Genesis 3:19 - Maung A Balita Biblia

¹⁹ Nakaukolan moy manlinget tan mansagput na baleg, pian makaiter so dalin na antokaman a napambilay ya anggad ipatey tan ipawil mod dalin a nanlapwan mo. Nanlapu kad dalin, tan magmaliw ka lamet a dalin.”

Maung a Balita Biblia

¹⁹ Nakaukolan moy manlinget tan mansagput na baleg, pian makaiter so dalin na antokaman a napambilay ya anggad ipatey tan ipawil mod dalin a nanlapwan mo. Nanlapu kad dalin, tan magmaliw ka lamet a dalin.

Genesis 3:19 Iomraidhean Croise

Genesis 18:27

Nansalita lamet si Abraham, “Pasinsiaan mo pa lay tepel na linawak a misalita lamet ed sika, Katawan. Sakey ak labat a too, tan anggapoy kanepegan kon onkerew.

Genesis 2:7

Insan say Katawan a Dios angalay dabuk ed dalin, minoli ton sakey a too-too, insan to iningasan na linawan manangiter na bilay ed saray abut na eleng to, et nagmaliw a mabilay a too.

Genesis 23:4

“Sangkaili ak dian miaayam ed sikayo; lakoan yo ak pa na dalin a pangipomponan kod asawak.”

Genesis 3:18

Patuboen to ray dika-rika tan sabisabit, tan mangan ka ray tantanaman a balang.

Genesis 5:5

tan inatey nen mantaoy siam a lasus tan talomplo.

Say Libro nen Job 1:21

Inkuanto, “Nianak ak a kalima-lima, ompatey ak a kalima-lima. Angiter so Katawan tan natan binawi to. Nadayew komun so ngaran to!”

Say Libro nen Job 10:9

Nunot mo a pinalsa mo ak ed pitek; pagmaliwen mo ak kasi a dabuk lamet?

Say Libro nen Job 19:26

Anggaman a naoput na bigis yay baog ko, legan a wala ak nid sayan laman ko nanengneng ko so Dios.

Say Libro nen Job 21:26

Balet nampapara ran ompatey tan ipompon; kanen iran amin na saray bigis.

Say Libro nen Job 34:15

ompatey ya amin iray totoon mabilay tan ompawil irad dabuk.

Say Libro nen Job 4:19

Panon to sirin a panmatalkan so toon pinalsad pitek, sakey a bengatlan dabuk a nayarin liresen a singa bigis?

Saray Salmo 103:14

Amta to no antoy inkagawa tayo; nanununotan ton dabuk itayo.

Saray Salmo 104:23

Insan saray totoo onla la rad kimey da tan mankimey ira ya anggad isabiy labi.

Saray Salmo 104:29

No onarawi ka, natatakot ira, no ekalen moy ingas mo, ompatey ira tan ompawil irad dabuk a nanlapwan da.

Saray Salmo 127:2

Anggapoy kana na pamasyay panaanap na pambilay, ya onogip na atrasado tan ombangoy masakbay. Ta iiter na Katawan so nakaukolan da ray aaroen to, legan a naogip ira.

Saray Salmo 22:15

Say kolukolung ko et amagaan a singa dabuk, tan ompepeket so dilak ed tawen-tawen ko. Tinaynan mo ak ya ompapatey ed dabuk.

Saray Salmo 22:29

Ondakmomod sikato iray amin a totoon mapaatagey; ondakmomod sikato iray amin a totoon manganggay bilay da.

Saray Salmo 90:3

Ibabagam ed too ya ompawil ed dabuk a gendat a kipapasen to.

Probirbio 21:16

Siopamay ag to ikakanay olo to manaalagar ed sikato so patey.

Ecclesiastes 1:13

Ginetmak a sukiten tan aralen ya amin iray nagagawa diad tapew na dalin. Say Dios impasen to itayod makapasinagem a kipapasen.

Ecclesiastes 1:3

Antoy nagunggonay too, anggaman a mankimey lan mankimey legan na bilay to?

Ecclesiastes 12:7

Ompawil ed dabuk na dalin so laman to tan say ispiritu to ompawil ed Dios ya angiter ed sikato.

Ecclesiastes 3:20

Mansumpal iran dua ed saksakey a pasen—say dabuk. Dabuk so nanlapwan da, dabuk so pawilan da.

Ecclesiastes 5:15

Anggapoy awit tayo nen pinmaway tayod eges na ina tayo tan anggapo met so naawit tayo no ontaynan tayod sayan mundo. No ontaynan tayo anggapoy anggan anto a naawit tayo ed saray nansagputan tayo.

Daniel 12:2

Onolid bilay iray amayamay ed saray inaatey la: manliket ed bilay ya andi-anggaan iray arum balet manliknay andi-anggaan a kababaingan iray arum.

1 CORINTO 15:47

Say inmonan too, nanlapud dalin, ta pinalsad dabuk; say kumadwan too nanlapud tawen.

TAGA-EFESO 4:28

Say toon matakew nakaukolan ya ag la mantakew, no ag ta mankimey la na anggan anton aliwan mabanday a kimey, pian makatulong ed saray mairap-bilay.

1 TESALONICA 2:9

Natandaan yo ni, agagi, so impansasagput tan impankekesaw mi; nankimey kamid agew tan labi pian ag kami la makasakisakit na olod siopaman legan min ipupulong ed sikayo so Maung a Balitan nanlapud Dios.

2 TESALONICA 3:10

Nen wadtan kami ingganggan mid sikayo, “Siopaman ya ag mankimey, ag nepeg a mangan.”

Saray Hebreo 9:27

Nigetar ed balang too a maminsan ya ompatey, tan kasumpal to sintinsiaan na Dios.