Genesis 31:46 - Maung A Balita Biblia

⁴⁶ Ingganggan to ray totoo to a mantipon iray bato tan ibunton da. Insan angan ira diad abay to may bunton.

Maung a Balita Biblia

⁴⁶ Ingganggan to ray totoo to a mantipon iray bato tan ibunton da. Insan angan ira diad abay to may bunton.

Genesis 31:46 Iomraidhean Croise

Genesis 31:23

Intagar to ray totoo to tan inosilan ton pitoy agew si Jacob, et nabot to ed palandey na Galaad.

Genesis 31:32

Balet no narumog yo dia iray diriyos yo, nakaukolan a pateyen so siopaman a pakarumogan. Nia ray lalakin mantasi. Mananap kayoy antokaman a kayaryan yo tan ala yoy gawa yo.” Ag amta nen Jacob a tinakew nen Raquel iray diriyos nen Laban.

Genesis 31:37

Natan ta inonaan yo lan amin iray kayaryan ko, antoy nalmo yon kagawaay abung a kayaryan yo? Ipaway yo diad arap na totook tan totoo yo, pian nanengneng da tan nasintinsiaan da no siopay nalilingod sikatayo.

Genesis 31:45

Angala sirin na bato si Jacob tan impaalagey tod man a sakey a pakanudnunotan.

Genesis 31:47

Inngaran nen Laban iman a pasen na Jegar-sahaduta; si Jacob balet inggaran to na Galeed.

Genesis 31:54

Amatey na sakey ya ayep tan imbagat tod man ed palandey, insan to inimbitaan a mangan iray totoo to. Kasumpal dan angan, pinalabas day labi diad saman a palandey.

2 Samuel 18:17

Inala ray bangkay nen Absalom, impelag dad aralem a bobun ed takel, insan da tinabunan na saray bato. Amin ya Israelita batik ed kaabungan da.

Ecclesiastes 3:5

say panaon na panakdul tan say panaon na panarawian; say panaon na pananguban tan say panaon na ag pananguban.

Josue 7:26

Tinabunan day ankakabaleg a bato si Acan; wadman ni ra yan bato ya anggad natan. Sikato yay makasengeg a sayan pasen et atawag na Patar na Gunigon. Lapud sayan agawa kinmepa so mapalalon pasnuk na Katawan.