Genesis 35:23 - Maung A Balita Biblia

²³ Sikara yay anak tod kinen Lea: Ruben (say pangulowan ya anak nen Jacob), Simeon, Levi, Juda, Isacar, tan Zabulon;

Maung a Balita Biblia

²³ Sikara yay anak tod kinen Lea: Ruben (say pangulowan ya anak nen Jacob), Simeon, Levi, Juda, Isacar, tan Zabulon;

Genesis 35:23 Iomraidhean Croise

Genesis 29:16

Walay duaran bibiin anak nen Laban: Lea so pangulowan, tan Raquel so yogtan.

Genesis 29:31

Nen anengneng na Katawan ya ag inaro nen Jacob si Lea, inabuloyan ton makapananak; si Raquel, balet, ag mananak ta lepes.

Genesis 33:2

Walad onaan ira may aripen tan saray anak da, insan mantombuk si Lea tan saray anak to, tan diad onur si Raquel tan si Jose.

Genesis 49:3

“Ruben ya anak kon pangulowan, sikay biskeg ko, Tan onaan ya anak ko nen kabisbiskegan ko, Say sankamapaatageyan tan sankabiskegan ed amin da ray anak kon lalaki.

1 Saray Awaran 27:16

Sikato yay listaan na saray pangulo da ray tribu na Israel: Diad tribu nen Ruben si Eliezer a lakin anak nen Zicri Diad tribu nen Simeon si Sefatias a lakin anak nen Maaca Diad tribu nen Levi si Hasabias a lakin anak nen Kemuel Diad tribu nen Aaron si Sadoc Diad tribu nen Juda si Eliu, a sakey ed saray lalakin agagi nen Ari David Diad tribu nen Isacar si Omri a lakin anak nen Micael Diad tribu nen Zabulon si Ismaias a lakin anak nen Obadias Diad tribu nen Neftali si Jeremot a lakin anak nen Azriel Diad tribu nen Efraim si Oseas a lakin anak nen Azarias Diad tribu nen Kapalduay Manases si Joel a lakin anak nen Pedaya Diad tribu nen Kapalduay Manases si Iddo a lakin anak nen Zacarias Diad tribu nen Benjamin si Jaasiel a lakin anak nen Abner Diad tribu nen Dan si Azarel a lakin anak nen Jeroham

Exodo 1:1

Saray anak nen Jacob tan saray pamilya ra a kaiba to ran linmad Egipto et saraya:

Ezekiel 48:30

Walay labinduan lolooban a mamaarap ed siudad na Jerusalem. Kapag sakey ed apatiran padir na siudad walay duan libo tan apat a lasus tan pitomplon mitro so karokey to tan walay taloran puirta to, a balang sakey ningaran ed kapag tribu. Saray puirtan walad bandad baybay a padir ningaran ira ed kindi Ruben, Juda, tan Levi; diad bandad bokig, ningaran ira ed kindi Jose, Benjamin, tan Dan; diad bandad abalaten a padir ningaran ira ed kindi Simeon, Isacar, tan Zabulon; tan diad bandad sagur a padir ningaran ira ed kindi Gad, Aser, tan Neftali.

Saray Bilang 1:20

Saray lalakin mantaon na duamplo a mampaatagey a nayarin mansondalo et nilistay kangaranan da onung na boleg tan pamilyan nanlapwan da, manlapud tribu nen Ruben a sankapangulowanan a lakin anak nen Jacob. Saray onggendan et sikaray katiponan na amin a nilista: Diad tribu nen Ruben, apataplo tan anem a libo tan liman lasus Diad tribu nen Simeon, limamplo tan siam a libo tan talon lasus Diad tribu nen Gad, apataplo tan liman libo, anem a lasus tan limamplo Diad tribu nen Juda, pitomplo tan apat a libo tan anem a lasus Diad tribu nen Isacar, limamplo tan apat a libo tan apat a lasus Diad tribu nen Zabulon, limamplo tan pito tan apat a lasus Diad tribu nen Efraim, apataplon libo tan liman lasus Diad tribu nen Manases, talomplo tan duan libo tan duan lasus (di Efraim tan Manases et anak ira nen Jose) Diad tribu nen Benjamin, talomplo tan liman libo tan apat a lasus Diad tribu nen Dan, anemaplo tan duan libo tan piton lasus Diad tribu nen Aser, apataplo tan sakey a libo tan liman lasus Diad tribu nen Neftali, limamplo tan talon libo tan apat a lasus Say karakel dan amin et anem a lasus tan talon libo, liman lasus tan limamplo.

Saray Bilang 1:5

Sikara yay lalakin panguloy boleg na kapag tribu tan apili ran ontulong ed sayan kimey. Nia ray kangaranan da: Diad tribu nen Ruben, si Elizur ya anak nen Sedeur Diad tribu nen Simeon, si Selumiel ya anak nen Suridai Diad tribu nen Juda, si Naason ya anak nen Aminadab Diad tribu nen Isacar, si Natanael ya anak nen Zuar Diad tribu nen Zabulon, si Eliab ya anak nen Helon Diad tribu nen Efraim, si Elisama ya anak nen Amiud Diad tribu nen Manases, si Gamaliel ya anak nen Pedazur (di Efraim tan Manases et anak ira nen Jose) Diad tribu nen Benjamin, si Abidan ya anak nen Gideoni Diad tribu nen Dan, si Ahizier ya anak nen Amisadai Diad tribu nen Aser, si Pagiel ya anak nen Ocran Diad tribu nen Gad, si Elisaf ya anak nen Deuel Diad tribu nen Neftali, si Ahira ya anak nen Enan

Saray Bilang 10:14

tan kapag onalis ira ag da oomaney oksuy da. Agrupo-grupo ran mankurang tan onaan iray walad silong na bandira na olupan ya iwawanwan na tribu nen Juda. Si Naason a lakin anak nen Aminadab so pangulo ra.

Saray Bilang 2:3

Diad bandad bokig so pankampoan na olupan nen Juda, diad saray grupo ra a wala rad silong na pakaoley da ray onggendan a pangulo ra: Diad tribu nen Juda, si Naason a lakin anak nen Aminadab, pitomplo tan apat a libo tan anem a lasus iran amin Diad tribu nen Isacar, si Natanael a lakin anak nen Zuar, limamplo tan apat a libo tan apat a lasus iran amin Diad tribu nen Zabulon, si Eliab a lakin anak nen Helon, limamplo tan piton libo tan apat a lasus iran amin. Say karakel na amin da ray walad sayan olupan et sanlasus walomplo tan anem a libo tan apat a lasus. Sayan olupan nen Juda so onona ed pankurang da.

Saray Bilang 26:5

Say tribu nen Ruben (si Ruben so sankapangulowanan ya anak nen Israel): saray boleg di Hanoc, Fallu,

Saray Bilang 34:19

Sikara yay lalakin pinili na Katawan: Diad tribu nen Juda si Caleb ya anak nen Jefone Diad tribu nen Simeon si Samuel ya anak nen Amihud Diad tribu nen Benjamin si Elidad ya anak nen Kislon Diad tribu nen Dan si Bukki ya anak nen Jogli Diad tribu nen Manases si Haniel ya anak nen Efod Diad tribu nen Efraim si Kemuel ya anak nen Siftan Diad tribu nen Zabulon si Elizafan ya anak nen Parnak Diad tribu nen Isacar si Paltiel ya anak nen Azan Diad tribu nen Aser si Ahihud ya anak nen Selomi Diad tribu nen Neftali si Padahelya anak nen Ahihud

Saray Bilang 7:12

Inyaapay da ray bagat da onung na onggendan: Diad ononan agew, si Naason a lakin anak nen Aminadab, tan pangulo na tribu nen Juda Diad kumadwan agew, si Natanel a lakin anak nen Zuar, tan pangulo na tribu nen Isacar Diad kumatlon agew, si Eliab a lakin anak nen Helon, tan pangulo na tribu nen Zabulon Diad kumapat ya agew, si Elizur a lakin anak nen Sedeur, tan pangulo na tribu nen Ruben Diad kumaliman agew, si Selumiel a lakin anak nen Zurisadai, tan pangulo na tribu nen Simeon Diad kumanem ya agew, si Eliasaf a lakin anak nen Duel, tan pangulo na tribu nen Gad Diad kumapiton agew, si Elisama a lakin anak nen Amihud, tan pangulo na tribu nen Efraim Diad kumawalon agew, si Gamaliel a lakin anak nen Pedazur, tan pangulo na tribu nen Manases Diad kumasiam agew, si Abidan a lakin anak nen Gideoni tan pangulo na tribu nen Benjamin Diad kumasamplon agew, si Ahiezer a lakin anak nen Amisadai, tan pangulo na tribu nen Dan Diad kumalabinsakey agew, si Pagiel a lakin anak nen Ocran, tan pangulo na tribu nen Aser Diad kumalabinduan agew, si Ahira a lakin anak nen Enan, tan pangulo na tribu nen Neftali. Nampapara so bagat ya inawit na balang sakey ed sikara: sakey a pilak a yaung a mambelat na sakey tan kapalduan kilo tan sakey a pilak a palanggana a mambelat na kulang-kulang a sakey kilo, onung na panagsimbang ed santuario tan napno ra yan dua na arinan inkames ed larak a para bagat a trigo; sakey a balituk a platito a mambelat na apatiran onsa tan napno na insinso; sakey a kilaw a bakan kalakyan, sakey a karniron kalakyan, tan sakey taon a kordiron para bagat a popoolan; sakey a kanding ya ibagat a para kasalanan; tan duaran bakan kalakyan, limaran karniron kalakyan, limaran kanding, tan limaran sakey taon a kordiro ya ibagat a para kareenan.

Saray Gawgawa 7:8

Insan ingganggay Dios ed kinen Abraham so panagsegat, a tanday impisipanan to. Kanyan sinegat nen Abraham si Isaac nen kumawaloy agew nanlapud inkianak to. Sinegat nen Isaac si Jacob, tan onya met so ginawa nen Jacob ed saray labinduan patriarka.

Deuteronomio 27:11

Insan inkuanen Moises ed saray totood Israel,

Deuteronomio 33:6

Inkuanen Moises nipaakar ed tribu nen Ruben: “Ag komun naerep a balut so tribu nen Ruben, Anggaman a daiset iray kabyangan to.”

Josue 13:15

Si Moises initdan to na sakey a parti na dalin iray pamilya na tribu nen Ruben.

Josue 15:1

Saray pamilya na tribu nen Juda naawat day onggendan a parti na dalin: Sakop na dalin da so anggad sankaarawian a pasen ed abalaten na kalawakan na Zin, diad ketegan na Edom.

Josue 19:1

Say kumadwan apabetangan na dalin et saray pamilya na tribu nen Simeon. Say dalin da et walad loob na dalin a nipabetang ed tribu nen Juda.

Josue 19:10

Say kumatlon apabetangan na dalin et saray pamilya na tribu nen Zabulon. Say dalin a naawat da et nasabi toy anggad Sarid.

Josue 19:17

Say kumapat ya apabetangan na dalin et saray pamilya na tribu nen Isacar.

Puyan 7:7

labinduan libo so nanlapud tribu nen Simeon; labinduan libo so nanlapud tribu nen Levi; labinduan libo so nanlapud tribu nen Isacar;

Saray Huis 5:14

Manlapu ra ed Efraim linma ra ed patar diad nibeneg na tribu nen Benjamin tan saray totoo to. Inmakseb manlapud Makir iray panguloy sondalo; inmakseb manlapud Zabulon iray opisyal.

Saray Huis 5:15

Sinmabi ray pangulo nen Isacar a kaiba ray Debora; on, sinmabiy Isacar a pati si Barac, tan saray totoo et tinombuk dad patar. Balet naapag so tribu nen Ruben; ag ira akapampapakna ya ontombuk.

Saray Huis 5:18

Balet saray totoo di Zabulon tan Neftali imposta ray bilay dad bakalan.

Ruth 4:11

Inkuan da ra may pangulo tan saray arum, “On, sikami ray tasi. Sayan malangwer a bii ya iyamung mo et gawaen komun na Katawan a singa di Raquel tan Lea, a nananak iray amayamay ed kinen Jacob. Onyaman ka komun ed saray kabyangay boleg nen Efrata, tan magmaliw ka komun a bantug ed Betlehem.