Genesis 29:18 - Maung A Balita Biblia

¹⁸ Walay panibeg nen Jacob ed kinen Raquel, kanyan inkuanto, “Manlingkur ak ed sikayo a pitoy taon, no paasawa yod siak si Raquel.”

Maung a Balita Biblia

¹⁸ Walay panibeg nen Jacob ed kinen Raquel, kanyan inkuanto, Manlingkur ak ed sikayo a pitoy taon, no paasawa yod siak si Raquel.

Genesis 29:18 Iomraidhean Croise

Genesis 24:67

Inyakar nen Isaac si Rebeca ed loob na tuldan nanayaman nen Sara ya ina to, tan inasawa to. Inaro nen Isaac si Rebeca, kanyan aligliwa si Isaac ed impatey nen ina to.

Genesis 29:19

Inmebat si Laban, “Labay ta ka nin mangasawad sikato nen say arum; sigi, manayam ka dia.”

Genesis 29:20

Nanlingkur sirin a pitoy taon si Jacob pian naasawa toy Raquel, balet singa pigpigaran agew imay pitoy taon, lapud panangaro tod kinen Raquel.

Genesis 29:30

Inakdulan met sirin nen Jacob si Raquel, tan inaro to ni nen si Lea. Insan nanlingkur ni na pitoy taon ed kinen Laban.

Genesis 30:26

Iter yod siak iray asawak tan saray anak ko; binayaran ko la ra diad impanlingkur kod sikayo. Kabat yo met so ontan lan kaabigan na impanlingkur kod sikayo.”

Genesis 31:41

Onyay agawgawa diad loob na duamploy taon kod sikayo. Labinapat a taon so impankimey ko pian naalak iray bibiin anak yo, tan anem taon pian naalak iray ayayep yo. Anggaman ontan, amimpulon inooman yoy upak.

Genesis 34:12

Ibaga yod siak no anto ray labay yon irigalok, tan no pigay labay yon ibayar ko; iter koy antokaman a kerewen yo, dapot no paasawa yod siak si Dina.”

2 Samuel 3:14

Angibaki met na pigaran totoo ed kinen Isboset tan impaikuanto, “Ipawil mod siak si asawak a Micol. Nambayar ak na sanlasus a ngoroy baog na kayaryan na saray Filisteo, pian naasawak.”

Oseas 12:12

Si laki tayon Jacob et apasoot ya ombatik ed Mesopotamia, a diman angatulangan diad impankokomponi to na saray karniro, pian makalay asawaen to.

Oseas 3:2

Kanyan sinaliw ko may asawak na labinliman pilak a kuarta tan anemiran sakon a sibada.