Genesis 27:28 - Maung A Balita Biblia

²⁸ Itdan ka komuy Dios na linaew na tawen, tan gawaen ton mataba ray alog mo! Itdan to ka komuy dakel a naani tan daakan ya alak!

Maung a Balita Biblia

²⁸ Itdan ka komuy Dios na linaew na tawen, tan gawaen ton mataba ray alog mo! Itdan to ka komuy dakel a naani tan daakan ya alak!

Genesis 27:28 Iomraidhean Croise

Genesis 27:37

Inmebat si Isaac, “Ginawak lan manoley ed sika, tan ginawak ya aripen ton amin iray kakanayon to. Initdan koy dakel a naani tan daakan ya alak. Natan, anggapo lay nagawaan kon para sika, anak!”

Genesis 27:39

Inkuanen Isaac ed sikato, “Anggapoy linaew na tawen a para sika, Anggapoy mataban dalin a para sika.

Genesis 45:18

tan awiten day ama ra tan saray pamilya ra no ompawil ira dia. Iter kod sikaray sankamaungan a dalin ed Egipto, pian onsoluk so taganon pambilay da.

Genesis 49:20

“Panlapwan na masustansian tagano so dalin nen Aser. Mangiter na kakanen a manepeg ed ari.

Genesis 49:25

Say Dios na amam so ontutulong ed sika, Say Makapanyarin-amin a Dios a mamibindision ed sika, Na saray bindision ya oran a manlalapud tawen Tan aralem iran sobul a manlalapud dalem na dalin, Saray bindision ya amayamay a baka tan amayamay ya anak,

2 Samuel 1:21

“Anggapo komuy ompelag ya oran o linaew ed saray pokdul na Gilboa; anggapo lawas komun so antokaman ya ontobo ed saray alog to. Ta saray samper na masesebeg kitongilang irad man a nakalay kagalangan; say samper nen Saul wadman ya ag la nalalarakan.

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

1 Saray Arari 5:11

tan si Solomon initdan ton tinaon si Hiram na sanlasus libon sako ya arina tan sanlasus tan samplon libon galon a puron larak na oliba ya ipakan tod saray totoo to.

2 Saray Awaran 2:10

Mangiter ak na pantagano da ray kumikimey mo. Ipaiyakaran ta ka na sanlasus libon sakon ya arina, sanlasus libon sakon sibada, sanlasus tan apat a lasus tan labinduan libon litro ya alak tan apat a lasus tan labinduan libon litro ya larak na oliba.”

Saray Salmo 104:15

tan makapanggawa ray alak a pakaliketan da, larak na oliba a pakagayagaan da, tan tinapay a pakabiskegan da.

Saray Salmo 133:3

Singa linaew ed Palandey na Hermon, ya ompepelag ed kapokdulan na Sion. Diman so angisipanay Katawan na bindision to, say bilay a mansiansian anggad angga.

Saray Salmo 36:8

Panliliketan miy ag nasabsabaan a kakanen ya iiter mo; paniinomen mo kamid ilog na kaabigan mo.

Probirbio 19:12

Say pasnuk na sakey ya ari et singa nguam na lion, balet say maung a linawa to et singa oran a pampipilalekan.

Probirbio 3:20

Say kakabatan to pinaagos to ray ilog, tan pinapelag to ray lorem a mangoran ed tapew na dalin.

Isaias 45:8

Mangiter ak na pananalon singa oran a manlapud tawen; onsangiy dalin a mangawat ed oran et manrosas na kilalaban tan inkatonung. Siak, say Katawan, so mangyabuloy a nagawa ya.”

Jeremias 14:22

Anggapod saray diriyos na saray bansa so makapaoran; anggan say tawen ag to makapangipelag na mayamaya. Sikay paniilaloan mi, Katawan a Dios mi, ta sikay manggagawa na sarayan bengatla.”

Joel 2:19

Say Katawan inmebat ed sikara: “Itdan ta kayo la na trigo, alak, tan larak na oliba, et napenek kayo. Ag kayo la balawen na arum a bansa.

Mikias 5:7

Say totood Israel a nakeraan a mabilay et magmaliw iran singa ambetel a linaew ya impelag na Katawan ed saray amayamay a bansa, singa ra mayamayan ompepelag ed saray ombabaleg a tanaman. Manmatalek irad Dios, aliwan diad too.

Zacarias 8:12

Anggapoy manigensigen ed sikara ed pantanem da. Mambunga ray sengeg na ubas da, mangiter na bungay tanaman so dalin da, tan daakan so ompelag ya oran. Iter ko ra yan amin a bindision ed saray totook ya akapaliis ed patey.

Zacarias 9:17

Agay lay abig tan dakep so pagmaliwan na dalin! Pabiskegen na trigo tan alak ya iter to iray tobun-balo.

Saray Bilang 13:20

Nengneng yo met no matabad may dalin tan no katakelan. Ag yo met lilingwanan so mangisempet na pigaran bungay kakiewan diman.” (Panaon lad saman ya onggapo lan naluto iray bungay ubas.)

Saray Bilang 18:12

“Iter kod sika ray amin a sankaabigan a bungay dalin ya iter ed siak na saray Israelita kapag taon: say larak na oliba, say alak, tan say trigo.

Saray Taga Roma 11:17

Saray pigaran sangay oliban intanem so apoter, tan sinoldungan na sangay oliban balang. Sikan Hintil, aliling moy oliban balang, tan natan minanabang kad biskeg tan maung a bilay da ray Judio.

Deuteronomio 32:2

Napelag a singa oran so bangat ko tan magmaliw a singa linaew ed dalin. Saray salitak ompelag a singa mayamaya ed saray malangwer a tanaman, singa makalkalnan oran ya ompelag ed malambut iran dika.

Deuteronomio 33:13

Nipaakar ed tribu nen Jose inkuanto: “Say Katawan bindisionan to komun na oran so dalin da. Bindisionan to met komun na danum a manlapud dalem na dalin.

Deuteronomio 33:28

Kanyan manaayam ya arawid kaatapan iray kabyangay boleg nen Jacob, mareen so bilay dad sakey a dalin a daakan so trigo tan alak, diad dalin a linaew so manasalog.

Deuteronomio 7:13

Aroen to kayo tan bindisionan to kayo, pian ondakel so bilang yo tan nawalaan kayoy amayamay ya anak; bindisionan toy kaalogan yo, pian nawalaan kayoy trigo, alak, tan larak na oliba; tan bindisionan to kayo diad pangiter tod sikayo na amayamay a baka tan karniro. Iter to ra yan amin a bindision ed sikayo diad dalin ya insipan tod saray lalaki yo ya iter ed sikayo.

Saray Hebreo 11:20

Lapud pananisia, inter nen Isaac ed kindi Jacob tan Esau iray bindision a para arapen a panaon.