Genesis 3:5 - Maung A Balita Biblia

⁵ Imbagay Dios itan ta amta to a no kanen yo, magmaliw kayon singa Dios ya amta yo no anto so maung tan maoges.”

Maung a Balita Biblia

⁵ Imbagay Dios itan ta amta ta a no kanen yo, magmaliw kayon singa Dios ya amta yo no anto so maung tan maoges.

Genesis 3:5 Iomraidhean Croise

Genesis 2:17

balet ag ka mamangan na bunga na samay kiew a mangiiter na pakaamta ed maung tan maoges. Ag nepeg a kanen so bunga na saman a kiew; ta no kanen mo, ompatey ka diad agew a pangan mo.”

Genesis 2:9

Pinatubo to rad may amin a klasiy mararakep a kiew tan pinabunga to ra na masasamit a prutas. Diad pegley na tanamanan so kawalaan na kiew a mangiiter na bilay, tan say kiew a mangiiter na pakaamta ed maung tan maoges.

Genesis 3:10

Inmebat imay laki, “Arengel ta kad tanamanan; antakot ak ta labus-lakseb ak, kanyan inamutan ta ka.”

Genesis 3:22

Insan inkuan na Katawan a Dios, “Nagmaliw la a singa sakey ed sikatayo so too, tan wala lay pakaamta tod maung tan maoges. Nakaukolan a sebelan a mangala na bungay kiew na bilay, ta no mangala tan mangan, mambilay ya anggad angga.”

Genesis 3:7

Kapangan da, naitdan iray pakatalus tan naamtaan da a labus-lakseb ira; kanyan nandadait iray bolung na igos, insan da intapi-tapi.

1 Saray Arari 22:6

Impantitipon sirin nen Acab iray propita a sakey ya apat a lasus ira tan tinepet tod sikara, “Laen kon dogpaan so Ramot-galaad odino andi?” “Dogpaan mo,” ebat da. “Panaloen ka na Katawan.”

2 Saray Awaran 32:15

Ag kayo la sirin patitilaan odino papaibalang ed kinen Ezekias. Ag yo sisigsiaen! Anggapoy dios na anggan anton bansa ya akayarin angyagel ed saray totoo to ed pakayari na siopaman ya impirador na Asiria. Kanyan andi-duaruwan ag kayo niagel na satay dios yo!”

Saray Salmo 12:4

“Nanaala miy labay mi diad panamegley na saray salita mi. Salitaen miy labay mi, et anggapoy makapatondad sikami.”

Exodo 20:7

“Ag mo ikakanad maoges iran getma so ngaran ko a Yahweh a Dios mo, ta dusaen koy siopaman a mangikanad ngaran ko diad andi-kakanaan a pamaakaran.

Exodo 5:2

Inmebat so ari, “Siopa so Katawan? Akin et ondengel ak ed sikato tan abuloyan kon ontaynan iray Israelita? Ag ko kabat itan a Katawan, tan ag ko abuloyan ya ontaynan iray Israelita.”

Isaias 14:14

Imbagam ya onkalab ka ed saray tapew na kaloreman tan magmaliw kan singa Makapanyarin-amin.

Ezekiel 13:22

“Diad panamegley na saray panagtila yo pabebetelen yoy linawa da ray maung a totoon ag ko labay a pasakitan. Sesebelan yo ray totoo ed pangibeneg dad saray kaogsan da tan pangilaban dad bilay da.

Ezekiel 28:12

Inkuanto, “Sika a toon ompatey, manermen ka lapud makapasinagem a nagawad ari na Tiro. Ibagam ed sikato so ibabagak, siak a Katawan a Dios: Sika nen saman so oliran na inkayadyari! Agay lay kakabatan tan kinaguapom nen saman!

Ezekiel 28:2

Inkuanto, “Sika a toon ompatey, ibagam so ibabagak ed manoley na Tiro, siak a Katawan a Dios: Diad panagpaatagey mo, ibabagam a sakey kan dios. Ibabagam a singa ka sakey a dios a manyodyorung ed trono, ya aliber na saray dayat. Nayarin ipasen moy sikan dili a sakey a dios, balet aliwan tua, ta sakey kan too labat ya ompatey; aliwa kan Dios.

Ezekiel 28:9

No laen da kan pateyen, nibagam nin sakey ka a dios? No miarapan kad saray mamatey ed sika, sakey ka a toon ompatey, aliwan Dios met lamlamang.

Ezekiel 29:3

Ibagam a sikato yay ibabaga na Katawan a Dios ed ari na Egipto: Siak so kalaban mo, sika a dragon a buaya a walad ilog. Ibabagam a kayaryan moy Ilog na Nilo, tan sika so nanggawa.

Daniel 4:30

inkuanto, “Nengneng yo so ontan lan inkatalonggaring na Babilonia! Lapud biskeg tan pakayarik impaalagey kon manonan siudad na nanarian ko a pakapatnagay kagalangan ko tan say katageyan ko.”

Daniel 6:7

Sikami ran mangikukurang na oley ed impiriom—saray makaoley, saray gobirnador, saray sumisimbawa, tan saray arum nin opisyal—et nampapaknaan mi a say Kagalang ya Ari et mangipaakseb komun na ganggan tan nepeg a mapeget so pamasumpal ed satan a ganggan. Iganggan mo a diad loob na talomploy agew anggapoy siopaman a naabuloyan a mikerew na antokaman a bengatla ed dinanman a dios odino siopaman a too likud labat ed Kagalang ya Ari. Siopamay onsumlang ed sayan ganggan et nepeg ya ibuntok ed maawang ya abut a kawalaan da ray amayamay a lion.

Mateo 6:23

Balet no walay sakit na matam, nabilongetan met so intiron laman mo. Kanyan no say liwawan walad sika et bilonget manaya, agaylay bilonget!”

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

2 CORINTO 11:3

Balet mapaga ak, ta ompan naderal iray kanunotan yo tan niarawi kayod matoor tan malinis a panangarod Cristo, a singa si Eva et apalingo lapud silib na oleg.

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

2 TESALONICA 2:4

Sumlangen to ray amin ya igagalang na totoo tan saray amin ya ipapasen dan diriyos. Iyan to ran amin ed silong na pakayari to, onloob ed Timploy Dios, insan onirung diman tan iparontal toy sikaton dili a Dios.

Puyan 13:14

Pinalikdo toy katoowan ed tapew na dalin diad panamegley na saray milagron ginagawa tod arap na samay onaan ya ayep. Imbaga tod sikaran manggaway talintao na samay ayep ya asugatay ispada balet ag to impatey.

Puyan 13:4

Inggalang na amin a totoo may dragon, lapud inter tod samay ayep so pakayari to. Inggalang da met imay ayep. Inkuanda, “Siopay miparad samay ayep? Siopay makalaban ed sikato?”

Saray Huis 3:2

Ginawa to ya labat, pian nabangatan toy balang kailalakan na saray Israelita nipaakar ed bakal, nagkalalo lad saray ag nin balut akapibakal nen saman.