Genesis 29:25 - Maung A Balita Biblia

²⁵ Diad kabwasan labat so impakaamta nen Jacob a si Lea manayay kaakdul to. Linmad kinen Laban tan inkuanto, “Akin et ginawa yo yad siak? Si Raquel so nansagputan ko. Akin et pinalikdo yo ak?”

Maung a Balita Biblia

²⁵ Diad kabwasan labat so impakaamta nen Jacob a si Lea manayay kaakdul to. Linmad kinen Laban tan inkuanto, Akin et ginawa yo yad siak? Si Raquel so nansagputan ko. Akin et pinalikdo yo ak?

Genesis 29:25 Iomraidhean Croise

Genesis 12:18

Impaawit na ari si Abram tan tinepet to, “Antoy ginawam ed siak? Akin et ag mo imbagad siak ya asawam manaya si Sarai?

Genesis 20:9

Insan tinawag nen Abimelec si Abraham tan inkuanto, “Antoy ginawam ed sikami? Antoy maoges a ginawak ed sika, et inter mo yan segsegang ed siak tan say nanarian ko? Aliwan manepeg so ginawam ed siak!

Genesis 26:10

“Agaylay ginawam ed sikami!” inkuanen Abimelec, “Maininomay komun na sakey ed saray totook so akiakdul ed sikato; et sikay natetel ed impakasalanan mi komun.”

Genesis 29:16

Walay duaran bibiin anak nen Laban: Lea so pangulowan, tan Raquel so yogtan.

Genesis 29:24

Inter nen Laban si aripen ton Zilpa ed kinen Lea, pian walay katulong to.)

Genesis 29:26

Inmebat si Laban, “Aliwan kaogaliyan dia ya ononay yogtan a miasawa nen say pangulowan.

Genesis 31:26

Inkuanen Laban ed kinen Jacob, “Akin et pinalikdo mo ak diad impangawit mod saray bibiin anak ko a singa ra asamsam ed bakal?

Genesis 31:7

Anggaman ontan, sinaol da ak tan amimpulon inooman day upak. Balet ag inyabuloy na Dios a napasakitan da ak.

Probirbio 11:31

No natumangan diad tapew na dalin iray totoon matonung, andi-saew a nadusa iray totoon maoges tan makasalanan.

Mateo 7:12

“Kanyan gawa yod kapara yon totoo so labay yon gawaen da met ed sikayo. Sikato ya so labay ya ibaga na Ganggan nen Moises; sikato ya met so imbabangat da ray propita.”

Mateo 7:2

Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

Juan 21:17

Pinitlo nen Jesus a tinepet, “Simon ya anak nen Juan, inaro mo ak?” Naermenay Pedro ta pinitlo nen Jesus a tinepet, “Inaro mo ak?” Kanyan kuantod kinen Jesus, “Katawan, amtam iray amin a bengatla; amtam ya inaro ta ka!” Inkuanen Jesus ed sikato, “Asikasom iray karnirok.

1 CORINTO 3:13

Naamtaan so klasiy kimey na balang too no ipatnag la na Agew nen Cristo. Ta say apoy na satan ya Agew so manubok tan mangipatnag na klasiy kimey na balang too.

Puyan 3:19

Pampasnukan tan dusaen ko ray amin ya inarok. Kanyan manseet ka, tan mampatauli ka.

Saray Huis 1:7

Inkuanen Adoni-bezec, “Nandodokdok nen saman na ibung ed silong na lamisaan ko iray arari ya apotut-potut so tangan na lima tan sali ra. Gagawaen ed siak natan na Dios imay ginagawak ed sikara.” Niakar ed Jerusalem si Adoni-bezec, tan diman la inatey.

Ruth 4:11

Inkuan da ra may pangulo tan saray arum, “On, sikami ray tasi. Sayan malangwer a bii ya iyamung mo et gawaen komun na Katawan a singa di Raquel tan Lea, a nananak iray amayamay ed kinen Jacob. Onyaman ka komun ed saray kabyangay boleg nen Efrata, tan magmaliw ka komun a bantug ed Betlehem.

1 Samuel 28:12

Nen anengneng na samay bii si Samuel, inmeyag tan kuantod kinen Saul, “Akin et pinalikdo mo ak? Si Ari Saul ka!”