin na Damasco tan say dalin na Hauran, tan say Ilog na Jordan so ketegan ed nanleetan na dalin na Israel diad sagur tan say dalin na Galaad diad bokig, ya anggad Tamar diad Inatey a Dayat.

Amos 6:4

Pangaskasiyan so kipapasen yo, sikayon maninat-inat ed saray mabmablin katri yo tan manliliket ed pandorongo yod potahin karniy kilaw na baka tan kordiro!

Amos 6:6

Saray bason ankabaleg so paniinoman yod saray alak tan sankabalingitan a pabalingit iray ipopoyuk yo, balet ag yo eermenan so kaderal na Israel.

Josue 13:11

Sakop to met so Galaad, saray dalin na Gesur tan Maaca, say intiron Palandey na Hermon, tan say intiron dalin na Basan ya anggad Saleca.