Genesis 3:8 - Maung A Balita Biblia

⁸ Nen ngarngarem la arengel da so tanul na panaakar na Katawan a Dios ed tanamanan, kanyan inamutan dad otel na kakiewan.

Maung a Balita Biblia

⁸ Nen ngarngarem la arengel da so tanul na panaakar na Katawan a Dios ed tanamanan, kanyan inamutan dad otel na kakiewan.

Genesis 3:8 Iomraidhean Croise

Genesis 18:33

Kasumpal na Katawan ya akisalitad kinen Abraham, linma la tan sinmempet met lay Abraham.

Genesis 3:10

Inmebat imay laki, “Arengel ta kad tanamanan; antakot ak ta labus-lakseb ak, kanyan inamutan ta ka.”

Say Libro nen Job 22:14

Abaloan mo ya ag makanengneng so Dios, ta asaniban na makapal a lorem, legan a manaakar ed tapew na tambobung na tawen.

Say Libro nen Job 31:33

Iyaamut na arum a totoo iray kasalanan da, balet ag kon balut iyaamut iray kasalanan ko.

Say Libro nen Job 38:1

Manlapud bagyo, say Katawan akisalitad kinen Job:

Probirbio 15:3

Sankanengneng na Katawan iray nagagawa ed inerman a pasen; bambantayan to itayo, maung man o maoges so gagawaen tayo.

Jeremias 23:24

Anggapoy toon makaamut ed pasen ya ag kod man nanengneng. Ag yo ta amta a kawalaan koy amin a pasen ed tawen tan diad dalin?

Oseas 10:8

Naderal iray altar ed toktok na pokdul na Aven a dimay pangigagalangan na saray totoo ed saray talintaoy diriyos. Natubuan na masabit a tanaman tan dikarika iray altar da. Saray totoo iyeyag dad saray palandey, “Iyamut yo kami!” tan diad saray kapokdulan iyeyag da, “Tabunan yo kami!”

Levitico 26:12

Olupen ta kayo; siak so magmaliw a Dios yo tan sikayo ray totook.

Jonas 1:3

Balet sananey a dalan so inarap to, ta labay ton ibatikan so Katawan. Linmad Jope a dimay akanengnengan to na sakey a bapor ya onla lad Espanya. Kayari ton binayaran so pasahi to, linmogan ed samay bapor a kaiba to ray tripulanti ya onlad Espanya a diman to naarawian so Katawan.

Saray Taga Roma 2:15

Ipanengneng na gagawaen da a nisulat so ibabagay Ganggan ed puso ra. Say konsinsia ra met so mantasi a katwaan ya, ta no maminsan akusaen iray kanunotan da, tan no arum iyagel to ra.

Deuteronomio 23:14

Pansiansia yon malinis onung ed ganggan so kampo yo, ta manaayam ed kampo yo so Katawan a Dios yo a mangyagel ed sikayo tan mangiter ed sikayo na pananalo ed saray kalaban yo. Ag kayo manggagawa na antokaman a mabanday a pangibenegan na Katawan ed sikayo.

Deuteronomio 4:33

Wala la kasi ray totoon siansian nambilay a singa sikayo kayariy impakadngel dad dios ya akisalitad sikara manlapud apoy?

Deuteronomio 5:25

Balet akin et iposta mi lamet so bilay mi? Pateyen to kami man ya apoy. Andi-duaruwan ompatey kami no narengel min mansalita lamet so Katawan a Dios tayo.

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

Puyan 6:15

Insan inmaamut ed ongiongib tan diad silong na saray ankakabaleg a batod palandey iray ararid tapew na dalin, saray manoley, saray opisyal na sondalo, saray mayayaman, saray makapanyari, tan amin da ray arum a totoo—aripen man ira o andi.