Genesis 28:5 - Maung A Balita Biblia

⁵ Imbaki nen Isaac si Jacob ed Mesopotamia, diad kinen Laban ya anak nen Betuel a taga Aram. Si Laban et agi nen Rebeca ya ina nen Jacob tan Esau.

Maung a Balita Biblia

⁵ Imbaki nen Isaac si Jacob ed Mesopotamia, diad kinen Laban ya anak nen Betuel a taga Aram. Si Laban et agi nen Rebeca ya ina nen Jacob tan Esau.

Genesis 28:5 Iomraidhean Croise

Genesis 22:23

(Si Betuel so ama nen Rebeca.) Inaanak nen Milca ra yan walon lalaki ed kinen Nacor ya agi nen Abraham.

Genesis 24:54

Angan tan inminom imay aripen nen Abraham tan saramay kakaiba to, tan pinalabas day labid man. Kabangon dad kabwasan, inkuanto may aripen, “Abuloyan yo ak lan onsempet ed amok.”

Genesis 25:20

Mantaoy apataplo si Isaac nen asawaen toy Rebeca ya agi nen Laban tan anak nen Betuel, sakey ya Arameo a taga Mesopotamia.

Genesis 27:43

Natan, anak ko, gawam so ibagak ed sika. Mamparaan ka tan lakan tampol ed kinen Laban ya agik, diad Haran.

Genesis 28:2

Mamparaan ka, ta lakad Mesopotamia, diad abung nen lakim a Betuel. Asawam so sakey ed saray bibiid man, say sakey ed saray anak nen pangamaen mo a Laban.

Genesis 29:1

Intuloy nen Jacob so akar to tan amaarap ed dalin a bandad Bokig.

Genesis 29:12

Inkuantod sikato, “Kanayon ak nen amam; anak ak nen Rebeca.” Batik si Raquel ta imbaga tod kinen ama to so insabi nen Jacob.

Genesis 31:24

Diad kogip nen Laban ed saman a labi, linmay Dios ed sikato tan inkuanto, “Manalwar ka! Ag mo didiwiten a balut si Jacob.”

Genesis 35:27

Binmisitay Jacob ed kinen ama ton Isaac diad Namre, ya asingger ed Hebron, tan nanayaman nen Abraham tan Isaac.

Ezekiel 27:16

Sinaliw na saray totood Siria iray amayamay a lakom. Imbabayar dad saray kagawaan mo iray ismiralda, saray purpuran abel, saray binordaan ya abel, saray pinon linen, saray baton koral, tan saray baton rubi.

Oseas 12:12

Si laki tayon Jacob et apasoot ya ombatik ed Mesopotamia, a diman angatulangan diad impankokomponi to na saray karniro, pian makalay asawaen to.

Deuteronomio 26:5

Insan diad arap na Katawan ibitla yo ra yan salita: ‘Say lakik et sakey ya akar-akar ya Arameo, ya inawit ton nanayam ed Egipto so pamilya to. Nen linma rad Egipto dagdaiset ira, balet nagmaliw iran baleg tan makapanyarin bansa.