Genesis 31:34 - Maung A Balita Biblia

³⁴ Balet inala la nen Raquel ira may diriyos, inkarga to rad supot ya apis na beneg na kamilyo, insan to inirungan. Inanap ira nen Laban diad intiron tulda, balet ag to ra narumog.

Maung a Balita Biblia

³⁴ Balet inala la nen Raquel ira may diriyos, inkarga to rad supot ya apis na beneg na kamilyo, insan to inirungan. Inanap ira nen Laban diad intiron tulda, balet ag to ra narumog.

Genesis 31:34 Iomraidhean Croise

Genesis 31:17

Namparaan sirin si Jacob ya ompawil ed kinen ama to diad dalin na Canaan. Impakabayo tod saray kamilyo iray anak to tan saray asawa to, tan pinaona to ray amin ya ayayep to tan antokaman a kayaryan a nalmoan tod Mesopotamia.

Genesis 31:19

Linmay Laban a mangatlid saray karniro to; et nen andid man ed abung, tinakew nen Raquel iray talintaoy diriyos na pamilya tan kayaryan nen ama to.

Genesis 31:33

Sinukisok nen Laban so tulda nen Jacob; insan linmoob ed tulda nen Lea tan diad tulda na saramay duaran aripen a bibii, balet ag to arumog iray diriyos to. Linmoob ed satan diad tulda nen Raquel.

Genesis 31:35

Inkuanen Raquel ed kinen ama to, “Ag yo ak pamapasnukan; ta ag ak makaalagey ed arap yo, ta sinmabid siak so binulan a sakit min bibii.” Inanap nen Laban iray diriyos to, balet ag to ra nalmo.

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.

Levitico 15:9

Say silyan yorungan na samay too et marotak.

Saray Huis 18:24

Inmebat si Micaya, “Imbatik yoy parik tan saray diriyos a ginagawak; anto niy akeraan ed siak? Insan natan tepeten yo no antoy agawa?”

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”