Genesis 32:31 - Maung A Balita Biblia

³¹ Pinmaway lay agew nen ontataynan lay Jacob manlapud Peniel; mankitley lapud samay tapi to.

Maung a Balita Biblia

³¹ Pinmaway lay agew nen ontaynan lay Jacob manlapud Peniel; mankitley lapud samay tapi to.

Genesis 32:31 Iomraidhean Croise

Genesis 16:13

Tinepet nen Agar ed sikaton dili, “Anengneng ko tan talaga so Dios, et mabilay ak ni?” Inngaran to sirin so Katawan ya akisalitad sikato na, “Dios a Mannenengneng.”

Genesis 19:15

Diad palbangon, impangganat na saramay anghil si Lot. “Ganatan mo!” inkuanda. “Awit moy asawam tan saray duaran marikit mo, pian ag kayo ompatey no naderal so siudad.”

Genesis 19:23

Ompapaway so agew nen sinmabid Zoar si Lot.

Genesis 32:25

Nen alikas na samay too ya ag manalo, pinoniti tod tapi si Jacob, et apiley.

Genesis 32:32

Anggad natan, ag mangakan iray kabyangay boleg nen Israel na laman na tapi, ta diad sayan laman so aponiti ed kinen Jacob.

1 Saray Arari 12:25

Si Ari Jeroboam na Israel niliber toy padir so baley na Sikem diad nipokdul a luyag na Efraim tan nanayam diman ya agano. Tinmaynan diman tan niliber toy padir so baley na Penuel ya inalisan to.

1 Saray Arari 18:26

Inala da may bakan niiter ed sikara, imparaan da, tan nampikasi rad kinen Baal ya anggad kaagewan. Ineyag da, “Ebatan mo kami pa, Baal!” tan nansayaw-sayaw irad kaliber-liber na altar a ginawa ra. Balet anggapoy ebat a naalagar da.

Saray Salmo 38:17

Ngalngali ak la natumba, tan ag ontotonday panliliknak na sakit.

Exodo 24:10

insan anengneng da so Dios na Israel a manalalagey ed pasen a sapiro tan malinew a singa kolur na tawen.

Exodo 24:11

Ag pinasakitan na Dios ira yan lalakin pangulo na Israel; anengneng day Dios, insan nantitipon iran angan tan inminom.

Isaias 6:5

Inkuanko, “Pakaskasi ak la! Anggapo lay ilalok! Maoges ya amin so sasalitaen na dilak, tan manaayam ak ed kawalaan da ray totoon maoges so sasalitaen da. Naamtaan ko ya, lapud say Ari a Katawan a Makapanyarin-amin so anengneng na saray dilin matak.”

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

2 CORINTO 12:7

Balet pian ag ak lalon mampaatagey lapud saray impuyan ed siak na Dios a makapakelaw iran bengatla, naitdan ak na sakit a liliknaey laman ko, a pinagkalewet nen Satanas a pamairap tod siak, pian ag ak magmaliw a mapaatagey.

2 CORINTO 12:9

balet onyay ebat to: “Say baleg a panangarok labat so nakaukolan mo, ta say pakayarik et sankabiskegan ya ontulong no makapoy ka.” Malikeliket ak sirin a mangipasirayew ed saray kakapoyan ko, pian naliknak so panangyagel ed siak na pakayari nen Cristo.

Deuteronomio 5:24

tan kuanda, ‘Say Katawan a Dios tayo et impanengneng tod sikatayo so pakapanyari tan kagalangan to nen nadngel min nansalita a nanlapud apoy! Anengneng mi la natan a siansian mambilay so sakey a too, anggaman ya akisalitad sikato so Dios.

Deuteronomio 5:26

Wala tay toon nambilay kayari ton nadngel a nansalitan nanlapud apoy so mabilay a Dios?

Saray Huis 6:22

Diad saya abirbir nen Gedeon ya anghil na Katawan imay anengneng to, kanyan natatakot a kuanto, “Katawan a Dios, anengneng kod lupa-lupaan so anghil mo!”

Saray Huis 6:23

Balet say Katawan kuantod sikato, “Mandeen ka. Ag ka natatakot. Ag ka ompatey.”

Saray Huis 8:8

Tinmuloy ed Penuel si Gedeon tan akikerew met diman na tinapay ed saray totoo, balet say ebat ed sikara na saray totood man et singa samay ebat na saray totood Sukot.