Genesis 26:31 - Maung A Balita Biblia

³¹ Kabkabwasan ed ontombuk ya agew, nansipan so balang sakey ed sikara tan pinaletan da na samba. Maliket so impamasiput nen Isaac ed sikara, ta sankaaro la ra.

Maung a Balita Biblia

³¹ Kabkabwasan ed ontombuk ya agew, nansipan so balang sakey ed sikara tan pinaletan da na samba. Maliket so impamasiput nen Isaac ed sikara, ta sankaaro la ra.

Genesis 26:31 Iomraidhean Croise

Genesis 14:22

Inmebat si Abram, “Sambaan kod Katawan, say Sankatageyan a Dios a Manamalsay tawen tan dalin,

Genesis 19:2

tan inkuanto, “Wadya ak a manlingkur ed sikayo. Tuloy kayod abung ko. Diman ki la manoras na sali yo tan onogip. Diad kabwasan, nayarian yoy ombangon a masakbay, insan ki la onsiput.” Balet inmebat ira, “Andi, dia lad plasay ogipan mi.”

Genesis 21:14

Diad kabkabwasan ed ontombuk ya agew, initdan nen Abraham si Agar na kakanen tan supot a katat a napnoy danum. Inlira to ra ya tan samay ogaw ed beneg nen Agar, insan to la ra pinasiput. Tinmaynan si Agar, insan nanakar-akar ed kalawakan na Beer-seba.

Genesis 21:23

Kanyan mansamba ka dia ed imatun na Dios ya ag mo kami papalikdoen, siak, saray anak ko, tan saray kabyangay boleg ko. Matoor ak ed sika, kanyan isipan mon matoor ka met ed siak tan diad sayan dalin a panaayaman mo.”

Genesis 21:27

Insan initdan nen Abraham si Abimelec na pigaran karniro tan baka, tan nampaknaan iran dua.

Genesis 22:3

Diad kabkabwasan na ontombuk ya agew, nambelang si Abraham na kiew a para bagat, intapew tod asno to, tan intagar toy Isaac tan saray duaran aripen to. Ginapwan day amaarap ed samay pasen ya imbagay Katawan.

Genesis 25:33

Inmebat si Jacob, “Sambaan mo ni ya iter mon talagad siak so kanepegan mo.” Nansamba si Esau tan inter tod kinen Jacob iray kanepegan to.

Genesis 26:32

Diad saman ya agew, pinmawil iray aripen nen Isaac tan imbalita rad sikato may bobun a kinotkot da. Inkuanda, “Akalmo kamiy danum.”

Genesis 31:44

Kanyan sipaparaan aka mipaknaan ed sika. Mangibunton tay bato a pakanudnunotan ed sayan paknaan ta.”

Genesis 31:55

Kabkabwasan, inaanguban nen Laban iray apo to tan saray anak ton bibii a pamasiput tod sikara, insan la sinmempet.

Saray Hebreo 6:16

No mansambay sakey a too ikana toy ngaran ya atagtagey nen say ngaran to tan diad panamegley na pansamba, ontonda la ray sangsangan na totoo.

1 Samuel 14:24

Diad saman ya agew makapkapoy ed eras iray Israelita, ta walay ganggan nen Saul ed sikara. Sinambaan tod sikara, “Nisamba so toon mangan ed sayan agew, kasakbayan a makabawi ak ed saray kalaban ko.” Kanyan anggapoy angan ya anggan sakey ed sanagew.

1 Samuel 20:3

Balet inmebat si David, “Kabkabat nen amam so ontan lan panangarom ed siak, kanyan ginetma to lan iyamut ed sikay gawaen to, pian ag ka nasakitan a maung. Sambaan kod sika diad ngaray mabilay a Katawan a wala ak lad sangabay lobuk!”

1 Samuel 30:15

“Ibaan mo ak pan onlad kawalaan da ray dinmogpa,” kuanen David. Inmebat, “Ibaan ta ka no isipan mod ngaran na Dios ya ag yo ak papateyen o ipapalima ed amok.”