Genesis 34:13 - Maung A Balita Biblia

¹³ Saramay lalakin anak nen Jacob et inebatan day marakep si Sikem tan si ama to, balet walad kanunotan dan palikdoen da ra lapud agawa ed kinen Dina ya agi ra.

Maung a Balita Biblia

¹³ Saramay lalakin anak nen Jacob et inebatan day marakep si Sikem tan si ama to, balet walad kanunotan dan palikdoen da ra lapud agawa ed kinen Dina ya agi ra.

Genesis 34:13 Iomraidhean Croise

Genesis 34:12

Ibaga yod siak no anto ray labay yon irigalok, tan no pigay labay yon ibayar ko; iter koy antokaman a kerewen yo, dapot no paasawa yod siak si Dina.”

Genesis 34:14

Inkuandad kinen Sikem, “Ag mi iyabuloy a miasaway agi mi ed sakey a lakin ag asegat; makapabaing yad sikami.

Say Libro nen Job 13:4

Sasakuban yo na tila so ag yo pakaamta; singa kayo saray doktor ya anggapoy napaabig da.

Say Libro nen Job 13:7

Akin et mantitila kayo? Abaloan yon say panitila yo et natulongan toy Dios?

Saray Salmo 12:2

Mantitilaan la ray totoo; manlolokowan tan mampapalikdowan ira.

Probirbio 12:13

Say toon maoges naeerel ed saray dilin salita to, balet say toon matonung makalolokpus ed gunigon.

Isaias 59:13

Sinmumpa kamid sika, impolisay mi ka, tan ag mi ka inonur. Pinapairap mi ray arum tan inmarawi kamid sika. Pikewet iray kanunotan mi; tila ray salita mi.

Mikias 7:2

Anggapo lay nakdaan ya anggan sakey a matonung a too ed bansa, anggapo lay toon matoor ed Dios. Balang sakey a too et manaalagar na pankanawnawa ton mamatey ed kapara ton too. Balang sakey et labay ton erelen so siopaman a kadalaan to.

Mateo 28:13

tan inkuanda, “Ibaga yod saray katoowan a linma ray disipulo to tan tinakew day bangkay to, nen naogip kayo.

Saray Taga Roma 12:19

Ag kayo ombabawi, inararon agagi; paolyan yo lan ombawi so Dios. Ta ibabagay Masanton Sulat, “Siak so maningil, siak so ombawi, kuay Katawan.”

1 TESALONICA 5:15

Ag kayo ombabawid saray nanggaway maoges ed sikayo, no ag ingen manggawa kayo lawas na pankaabigay sakey tan sakey ed sikayo tan amin a katoowan.

Saray Huis 15:3

Inkuanen Samson, “Ag ak la natan natetel ed antokaman a gawaen kod saray Filisteo!”