Genesis 31:19 - Maung A Balita Biblia

¹⁹ Linmay Laban a mangatlid saray karniro to; et nen andid man ed abung, tinakew nen Raquel iray talintaoy diriyos na pamilya tan kayaryan nen ama to.

Maung a Balita Biblia

¹⁹ Linmay Laban a mangatlid saray karniro to; et nen andid man ed abung, tinakew nen Raquel iray talintaoy diriyos na pamilya tan kayaryan nen ama to.

Genesis 31:19 Iomraidhean Croise

Genesis 24:38

Ingen, lakad saray totoo nen amak, diad saray kakanayon ko, tan ipilian mo may anak ko na asawaen to.’

Genesis 31:20

Pinalikdo nen Jacob si Laban diad ag to impangibagay itaynan to.

Genesis 31:30

Kabat kon tinmaynan ka, lapud labay mo lay makasempet ed abung mo, balet akin et tinakew mo ray diriyos ko?”

Genesis 31:32

Balet no narumog yo dia iray diriyos yo, nakaukolan a pateyen so siopaman a pakarumogan. Nia ray lalakin mantasi. Mananap kayoy antokaman a kayaryan yo tan ala yoy gawa yo.” Ag amta nen Jacob a tinakew nen Raquel iray diriyos nen Laban.

Genesis 31:34

Balet inala la nen Raquel ira may diriyos, inkarga to rad supot ya apis na beneg na kamilyo, insan to inirungan. Inanap ira nen Laban diad intiron tulda, balet ag to ra narumog.

Genesis 31:35

Inkuanen Raquel ed kinen ama to, “Ag yo ak pamapasnukan; ta ag ak makaalagey ed arap yo, ta sinmabid siak so binulan a sakit min bibii.” Inanap nen Laban iray diriyos to, balet ag to ra nalmo.

Genesis 35:2

Kanyan inkuanen Jacob ed pamilya to tan amin a kaiba to, “Ibantak yo ray diriyos na arum a bansa ya awit yo; linisan yoy sikayon dili, insan kayo mampales na malinis.

Genesis 38:13

Walay angikuan ed kinen Tamar, “Onlay katolangan mo ed Timna a mankatli na saray karniro to.”

2 Samuel 13:23

Kayariy duay taon, kakatlian nen Absalom iray karniro to diad Baal-hazor ya asingger ed baley na Efraim. Inimbitaan ton onlad man iray amin a lalakin anak na ari.

2 Saray Arari 23:24

Pian nasumpal nen Ari Josias iray ganggan a nisulat ed libron nalmo na Pangulon Pari a si Helcias diad dalem na Timplo, pinataynan tod Jerusalem tan diad intiron Juda iray amin a manangipanon ed saray ispiritu na inaatey tan amin a managpalar, tan inekal to ray diriyos ed abung, saray talintao, tan amin a bengatlan igagalang na saray pagano.

Ezekiel 21:21

Manaalagey so ari na Babilonia diad abay na samay tanda ed nansangaan na dalan. Diad pangamta to no dinay dalanen to, ibuyandak to ray pana to, ipapanon tod saray talintaoy diriyos to; sosokayan toy altey na nibagat ya ayep.

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.

Josue 24:2

Inkuanen Josue ed amin da ray totoo, “Sikatoya so ibabaga na Katawan a Dios na Israel; ‘Nen saman a panaon nanayam ed biek na Ilog na Eufrates iray lalaki yo tan angigalang irad arum a diriyos. Sakey ed saraman a lalaki yo et si Tera ya ama di Abraham tan Nacor.

Saray Huis 18:31

Nansiansian wadman imay talintao nen Micaya legan a walad Silo so Tulda a panangigalangan ed Dios.

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”

1 Samuel 19:13

Inala nen Micol so talintaoy dios a para abung, imparokul tod katri, inyan tod olowan to so danganan a bagoy karniro, tan sinakbungan toy abel.

1 Samuel 25:2

Walay sakey a lakin kabyangay boleg nen Caleb a manngaray Nabal; taga baley na Maon, balet say kawalaay anapan to diad baley na Carmel. Mayaman a maung yan too: talon libo so karniro to tan sanlibo so kanding to. Say asawa to si Abigail, sakey a maganggana tan maotek a bii; balet si Nabal maonganget tan aliwliway ogali to. Aminsan walad Carmel si Nabal a mangakatliy karniro to.