Genesis 32:10 - Maung A Balita Biblia

¹⁰ O matoor a Katawan, ag ak manepeg a mangawat na panangarom tan panangasim ya impatnag mod siak a mapaabeban aripen mo. Binaliw koy Jordan ya anggapoy awit ko no ag say baston labat, balet natan pinmawil ak a kaibak ira yan duaran olup.

Maung a Balita Biblia

¹⁰ O matoor a Katawan, ag ak manepeg a mangawat na panangarom tan panangasim ya impatnag mod siak a mapaabeban aripen mo. Binaliw koy Jordan ya anggapoy awit ko no ag say baston labat, balet natan pinmawil ak a kaibak ira yan duaran olup.

Genesis 32:10 Iomraidhean Croise

Genesis 18:27

Nansalita lamet si Abraham, “Pasinsiaan mo pa lay tepel na linawak a misalita lamet ed sika, Katawan. Sakey ak labat a too, tan anggapoy kanepegan kon onkerew.

Genesis 24:12

Nampikasi may aripen, “Katawan a Dios nen amok ya Abraham, maung komun so pansumpalan to yan akar ko natan, tan toor mo pay sipan mod amok.

Genesis 24:27

Inkuanto, “Nadayew komuy Katawan a Dios na amok ya Abraham; tinoor toy sipan tod kinen amok. Say Katawan inwanwan to ak a linma ed saray dilin kakanayon nen amok.”

Genesis 28:13

Insan anengneng toy Katawan a manalalagey ed abay to. Inkuan na Katawan, “Siak so Katawan a Dios nen Abraham tan si Isaac. Iter kod sika tan saray kabyangay boleg mo yan dalin a pandokdokulan mo.

Genesis 28:15

Ag mo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Ag ta ka taynan, anggad pakasumpal kon gawaen ya amin iray insipan kod sika.”

Genesis 30:43

Lapud saya nagmaliw a mayamyaman si Jacob. Amayamay iray karniro, kanding, kamilyo tan asno to, tan aripen to.

Genesis 31:3

Insan inkuan na Katawan ed sikato, “Pawil ka lad dalin na saray atateng mo tan saray kakanayon mo. Olupen ta ka.”

Genesis 32:5

Wala ray bakak, asno, kanding, karniro, tan aripen ko. Imbakik ed sika ra yan totoo, ta labay koy mipulangan ed sika.”

Genesis 32:7

Ataktakot tan agunigon si Jacob. Impankadwa to ray totoon kaiba to, saray karniro, kanding, baka, tan saray kamilyo.

2 Samuel 17:24

Nen akasabid baley na Mahanaim si David, abaliw la nen Absalom tan saray totoo to so Jordan. (

2 Samuel 7:18

Si Ari David linmoob ed Tuldan Ayamay Katawan, inmirung tan nampikasi, “Aliwak a manepeg, anggan say pamilyak, et antokaman a ginagawam lad siak, Katawan a Dios.

Say Libro nen Job 17:9

Saray ipapasen day sikaran dili a maptek laloy panisia ra a sikaray duga.

Say Libro nen Job 8:7

Arawi ra may kayamanan ya abalang mo nen saman, no ipara ra ed iter na Dios ed sika.

Saray Salmo 16:2

Kuankod Katawan, “Sika so Katawan ko; manlalapud sika ya amin iray maung a bengatlan walad siak.”

Saray Salmo 18:35

O Katawan, iyaagel tan ilalaban mo ak; lapud pananulong mo nagmaliw ak a matalonggaring, tan lapud pakayarim niarawi ak ed kaatapan.

Saray Salmo 61:7

Panoley mo pan anggad angga, O Dios, diad arap mo; iyagel mo pa diad panamegley na ag mangoman a panangarom tan inkatoor mo.

Saray Salmo 8:5

Anggaman ontan ginawam ya abebbebay kipapasen to nen say sika; kinoronaan mo na galang tan dayew.

Saray Salmo 84:7

Diad panaakar da lalon ombibiskeg ira; nanengneng dad Sion so Dios da ray diriyos!

Saray Salmo 85:10

Manabet so panagaro tan inkatoor; ontan met a manlakapan so inkatonung tan kareenan.

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Isaias 6:5

Inkuanko, “Pakaskasi ak la! Anggapo lay ilalok! Maoges ya amin so sasalitaen na dilak, tan manaayam ak ed kawalaan da ray totoon maoges so sasalitaen da. Naamtaan ko ya, lapud say Ari a Katawan a Makapanyarin-amin so anengneng na saray dilin matak.”

Isaias 63:7

Salitaen ko so ag mangoman a panangaro na Katawan; Idadayew ko lapud amin a ginagawa ton para sikatayo. Daakan so impamindision tod saray totood Israel lapud panangasi tan say ag mangoman a panangaro to.

Mikias 7:20

Ipanengneng moy inkatoor tan say ag mangoman a panangarom ed saray totoom, saray kabyangay boleg di Abraham tan Jacob, onung na insipan mod saray lalaki mi, nen saman nin panaon.

Lucas 17:10

Ontan yo met. No asumpal yo lan amiy pagagawad sikayo, ikuanyo, ‘Magter kami labat ya aripen a nanggaway kanepegan mi!’”

Lucas 5:8

Nen naimatunan nen Simon Pedro yan agawa, dinmakmomo ed saliyan nen Jesus tan inkuanto, “Arawi kad siak, Katawan, ta makasalanan ak a too!”

2 CORINTO 12:11

Nagmaliw ak a singa makulang-kulang, balet sikayoy amasoot ed siak ya onyay gawaen ko. Sikayoy manepeg ya ononan mangidayew ed siak. Ta anggaman ya anggapoy kakanaan ko, ag ak natilak ed saratan a mamaung ya “apostol”.

Deuteronomio 8:18

Nunot yo a say Katawan a Dios yo so angiter ed sikayo na pakayari a mampayaman. Onyay gagawaen to lapud niy matoor ya anggad natan ed samay impisipanan tod saray lalaki yo.

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”