Genesis 33:5 - Maung A Balita Biblia

⁵ Nen anengneng nen Esau ira may bibii tan saramay ogogaw, tinepet to, “Siopa ra yay kaibam?” Inmebat si Jacob, “Sikara yay ogogaw ya inter na Dios ed siak lapud panangaro to.”

Maung a Balita Biblia

⁵ Nen anengneng nen Esau ira may bibii tan saramay ogogaw, tinepet to, Siopa ra yay kaibam? Inmebat si Jacob, Sikara yay ogogaw ya inter na Dios ed siak lapud panangaro to.

Genesis 33:5 Iomraidhean Croise

Genesis 30:2

Akapasnuk si Jacob ed kinen Raquel tan inkuanto, “Dios ak sirin? Say Dios, aliwan siak, so makasengeg na ag mo pananak.”

Genesis 33:6

Inmasingger ira may aripen tan saramay anak da tan dinmakmomo ran angigalang;

Genesis 48:9

Inmebat si Jose, “Anak ko ran inter na Dios ed siak diad Egipto.” Inmebat si Jacob, “Iyasingger mo ra diad siak, pian nabindisionan ko ra.”

1 Saray Awaran 28:5

Initdan to ak na amayamay ya anak a laki tan diad sikara pinili toy Solomon a manoley ed intiron Israel, saray panarian na Katawan.

Saray Salmo 127:3

Rigalo na Katawan iray anak; petepeteg iran tumang.

Isaias 8:18

Wadya ak, kaibak iray anak ya inter ed siak na Katawan. Say Katawan a Makapanyarin-amin a say trono to et walad toktok na Palandey na Sion, ginawa to kamin mabilay a tanda a pakapatnagan na saray totoo ed Israel.

Saray Hebreo 2:13

Inkuanto met, “Manmatalek ak ed Dios.” Inkuanto ni, “Wadya ak a kaibak iray anak ya inter ed siak na Dios.”

Ruth 4:13

Kanyan inasawa nen Booz si Ruth, insempet to insan to inakdulan. Insan inyabuloy na Katawan a manlokun tan nananak na sakey a laki.

1 Samuel 1:27

Inebatan na Katawan so pikakasik tan sayan ogaw so inter tod siak.