Genesis 31:24 - Maung A Balita Biblia

²⁴ Diad kogip nen Laban ed saman a labi, linmay Dios ed sikato tan inkuanto, “Manalwar ka! Ag mo didiwiten a balut si Jacob.”

Maung a Balita Biblia

²⁴ Diad kogip nen Laban ed saman a labi, linmay Dios ed sikato tan inkuanto, Manalwar ka! Ag mo didiwiten a balut si Jacob.

Genesis 31:24 Iomraidhean Croise

Genesis 20:3

Aminsan a labi pinmayawar ed kogip to so Dios a kuanto, “Ompatey ka, ta inalam so biin wala lay asawa to.”

Genesis 20:6

Inmebat so Dios diad panamegley na kogip, “On, amtak a malinis so konsinsiam ed impamaawit mo, kanyan ag ko inyabuloy a diwiten mo, pian ag ka mankasalanan ed siak.

Genesis 24:50

Inmebat si Laban tan si Betuel, “Nanlapud Katawan yan bengatla, kanyan aliwan sikamiy nepeg ya onebat na ‘on’ odino ‘andi.’

Genesis 28:5

Imbaki nen Isaac si Jacob ed Mesopotamia, diad kinen Laban ya anak nen Betuel a taga Aram. Si Laban et agi nen Rebeca ya ina nen Jacob tan Esau.

Genesis 31:10

“Nen panaon na panagkasta, walay kogip ko. Anengneng kon saray kalakyan a kanding a mankakasta et gulisan, batekan, tan baklayan so kolor da.

Genesis 31:11

Inkuan ed siak na anghil na Dios diad kogip, ‘Jacob!’ ‘On, wadya ak,’ ebat ko.

Genesis 31:23

Intagar to ray totoo to tan inosilan ton pitoy agew si Jacob, et nabot to ed palandey na Galaad.

Genesis 31:25

Nanayam si Jacob ed kapokdulan, balet si Laban tan saray kakanayon to et nankampo rad kapokdulan na Galaad.

Genesis 31:29

Walay pakayarik a mamasakit ed sika, balet pinasakbayan ak na Dios nen amam ya ag ta kan balut diwiten.

Genesis 31:42

No ag ak labat tutulongan na Dios da ray atateng ko, say Dios ya inggalang di Abraham tan Isaac, pinataynan yo ak la komun a kalima-lima. Balet anengneng na Dios so gunigon ko tan say kimey ko; kalabyan inter to lay sintinsia to.”

Genesis 31:7

Anggaman ontan, sinaol da ak tan amimpulon inooman day upak. Balet ag inyabuloy na Dios a napasakitan da ak.

Genesis 40:5

Aminsan a labi, diman ed prisowan, nankogip imay inkargadoy alak tan samay pangulon panadiro; nandomaan iray kogip.

Genesis 41:1

Kalabas na duay taon, kinogip na arid Egipto a sikatoy manalalagey ed pandel na Ilog na Nilo.

2 Samuel 13:22

Ag lan balut akitongtong si Absalom ed kinen Amnon, lapud mapalalon pasnuk tod sikato ed impamasoot tod kinen Tamar.

1 Saray Arari 3:5

Diad saman a labi, pinmayawar ed sikato so Katawan diad sakey a kogip tan tinepet na Katawan ed sikato, “Antoy labay mon iter kod sika?”

Say Libro nen Job 33:25

Onogaw tan ombiskeg lamet so laman to;

Isaias 37:29

Naawat koy pakabat nipaakar ed satan a pamapasnuk mon maung tan satan a panagpaatagey mo, kanyan natan inan koy patili so eleng mo tan pakalat so sangim tan ipawil ta kad dalan a nanlapwan mo.”

Oseas 12:12

Si laki tayon Jacob et apasoot ya ombatik ed Mesopotamia, a diman angatulangan diad impankokomponi to na saray karniro, pian makalay asawaen to.

Saray Bilang 12:6

tan say Katawan kuanto, “Dengel yo natan so ibagak! No walad sikayo ray propita, ipaamtak ed sikara so siak a dili diad panamegley na saray pasingayew tan misalita ak ed sikara diad panamegley na saray kogip.

Saray Bilang 22:20

Diad saman a labi say Dios linmad kinen Balaam tan kuanto, “No sarayan lalaki et kerewen dan mila kad sikara, mamparaan kan mila, balet gawam labat so ibagak ed sika.”

Saray Bilang 22:26

Samay anghil inonaan to ra lamet ed dalan; nanalagey ed mainget a partiy dalan ya anggapon balut so napaliisan ed anggan iner a dapag.

Saray Bilang 24:13

anggan iter mod siak iray amin a pilak tan balituk na palasiom, ag kon balut nayarian a sumlangen so ganggan na Katawan diad pangonur kod labay kon dili. Salitaen ko labat so labay na Katawan a paibagad siak.”

Mateo 1:20

Balet nen nununoten to ya, pinmayawar so sakey ya anghil na Katawan ed kugip to a nankuan: “Jose, a kabyangay boleg nen David, ag ka natatakot ya ituloy mon ikasal si Maria, ta nanlapud pakayari na Ispiritu Santo so lokun to.

Mateo 2:12

Binilin iray Dios ed kugip da ya ag la ra ompapanengneng ed kinen Herodes, kanyan sananey lay dinalan dan pinmawil.

Mateo 27:19

Aliwan satan labat. Nen wadman ya akayorung si Pilato ed panagsintinsiaan, impaibaga na asawa to, “Ag ka mibabalid satan a toon anggapoy kasalanan, ta diad kugip ko kalabyan nairapan ak a maung lapud sikato.”

Deuteronomio 26:5

Insan diad arap na Katawan ibitla yo ra yan salita: ‘Say lakik et sakey ya akar-akar ya Arameo, ya inawit ton nanayam ed Egipto so pamilya to. Nen linma rad Egipto dagdaiset ira, balet nagmaliw iran baleg tan makapanyarin bansa.