Genesis 3:6 - Maung A Balita Biblia

⁶ Anengneng na samay bii a marakerakep imay kiew tan masamsamit a kanen so bunga to, tan sakey a pampilpilalekan a pakagamuray kakabatan. Kanyan amorbor na bunga, insan to kinan. Initdan toy asawa to, tan kinan to met.

Maung a Balita Biblia

⁶ Anengneng na samay bii a marakerakep imay kiew tan masamsamit a kanen so bunga to, tan sakey a pampilpilalekan a pakagamuray kakabatan. Kanyan amorbor na bunga, insan to kinan. Initdan toy asawa to, tan kinan to met.

Genesis 3:6 Iomraidhean Croise

Genesis 3:12

Inmebat imay laki, “Samay biin inter mon kaibak et inter tod siak imay bunga, insan ko kinan.”

Genesis 3:17

Inkuantod samay laki, “Dinengel moy asawam tan kinan moy prutas ya imbagak ed sikan ag mo kanen. Lapud sayan ginawam, nisambay dalin. Nakaukolan a mansagput kay baleg legan mon mambilay, pian mangiter so dalin na malaem a taganom.

Genesis 39:7

Ag abayag, naibegan na asawa to may amo to. Kinerew ton manakdul ira,

Genesis 6:2

Saray anak na Dios anengneng dan maganggana ra yan bibii, kanyan nampili ray inasawa ra.

2 Samuel 11:2

Aminsan ya agew, nen ngarngarem la, binmangon si David ed pampapainawa to, insan linmad toktok na palasio. Diad panaakar-akar tod man akanengneng na sakey a biin manaames ed abung. Magangganan maung yan bii.

1 Saray Arari 13:19

Kanyan akilad samay masiken a propita imay propitan taga Juda, insan ira dinmongo.

Say Libro nen Job 31:1

Sinambaan ko ya ag ak onlinggis a walay marotak a getmak ed sakey a marikit.

Ezekiel 24:16

Inkuanto, “Sika a toon ompatey, diad sakey labat a waswas alaen koy toon inararom. Anggaman onyay nagawa ag ka manririklamo odino onaakis odino onlulua.

Ezekiel 24:21

a salitaen ko yad sikayon Israelita: Ikikinon yoy biskeg na Timplo. Labalabay yon nengnengen tan laen, balet dotakan na Katawan. Napatey ed bakal iray malangwer nin kabyangay pamilya yon atilak ed Jerusalem.

Ezekiel 24:25

Inkuan na Katawan, “Natan, sika a toon ompatey, dengel moy ibagak. Ekalen kod sikara so Timplo ya ikikinon da tan pakaliliketan da; labalabay dan nengnengen tan laen. Ekalen ko met iray anak dan lalaki tan bibii.

Oseas 6:7

“Balet kaloob da ed dalin diad Adam, dineral da so impisipanan kod sikara.

Mateo 5:28

Balet ibagak ed sikayo natan: siopamay onlilinggis a walay getma ton marotak ed sakey a bii, mankakasalanan lad puso to na pikakaloguran.

1 Timoteo 2:14

Aliwan si Adan no ag ingen samay bii so apalingo tan anumlang ed ganggay Dios.

Josue 7:21

Diad saramay asamsam akanengneng ak na marakerakep a kolibemben a nanlapud Babilonia, sakey a duaran kilon pilak, tan sakey a baritan balituk a mambelat na kapalduay kilo. Mapalaloy impanlabay kod saraya, kanyan inalak ira. Narumog yo ran akakotkot ed dalem na tuldak; walad daledalem so pilak.”

1 Juan 2:16

Amin a bengatlan walad mundo—saray maoges a pilalek na too, saray labalabay a nengnengen tan alaen na totoo, tan amin a bengatla diad mundo ya ipapasirayew na totoo—nanlapu ra yan amin ed mundo. Anggapoy anggan sakey ed saraya so nanlapud Ama.

Saray Huis 14:17

Nanakis imay bii ya anggad kumapiton agew na ponsia. Balet diad kumapiton agew imbaga nen Samson ed kinen asawa to so ebat na samay pabitla, ta sinmawa lad panetepet lan panetepet na asawa to. Insan imbaga na samay asawa to so ebat ed saramay Filisteo.