Genesis 31:29 - Maung A Balita Biblia

²⁹ Walay pakayarik a mamasakit ed sika, balet pinasakbayan ak na Dios nen amam ya ag ta kan balut diwiten.

Maung a Balita Biblia

²⁹ Walay pakayarik a mamasakit ed sika, balet pinasakbayan ak na Dios nen amam ya ag ta kan balut diwiten.

Genesis 31:29 Iomraidhean Croise

Genesis 24:50

Inmebat si Laban tan si Betuel, “Nanlapud Katawan yan bengatla, kanyan aliwan sikamiy nepeg ya onebat na ‘on’ odino ‘andi.’

Genesis 28:13

Insan anengneng toy Katawan a manalalagey ed abay to. Inkuan na Katawan, “Siak so Katawan a Dios nen Abraham tan si Isaac. Iter kod sika tan saray kabyangay boleg mo yan dalin a pandokdokulan mo.

Genesis 31:24

Diad kogip nen Laban ed saman a labi, linmay Dios ed sikato tan inkuanto, “Manalwar ka! Ag mo didiwiten a balut si Jacob.”

Genesis 31:42

No ag ak labat tutulongan na Dios da ray atateng ko, say Dios ya inggalang di Abraham tan Isaac, pinataynan yo ak la komun a kalima-lima. Balet anengneng na Dios so gunigon ko tan say kimey ko; kalabyan inter to lay sintinsia to.”

Genesis 31:5

Inkuantod sikara, “Nalilikas kon mangooman lay panangarod siak di ama tayo; balet aasikasoen ak lawas na Dios nen amak.

Genesis 31:53

Say Dios nen Abraham tan say Dios nen Nacor so manintinsiad sikatan dua.” Insan diad ngaran na Dios ya inggalang nen ama ton Isaac, sinambaan nen Jacob a tooren to yan sipan.

Genesis 31:7

Anggaman ontan, sinaol da ak tan amimpulon inooman day upak. Balet ag inyabuloy na Dios a napasakitan da ak.

2 Samuel 13:22

Ag lan balut akitongtong si Absalom ed kinen Amnon, lapud mapalalon pasnuk tod sikato ed impamasoot tod kinen Tamar.

2 Saray Arari 19:10

na Juda, tan inkuantod sulat to, “Ag ka palilingod imbaga na dios a panmamatalkan mo ya ag ka napelag ed silong na pakaoley ko.

Saray Salmo 52:1

O toon makapanyari, akin et ilalastug moy kaogsan mo? Anggad angga so inkatoor na Dios.

Daniel 2:47

Inkuan na ari, “Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.”

Daniel 3:28

Samay ari kuanto, “Nagalang so Dios di Sadrac, Mesac, tan Abednego! Imbaki toy anghil to ya angyagel ed sarayan lalakin manlilingkur tan manmamatalek ed sikato. Sinumlang da ray ganggan ko tan imposta ray bilay da diad ag da indakmomo tan impangigalang ed dinanman a dios likud ed Dios da.

Daniel 6:20

Kasabi tod samay abut, mapagpagan kinmulyaot, “Daniel ya aripen na mabilay a Dios! Ayarian kan niagel ed saray lion na Dios a matoor mon panlilingkuran?”

Daniel 6:26

Igaganggan ko ed intiron impiriok a nepeg a takotan tan galangen na amin a too so Dios nen Daniel. “Sikatoy mabilay a Dios, tan sikatoy manoley ed ando lan ando. Ag balut naderal so panarian to, tan ag balut mangangga so pakayari to.

Mikias 2:1

Pangaskasiyay kipapasen da ray abangon a mandokdokul tan mamplaplano a manggaway kaogsan. Kasabiy kabwasan, no wala lay panakanawnawa ra, gawaen da lay maoges a plano ra.

Saray Gawgawa 9:5

“Siopa ka, Katawan?” tepet to. Inmebat imay bosis, “Siak si Jesus a papairapen mo.