Genesis 3:13 - Maung A Balita Biblia

¹³ Tinepet na Katawan a Dios ed samay bii, “Akin et ginawam so ontan?” Inmebat imay bii, “Pinalikdo ak na samay oleg, et angan ak na samay bungay kiew.”

Maung a Balita Biblia

¹³ Tinepet na Katawan a Dios ed samay bii, Akin et ginawam so ontan? Inmebat imay bii, Pinalikdo ak na samay oleg, et angan ak na samay bungay kiew.

Genesis 3:13 Iomraidhean Croise

Genesis 12:18

Impaawit na ari si Abram tan tinepet to, “Antoy ginawam ed siak? Akin et ag mo imbagad siak ya asawam manaya si Sarai?

Genesis 44:15

tan inkuanto, “Antoy ginawa yo? Ag yo ta amta a siak a toon manoley et naerel ta kayo diad panamegley na panagparles?”

2 Samuel 3:24

Kanyan linmay Joab ed ari tan kuantod sikato, “Antoy ginawam? Linmad sikay Abner—akin et onmay impangibakim ed sikato?

1 Saray Arari 13:18

Insan inkuan na samay masiken a propitan taga Betel, “Propita ak met a singa sika, tan diad ganggan na Katawan inkuan ed siak na anghil ya itagar ta kad abung ko, ta sangkailien ta ka.” Balet mantitila may masiken a propita.

Levitico 12:5

Diad loob na labinapat agew kayariy pananak na ina ed sakey a bii, sayan ina et marotak onung ed ganggan, a singa inkarotak to no naliliberan. Insan anemaplo tan anem ya agew ni a siansian marotak lapud inkaekalan toy dala nen nananak.

Jonas 1:10

Intuloy nen Jonas ya imbagad sikara ya ibabatikan toy Katawan. Mapalaloy inkataktakot da ra may mariniro, kanyan kuandad sikato, “Akin et ontay ginawam?”

Juan 18:35

Inmebat si Pilato, “Judio ak ta? Saray kabaleyan mo tan saray manonan pari so angiparontal ed sikad siak. Anto tay ginawam a?”

Saray Taga Roma 7:11

Ta inkana na kasalanan so ganggan a pamalingo tan pamatey ed siak.

2 CORINTO 11:3

Balet mapaga ak, ta ompan naderal iray kanunotan yo tan niarawi kayod matoor tan malinis a panangarod Cristo, a singa si Eva et apalingo lapud silib na oleg.

1 Timoteo 2:14

Aliwan si Adan no ag ingen samay bii so apalingo tan anumlang ed ganggay Dios.

1 Samuel 13:11

Balet inkuanen Samuel, “Antoy ginawam?” Inmebat si Saul, “Tataynan ak la na saray totoo, ta ag ka sinmabid oras ya imbagam tan, sakey ni, mantitipon ed Micmas iray Filisteo.

1 Samuel 15:15

Inmebat si Saul, “Inala ra na saray totook ed saray Amalecita. Ag da pinatey iray sankaabigan a karniro tan saray baka, ta isaklang da ran bagat ed Katawan a Dios mo, balet sigput min pinatey iray arum.”