Genesis 31:35 - Maung A Balita Biblia

³⁵ Inkuanen Raquel ed kinen ama to, “Ag yo ak pamapasnukan; ta ag ak makaalagey ed arap yo, ta sinmabid siak so binulan a sakit min bibii.” Inanap nen Laban iray diriyos to, balet ag to ra nalmo.

Maung a Balita Biblia

³⁵ Inkuanen Raquel ed kinen ama to, Ag yo ak pamapasnukan; ta ag ak makaalagey ed arap yo, ta sinmabid siak so binulan a sakit min bibii. Inanap nen Laban iray diriyos to, balet ag to ra nalmo.

Genesis 31:35 Iomraidhean Croise

Genesis 31:19

Linmay Laban a mangatlid saray karniro to; et nen andid man ed abung, tinakew nen Raquel iray talintaoy diriyos na pamilya tan kayaryan nen ama to.

Genesis 31:34

Balet inala la nen Raquel ira may diriyos, inkarga to rad supot ya apis na beneg na kamilyo, insan to inirungan. Inanap ira nen Laban diad intiron tulda, balet ag to ra narumog.

Genesis 31:36

Naingungotan si Jacob. Inkuanto, “Antoy kasalanan a ginawak? Antoy ganggan a sinumlang ko, et naitdan kayoy kanepegan a mangosil ed siak?

1 Saray Arari 2:19

Kanyan linmay Bat-seba ed ari, ta isalitaan toy Adonias. Inmalagey so ari a pangilugay tod ina to, insan tinmuek ya angigalang. Inmirung ed trono to tan amaiyan na yorungan ed nikawanan to tan inirungan nen ina to.

Exodo 20:12

“Igalang moy amam tan say inam, pian andokey so pambilay mo ed dalin ya iter kod sika.

Levitico 15:19

No naliliberan so sakey a bii, siansian marotak a pitoy agew. Siopamay makadiwit na laman to yan bii siansian marotak ya anggad labi.

Levitico 19:3

Balang sakey ed sikayo et nepeg a pangalangan toy ina to tan say ama to, tan nepeg a ngilinan toy Agew na Panagpainawa, onung na ingganggan ko. Siak so Katawan a Dios yo.

Levitico 19:32

“Itdan yoy lugar iray mamatakken tan igalang yo ra. Takotan yo ak a Katawan a Dios.

TAGA-EFESO 6:1

Sikayo ran anak, toluk kayod saray atateng yo, ta sikato yay manepeg a gawaen, onung ed linaway Katawan.

1 Pedro 2:18

Sikayo ran aripen, paoleyan kayod saray amo yo tan pagalangan yo ra, aliwa labat a saray mapangasi tan maoyamo no ag pati saray maruksa.

1 Pedro 3:6

Onyay ginawa nen Sara. Tinoluk tan tinawag ton katawan si Abraham ya asawa to. Nibilang kayo met a bibiin anak to, no maung so gawaen yo tan ag yo takotay antokaman.