Genesis 32:11 - Maung A Balita Biblia

¹¹ Kerewen kod sika ya iyagel mo ak ed kinen Esau. Antakot ak ta ompan onla dian ondogpad sikami et pateyen to kamin amin, pati saray bibii tan saray ogogaw.

Maung a Balita Biblia

¹¹ Kerewen kod sika ya iyagel mo ak ed kinen Esau. Antakot ak ta ompan onla dian ondogpad sikami et pateyen to kamin amin, pati saray bibii tan saray ogogaw.

Genesis 32:11 Iomraidhean Croise

Genesis 24:27

Inkuanto, “Nadayew komuy Katawan a Dios na amok ya Abraham; tinoor toy sipan tod kinen amok. Say Katawan inwanwan to ak a linma ed saray dilin kakanayon nen amok.”

Genesis 27:41

Binosul nen Esau si Jacob lapud sikatoy angiteran na ama ra na samay bindision. Inkuanen Esau ed sikaton dili, “Asingger lay ipatey nen amak tan say panermen ed sikato; kasumpal to ya, pateyen koy Jacob.”

Genesis 27:42

Balet arengelan nen Rebeca so getma nen Esau, kanyan impatawag toy Jacob tan inkuanto, “Dengel ka, getma nen Esau ya agim so ombawi diad pamatey tod sika.

Genesis 32:3

Angibakiy Jacob na totoo to ed kinen agi ton Esau diad dalin na Edom.

Genesis 32:7

Ataktakot tan agunigon si Jacob. Impankadwa to ray totoon kaiba to, saray karniro, kanding, baka, tan saray kamilyo.

Genesis 33:4

Balet binatik nen Esau ya inabet, nilakap to, insan to inanguban. Manakis iran dua.

2 Samuel 7:18

Si Ari David linmoob ed Tuldan Ayamay Katawan, inmirung tan nampikasi, “Aliwak a manepeg, anggan say pamilyak, et antokaman a ginagawam lad siak, Katawan a Dios.

Saray Salmo 119:134

Iyagel mo ak pad saray mamapairap ed siak, pian naonur ko ray ganggan mo.

Saray Salmo 142:6

Dengel mo pay ikekerew ko na tulong; ta linmereg ak ed kaermenan. Ilaban mo ak pad saray kalaban ko, ta mabiskeg iran tuloy nen siak.

Saray Salmo 16:1

Iyagel mo ak pa, O Dios, ta onsasalimbeng ak ed sika.

Saray Salmo 25:20

Iyagel tan ilaban mo ak pa; ag mo pa iyaabuloy a natalo ak, ta onsasalimbeng ak ed sika.

Saray Salmo 31:2

Dengel mo ak pa! Ilaban mo ak la natan! Sika pa so salimbengan ko a mangyagel ed siak; sika pay tirinsirak a mangilaban ed siak.

Saray Salmo 43:1

O Dios, ibawag mo pan anggapoy kasalanan ko, tan ikatonungan mo ak pad saray totoon ag mamibirbir ed Dios; iliktar mo ak pad saray totoon matitila tan maoges!

Probirbio 18:19

Tulongan moy agim, et iyagel to ka a singa panangyagel na padir ed siudad, balet no kolkolen mo ag to ka palooben ed abung to.

Daniel 3:17

No say Dios a panlilingkuran mi et nayarian to kamin iyagel ed manliub a palbaan tan diad pakayarim, iyagel to kami.

Oseas 10:14

ondalan ed saray totoo yo so bakal, tan naderal iray tirinsira yo. Sayan nagawa et singa samay agew a si Ari Salman et dineral tod bakal so siudad na Bet-arbel, tan saray kainaan tan saray anak da et nibasig-basig ira ya anggad ag da impatey.

Mateo 6:13

Tan ag mo kami pa iyaakar ed pakatuksoan, no ag ingen iyagel mo kamid samay Maoges.’

Deuteronomio 22:6

“No makarumog kayo na obung na manok ya atap ed tagey na kiew odino diad dalin, tan akaekem so ina ed saray iknol to odino diad saray sibong to, ag yo nepeg ya alaen imay ina.

1 Samuel 12:10

Insan kinmerew iray tulong ed Katawan tan kuanda, ‘Nankasalanan kami, ta impolisay mi ka, Katawan, tan nanlingkur kamid saray talintaoy diriyos di Baal tan Astarot. Iyagel mo kami pad saray kalaban mi, et panlingkuran mi ka!’

1 Samuel 24:15

Say Katawan so manintinsia, tan ibaga to no siopad sikatay manggagaway kaogsan. Ag to ya komun paolyan, siak komuy iyalagey to, tan iyagel to ak ed sika.”