Genesis 31:49 - Maung A Balita Biblia

⁴⁹ Inkuan met ni nen Laban, “Bantayan ita komun na Katawan legan a nanarawiyan ita.” Kanyan atawag met iman a pasen na Mispa.

Maung a Balita Biblia

⁴⁹ Inkuan met ni nen Laban, Bantayan ita komun na Katawan legan a nanarawiyan ita. Kanyan atawag met iman a pasen na Mispa.

Genesis 31:49 Iomraidhean Croise

1 Saray Arari 15:22

Insan ingganggan nen Ari Asa a balang sakey a tood Juda, anggapoy impoktil, et ontulong ed pangekal ed Rama na saray bato tan saray tablan impanpadir nen Baasa. Impamadir nen Asa ira yan bato tan tabla ed Mizpa tan Geba, sakey a siudad a nasasakopan na Benjamin.

Oseas 5:1

“Dengel kayod sayan salita, sikayo ran papari! Manimano kayo, sikayo ran totood Israel! Dengel kayo, sikayon kabyangay pamilya na ari! Nepeg yo komun so manintinsia onung ed katonungan—kanyan sikayo so nasintinsiaan a nadusa! Nagmaliw kayon patit diad Mizpa, nagmaliw kayon sakey ya iket ya akapanat ed Palandey na Tabor;

Saray Huis 10:17

Insan namparaan a mibakal iray Ammonita tan nankampo rad Galaad. Nantitipon iray lalaki ed Israel tan nankampo ra ed Mizpa na Galaad.

Saray Huis 11:11

Kanyan akilad saramay pangulo na Galaad si Jefte, et saray totoo impagmaliw dan manoley tan pangulo ra. Diad Mizpa pinalinew nen Jefte diad arap na Katawan so labay ton nagawa.

Saray Huis 11:29

Insan nanayam ed Jefte so ispiritu na Katawan. Dinmalan si Jefte ed Galaad tan Manases, insan pinmawil ed Mizpa na Galaad tan linmad Ammon.

1 Samuel 20:23

No nipaakar ed sipanan tan dua, andi-duaruwan tulongan ita na Katawan a tooren ta, anggad angga.”