Genesis 29:34 - Maung A Balita Biblia

³⁴ Nanlokun a pitlo tan nananak na sakey nin laki. Inkuanto, “Natan magmaliw a lalon maasingger so asawak, ta inyanakan koy taloran lalaki”; kanyan inngaran to na Levi.

Maung a Balita Biblia

³⁴ Nanlokun a pitlo tan nananak na sakey nin laki. Inkuanto, Natan magmaliw a lalon maasingger so asawak, ta inyanakan koy taloran lalaki; kanyan inngaran to na Levi.

Genesis 29:34 Iomraidhean Croise

Genesis 30:20

Inkuanto, “Initdan ak na Dios na marakep a rigalo. Natan akoen ak la na asawak, ta inyanakan koy anemiran lalaki”; kanyan inngaran to na Zabulon imay ogaw.

Genesis 34:25

Kasumpal na taloy agew nen ag ni inmabig ira may nampasegat, saray duaran lalakin anak nen Jacob tan agagi nen Dina a di Simeon tan si Levi et inala ray ispada ra, linma rad siudad ya anggapoy makaamtad getma ra, insan da pinatey ya amin iray lalaki.

Genesis 35:23

Sikara yay anak tod kinen Lea: Ruben (say pangulowan ya anak nen Jacob), Simeon, Levi, Juda, Isacar, tan Zabulon;

Genesis 4:1

Inakdulan nen Adan si Eva ya asawa to. Nanlokun si Eva tan nananak na sakey a laki. “Diad tulong na Katawan,” kuanen Eva, “akaanak ak na sakey a laki.” Kanyan inngaran to na Cain imay ogaw.

Genesis 46:11

si Levi tan saray anak ton lalaki: Gerson, Coat, tan Merari;

Exodo 2:1

Diad saman a panaon walay sakey a lakin kabyangay boleg nen Levi ya angasaway biin kabolegan to.

Puyan 7:7

labinduan libo so nanlapud tribu nen Simeon; labinduan libo so nanlapud tribu nen Levi; labinduan libo so nanlapud tribu nen Isacar;