Genesis 3:15 - Maung A Balita Biblia

¹⁵ Pambosulan ta ka tan samay bii; mambosulan lawas so anak mo tan say anak to. Temeken na anak to so olom tan ketketen mo so mokur da.”

Maung a Balita Biblia

¹⁵ Pambosulan ta ka tan samay bii; mambosulan lawas so anak mo tan say anak to. Temeken na anak to so olom tan ketketen mo so mokur da.

Genesis 3:15 Iomraidhean Croise

Genesis 49:17

Magmaliw ya oleg ed gilig na dalan si Dan, Sakey a nanditan oleg diad gilig na basbas, A mangetket ed mokur na kabayo, Pian napelag a nabalongyar ed beneg to so akakabayo.

Saray Salmo 132:11

Sinambaan mod kinen David—sakey a sipan ya ag mo benegan: “Gawaen kon ari so sakey ed saray anak mon lalaki, tan onsalat ed sikan manari.

Isaias 53:12

Kanyan itdan ko na pasen na kagalangan, sakey a pasen a nakaiba to ray matalonggaring tan makapanyarin totoo. Sibobolus ton inter so bilay to tan say impatey to kapara na impatey na saray totoon maoges. Inala toy pasen da ray amayamay a makasalanan tan impikasi ton napirdona ra.”

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Jeremias 31:22

Kapigan mangangga so panduaruwa yo, sikayon anggapoy pananisian totoo? Nanggawa ak na bengatlan balo tan nidoma, nidoma a singa sakey a bii ya iyaagel toy laki.”

Daniel 9:26

Diad kasamputan na sayan panaon napatey ya anggapoy kasalanan so pangulon pinili na Dios. Deralen na saray ondogpan sondalo na makapanyarin manoley so siudad tan say Timplo. Say kasamputan onsabin singa delap a taruk toy bakal tan deral ya imparaan na Dios.

Amos 9:3

No onamut irad toktok na Palandey na Carmelo, anapen ko ra et erelen ko ra. No iyamutan da ak ed dalem na dayat, iganggan koy dragon ed dayat ta ketketen to ra.

Mikias 5:3

Kanyan say Katawan paolyan ton naoleyan na saray kalaban da iray totoo to ya anggad say mangyanak ed samay manoley et inyanak to la. Diad satan saray kabansaan ton nibantak ed arum a bansa et mikasakey irad saray kapara ran totood Israel.

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Mateo 1:25

balet ag to inakdulan ya anggad impangyanak nen Maria na ogaw a laki. Jesus so inngaran nen Jose ed sayan ogaw.

Mateo 12:34

Apoliyan kayon talagay oleg! Panon kayon makapansalitay maung no maoges kayo? Ta manlapud puso so ibalikas na sangi!

Mateo 13:38

samay alog a nampasekan to, say mundo; saramay maung a bokel, saray totoon nepeg day walad Panarian; saramay dika, saray totoon nepeg day walad Panarian to may Maoges;

Mateo 23:33

Ooleg tan anak na ooleg kayo! Panon yon naliktaray dusa ed impirno?

Mateo 3:7

Nen anengneng to ray amayamay a Pariseo tan Saduseo ya ondadagod sikaton mampabinyag, inkuantod sikara, “Sikayon apoliyay oleg! Siopay angibagad sikayon naliktaran yoy sanuk na Dios ya asingsingger lan onsabi?

Marcos 16:18

no mamemben iray oleg tan no oninom iray samal anggapoy maoges a nagawad sikara; tan onabig iray mansasakit a pangitapewan da ray lima ra.”

Lucas 1:76

“Sika balet, anak, natawag ka a propitay Sankatageyan a Dios. Ta onla kan onona nen say Katawan ya iparaan moy dalanen to;

Lucas 10:19

Dengel kayo! Initdan ta kayoy pakaoley ya onggatin ed saray oleg tan alakdan, tan maneral na amin a pakayari nen Satanas. Anggapoy makarigsod sikayo.

Lucas 22:53

Inagew-agew ak a walad Timplo tan wadman kayo met, balet ag yo ak inerel. Balet sikato yay oras yon onggalaw, no say pakayari na kabilongetan so manoley.”

Lucas 24:27

Insan impaliwawa nen Jesus ed sikara yan asalitan nipaakar ed sikato diad Masanton Sulat, manlapud saray libro nen Moises ya anggad saray sulat na amin da ray propita.

Juan 8:44

Say Diablo so ama yo, kanyan labay yon gawaen iray pilalek na ama yo. Sikatoy managpatey na too nanlapu lad gapo. Sumlang ed katwaan lawas, lapud anggapoy katwaan ed sikato. Ogali toy mantila, lapud sikatoy matila tan sikatoy ama na panagtila.

Saray Gawgawa 13:10

tan inkuanto, “Sika ya anak na Diablo! Kalaban moy amin a kamaungan, tan napno kay amin a panamalingo tan kaogsan! Akin et pipikeweten mo ray katwaan a nipaakar ed Katawan?

Saray Taga Roma 16:20

Say Dios a panlalapway kareenan tayo et magano lan pagatin-gatinan toy Satanas ed sikayo. Talimaen kayo komun nen Jesus a Katawan tayo.

Saray Taga Roma 3:13

Saray kolokolung da singa ra lobuk ya akalokas; pantitila da ray dila ra, singa ditay oleg iray salitan maoges ya ibabalikas na saray bibil da;

TAGA GALACIA 4:4

Balet nen nagnap lay panaon, say Dios imbaki toy Anak to. Inyanak na sakey a bii, tan nambilay ed silong na Ganggan,

TAGA-EFESO 4:8

Onung na ibabagay Masanton Sulat, “Nen inmatagey ed katagtageyan angawit na saray priso; tan angiter na langkap ed katoowan.”

COLOSAS 2:15

Diad panamegley na impatey nen Cristo ed krus, dineral toy pakayari da ray maispiritun manoley tan saray walay betang. Singa ra ya adakep tan imparadad karaklan a pangipanengneng na impanalo to.

Saray Hebreo 2:18

Lapud nanirap tan atukso, natulongan to met natan iray natutukso.

Saray Hebreo 5:7

Nen mambibilay ed tapew na dalin si Jesus, inakis tan ineyag toy impankerew tan impampikasi tod Dios a makapangilaban ed sikato ed patey. Lapud nagnap a mapaabeba, dinengel na Dios.

1 Juan 3:10

Say pandomaan na saray anak na Dios tan saray anak na Diablo et saya: siopamay ag manggagaway katonungan o ag to aaroey agi to, sikatoy aliwan anak na Dios.

1 Juan 3:8

Siopamay manggaway kasalanan kayaryan na Diablo, ta say Diablo et nankasalanan nanlapud gapo. Pinmanengneng so Anak na Dios a maneral na saray kimey na Diablo.

1 Juan 5:5

Siopay nayarin manalod sankamundoan? Say toon manisia a si Jesus et Anak na Dios.

Puyan 12:17

Diad pasnuk to may dragon, insoblay ton labanan iray atilak a kabyangay boleg to may bii, a salanti saray mangoonur ed ganggay Dios tan matoor ed katwaan ya imbawag nen Jesus.

Puyan 13:7

Naabuloyan met a labanan tan taloen to ray totoo na Dios, tan naabuloyan met ya oleyan toy amin a tribu, too, salita, tan bansa.

Puyan 2:10

Ag mo tatakotan iray kairapan ya asingger mo lan sakbaten. Dengel ka! Diad panubok na Diablo, paipriso toy pigarad sikayo; nairapan kayon samploy agew. Mansiansia kan matoor ed siak ya anggad patey, et iter kod sikay korona na bilay.

Puyan 20:10

Insan samay Diablo ya amalikdo ed sikara et nibantak ed dayat ya asupri tan apoy a nibantakan met lad samay ayep tan samay tila-tilan propita. Napairap irad man ed agew tan labi ya anggad angga.