Genesis 3:16 - Maung A Balita Biblia

¹⁶ Inkuanto natan ed samay bii, “Aruman koy gunigon mo no manlokun ka tan nairapan ka ed pananak mo. Anggaman ontan, pampilalekan mo nin siansiay asawam tan sikatoy manoley ed sika.”

Maung a Balita Biblia

¹⁶ Inkuanto natan ed samay bii, Aruman koy gunigon mo no manlokun ka tan nairapan ka ed pananak mo. Anggaman ontan, pampilalekan mo nin siansiay asawam tan sikatoy manoley ed sika.

Genesis 3:16 Iomraidhean Croise

Genesis 4:7

No maung so ginawam, manimimis ka komun; balet lapud maoges so ginawam, say kasalanan et sisiliban to kan tekmelan. Labay to kan oleyan, balet nepeg mon taloen.”

1 Saray Awaran 4:9

Walay lakin manngaray Jabes; sikatoy anak a gagalangen nen saray agagi to. Inngaran nen ina to na Jabes, lapud nairapan a maung ed impangyanak tod sikato.

Ester 1:20

No nipakabat ed intiron maawang a nanarian so ganggan mo, pagalangan na manepeg na saray bibii so kaasawaan da, mayaman may mairap-bilay.”

Saray Salmo 48:6

Asabian irad may baleg a takot tan segsegang, singa biin ngalngali la mananak,

Isaias 13:8

Ontakot iran amin tan manirap iran singa biin mampapasakit. Diad gaway takot da mannenengnengan ira, tan ombalangay lupa rad kababaingan da.

Isaias 21:3

Lapud samay anengneng tan nadngel ko ed samay pasingayew, ataktakot ak tan nairapan ak tan singa ak biin mampapasakit.

Isaias 53:11

Kayari na panirap to legan ton mambilay, nawalaan lamet na gayaga; naamtaan to ya aliwan andi-kakanaan so impanirap to. Say matoor ya aripen ko a pakakaliketan ko et sakbaten toy dusa na amayamay a totoo tan, lapud sikato, pirdonaen ko ra.

Jeremias 13:21

Antoy ibagam no saray totoon abaloan mon kakaarom et dakepen tan oleyan da ka? Manirap kan singa biin manaanak.

Jeremias 22:23

Maimeng kayon manaayam ed saray abung a ginawad tablan sidro a nanlapud Libano, balet pangaskasiyay kipapasen yo no dapoan kayoy kairapan, a singa kairapan a liliknaen na biin mampapasakit.

Jeremias 4:31

Akadngel ak na akis na singa biin mampapasakit lan mananak, eyag na sakey a biin mangibubuknak na pangulowan ton anak. Akis na Jerusalem ya abot-aboten toy linawa to, iyoonat toy lima to tan kuanto, “Pangaskasiyan ak! Onsasabi la ran mamatey ed siak!”

Jeremias 49:24

Nagmaliw a maletey iray taga Damasco tan batik irad takot da. Manlilikna ray kairapan tan pakaskasi ran singa biin mampapasakit.

Jeremias 6:24

“Nadngelan miy nipaakar ed balita,” kuan na saray totood Jerusalem, “et kinmolaney iray taklay mi; adetdetan kami na ontan lan kairapan, a singa kairapan na biin mampapasakit.

Saray Bilang 30:13

Say asawa to et walay kanepegan ton mangyabuloy odino manebel ed asawa to diad panumpal tod sinambaan ton sipan odino sipan to.

Juan 16:21

No mampasakit lay malokun a bii, maermen lapud asabi lay oras na panirap to. Balet no nianak lay ogaw, nalingwanan to lay kairapan to, lapud liket tod impaway ed mundo na sakey a too.

1 CORINTO 11:3

Balet labay kon talusan yo a si Cristo so manoley ed amin a lalaki, say laki so manoley ed asawa to, tan say Dios so manoley ed Cristo.

1 CORINTO 14:34

nepeg a mandeen iray bibii diad pantitipon na saray kabyangay iglisia. Ta ag nayarin mansalita ra diad ontan iran pantitipon; nepeg a sikaray paoleyan onung na ibabagay Ganggan.

1 CORINTO 7:4

Ta aliwa lan say bii so kawalaay pakayari ed laman ton dili, no ag say asawa to; ontan met, aliwa lan say laki so kawalaay pakayari ed laman ton dili, no ag say asawa to.

COLOSAS 3:18

Sikayo ran bibii, toluk yoy kaasawaan yo, ta sikato yay linaway Katawan.

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

1 Timoteo 2:13

Ta si Adan sikatoy inmonan pinalsa, insan si Eva.

1 Timoteo 2:15

Balet say bii nilaban diad panamegley na pananak to, no sikatoy mansiansiad pananisia, aro, tan kasantosan a katekep day kasimpitan.

Tito 2:5

mambilay iran maadya, masimpit, maung a mangasikasoy abung, mapangasi tan maonur ed kaasawaan da, pian ag napabanday so salitay Dios.