Genesis 31:42 - Maung A Balita Biblia

⁴² No ag ak labat tutulongan na Dios da ray atateng ko, say Dios ya inggalang di Abraham tan Isaac, pinataynan yo ak la komun a kalima-lima. Balet anengneng na Dios so gunigon ko tan say kimey ko; kalabyan inter to lay sintinsia to.”

Maung a Balita Biblia

⁴² No ag ak labat tutulongan na Dios da ray atateng ko, say Dios ya inggalang di Abraham tan Isaac, pinataynan yo ak la komun a kalima-lima. Balet anengneng na Dios so gunigon ko tan say kimey ko; kalabyan inter to lay sintinsia to.

Genesis 31:42 Iomraidhean Croise

Genesis 11:5

Inmakseb so Katawan, ta nengnengen toy siudad tan say tori ya impaalagey na saraman a totoo,

Genesis 16:11

Mananak kay sakey a laki, tan ingaran mo na Ismael, ta nadngel na Katawan so tagleey mo.

Genesis 16:13

Tinepet nen Agar ed sikaton dili, “Anengneng ko tan talaga so Dios, et mabilay ak ni?” Inngaran to sirin so Katawan ya akisalitad sikato na, “Dios a Mannenengneng.”

Genesis 27:33

Ginmiwgiw so intiron laman nen Isaac, tan tinepet to, “Siopa sirin imay amatey na ayep, insan to imparongod siak? Kinan ko, kasakbayan ya onsabi ka. Inter kod sikatoy samput a bindision ko, tan kien to la ya anggad angga.”

Genesis 29:32

Nanlokun si Lea tan nananak na sakey a laki. Inkuanto, “Anengneng na Katawan so segsegang ko; natan aroen ak la nen asawak”; kanyan inngaran to na Ruben imay ogaw.

Genesis 31:12

Intuloy ton inkuan, ‘Nengneng mo, amin a kanding a kalakyan a mankakasta et gulisan, batekan, tan baklayan ira. Gagawaen ko ya, ta nanenengneng koy gagawaen nen Laban ed sika.

Genesis 31:24

Diad kogip nen Laban ed saman a labi, linmay Dios ed sikato tan inkuanto, “Manalwar ka! Ag mo didiwiten a balut si Jacob.”

Genesis 31:29

Walay pakayarik a mamasakit ed sika, balet pinasakbayan ak na Dios nen amam ya ag ta kan balut diwiten.

Genesis 31:5

Inkuantod sikara, “Nalilikas kon mangooman lay panangarod siak di ama tayo; balet aasikasoen ak lawas na Dios nen amak.

Genesis 31:53

Say Dios nen Abraham tan say Dios nen Nacor so manintinsiad sikatan dua.” Insan diad ngaran na Dios ya inggalang nen ama ton Isaac, sinambaan nen Jacob a tooren to yan sipan.

Genesis 32:9

Insan nampikasiy Jacob, “Dios nen lakik ya Abraham tan Dios nen amak ya Isaac, dengel mo ak pa! Imbagam ed siak, Katawan, ya ompawil ak ed dalin ko tan saray kakanayon ko, tan ag mo ak paolyan pian maung so pansumpalan ko.

Genesis 35:3

Onekal itayo la dia tan onla itayo ed Betel, a dimay panggawaan koy altar a para Dios a tinmulong ed siak nen wala ak ed kairapan tan inoolup to ak ed inerman a nilak.”

Genesis 46:1

Binalkut nen Jacob so amin a kayaryan to, linmad Beer-seba, tan diman angisaklang na saray bagat ed Dios nen ama ton Isaac.

1 Saray Awaran 12:17

Inabet ira nen David tan kuanto, “No linma kayo dian kakaaro ya ontulong ed siak, maliket ta kayon awaten. Balet no nunot yon itapat ak ed saray kalaban to, anggaman ya anggapoy maoges a ginawak ed sikayo, naamtaan na Dios na saray lalaki tayo so gawaen yo et dusaen to kayo.”

Saray Salmo 31:7

Manliket tan manggayaga ak, lapud ag mangoman a panangarom. Nanenengneng moy paniirap ko; amtam so kagugunigon ko.

Exodo 3:7

Insan say Katawan inkuanto, “Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Isaias 8:13

Ag mo lilingwanan a siak, say Katawan a Makapanyarin-amin, et masanto; siak so nepeg mon takotan.

Daniel 2:23

Pisasalamatan tan idadayew ta ka, Dios da ray lalakik. Initdan mo ak na kakabatan tan biskeg; inebatan mo so pikakasik tan impaamtam ed sikami no antoy ibaga mid ari.”

Deuteronomio 15:13

No ibolus yo la, ag yo ibabakin anggapoy awit to.

Judas 1:9

Anggan si Miguel ya Arkanghil, nen akisingbatan ed kinen Diablo nipaakar ed bangkay nen Moises, ag to nitepel a sintinsiaan so Diablo na ansakit iran salita. Inkuanto, “Pampasnukan kay Katawan!”