Genesis 26:24 - Maung A Balita Biblia

²⁴ Diad saman a labi na intaynan to pinmayawar ed sikato so Katawan tan inkuanto, “Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.”

Maung a Balita Biblia

²⁴ Diad saman a labi na intaynan to pinmayawar ed sikato so Katawan tan inkuanto, Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.

Genesis 26:24 Iomraidhean Croise

Genesis 13:16

Diad karakel na iter kod sikan kabyangay boleg mo, no bilangen mo ra singa ka mambibilang na dabuk.

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Genesis 17:7

“Tooren koy impisipanan kod sika tan saray kabyangay boleg mo diad arapen iran panaon, tan ipasen kon sakey ya andi-anggaan a sipanan. Siak so Dios mo tan siak so Dios na saray kabyangay boleg mo.

Genesis 17:8

Sangkaili kayo natan ed sayan dalin a panaayaman yo; iter ko yan dalin ed sika tan saray kabyangay boleg mo. Say intiron dalin na Canaan kayaryanen ya anggad angga na saray kabyangay boleg mo, tan siak so Dios da.”

Genesis 21:17

Arengel na Dios so panaakis na samay ogaw, tan manlapud tawen inkuan na sakey ya anghil na Dios ed kinen Agar, “Antoy panggugunigonan mo, Agar? Ag ka natatakot. Arengel na Dios so panaakis na ogaw.

Genesis 22:17

isipan ko ya itdan ta ka ray kabyangay boleg mo a singa karakel na bitewen ed tawen o buer ed gilig na dayat. Taloen na saray kabyangay boleg mo iray kalaban da.

Genesis 22:19

Pinawil nen Abraham ira may aripen to, linma rad Beer-seba tan nanayam diman si Abraham.

Genesis 24:12

Nampikasi may aripen, “Katawan a Dios nen amok ya Abraham, maung komun so pansumpalan to yan akar ko natan, tan toor mo pay sipan mod amok.

Genesis 28:13

Insan anengneng toy Katawan a manalalagey ed abay to. Inkuan na Katawan, “Siak so Katawan a Dios nen Abraham tan si Isaac. Iter kod sika tan saray kabyangay boleg mo yan dalin a pandokdokulan mo.

Genesis 28:15

Ag mo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Ag ta ka taynan, anggad pakasumpal kon gawaen ya amin iray insipan kod sika.”

Genesis 28:3

Bindisionan komun na Dios a Makapanyarin-amin so pangasawam tan itdan to ka komuy amayamay ya anak, pian magmaliw kan ama na amayamay a bansa.

Genesis 30:27

Inkuanen Laban ed sikato. “Niay nibagak; inaral koy panagparles, et naamtaan kon binindisionan ak na Katawan lapud sika.

Genesis 31:5

Inkuantod sikara, “Nalilikas kon mangooman lay panangarod siak di ama tayo; balet aasikasoen ak lawas na Dios nen amak.

Genesis 39:2

Walad si Jose sa Katawan, kanyan maaligwas so bilay to. Nanayam ed abung na amo ton Egipsio.

Genesis 39:3

Anengneng na amo to a walad si Jose so Katawan, tan maung so pansusumpalay amin a gagawaen to.

Genesis 46:1

Binalkut nen Jacob so amin a kayaryan to, linmad Beer-seba, tan diman angisaklang na saray bagat ed Dios nen ama ton Isaac.

1 Saray Arari 17:13

“Ag ka mapaga,” kuanen Elias ed sikato. “Laka la, ta iparaan moy kanen yo. Balet igawaan mo ak ni ed satay walad sikan arina na sakey a tinapay, insan mo dia iyakar. Kayarim iparaan moy kera para sika tan say anak mon laki.

Exodo 14:13

Inmebat si Moises, “Ag kayo natatakot! Pakpel yoy linawa yo, et nanengneng yo no antoy gawaen na Katawan a pangilaban tod sikayo ed sayan agew; ag yo la napidwan nanengneng ira yan Egipsio.

Exodo 3:6

Siak so Dios na saray lalakim, say Dios di Abraham, Isaac, tan Jacob.” Sinakuban nen Moises so lupa to, ta tinmakot ya onnengneng ed Dios.

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 44:2

Siak so Katawan ya amalsad sika; nanlapud inkianak mo, tinutulongan ta ka. Ag ka natatakot; sika so aripen ko, say toon pinilik tan inarok.

Isaias 51:12

Say Katawan kuanto, “Siak so mamapabiskeg ed sikayo. Akin et takotan yoy too ya ompatey, ya ag mambayag a mambilay a singa dika?

Isaias 51:7

“Dengel yo ak, sikayon makaamta na inkatonung, sikayo ran mabmabli ed puso, yoy bangat ko. Ag kayo natatakot no balbalawen tan pabpabaingan kayo na saray totoo;

Saray Tagleey 3:57

Inebatan mo ak tan imbagam ed siak ya ag ak ontakot.

Levitico 26:42

nunoten koy impisipanan kod kinen Jacob, tan diad kinen Isaac tan diad kinen Abraham, tan pasimbaloen koy sipan ko ya iter kod saray totook so dalin.

Levitico 26:45

Pasimbaloen koy impisipanan kod saray lalaki ra nen impanengneng kod amin a bansa so pakayarik diad impangipaway kod saray totook manlapud Egipto, pian siak a Katawan so magmaliw a Dios da.”

Mateo 22:32

‘Siak so Dios nen Abraham, Dios nen Isaac, tan Dios nen Jacob.’ Say labay to yan ibaga sikatoy Dios da ray mabilay, aliwan Dios na saray inaatey.”

Lucas 12:32

“Ag kayo natatakot, sikayon pigaran papastolan ko, ta maliket so Ama yon mangiter ed sikayo na Panarian.

Saray Gawgawa 7:32

‘Siak so Dios na saray lalakim, Dios di Abraham, Isaac tan Jacob.’ Manggiwgiw ed takot si Moises, tan ag to natepelay onnengneng.

Deuteronomio 13:17

Ag kayo mangisisinup na antokaman a nepeg a deralen, et diad satan onkepa so ontan lan pasnuk na Katawan tan abageyen to kayo. Kasian to kayo tan parakelen to kayon totoo, onung na insipan tod saray lalaki yo,

Deuteronomio 31:6

Pabiskeg yoy linawa yo tan manmatalek kayo. Ag yo ra tatakotan. Olupen kayo na Katawan a Dios yo. Ag to kayo paolyan o ikaindan.”

Saray Hebreo 11:16

Balet say pampipilalekan da say magmaung a bansa—say mangatatawen a bansa. Kanyan ag imbaing na Dios a sikatoy tawagen da a Dios da, ta imparaanan to ray sakey a siudad.

Saray Hebreo 13:6

Kanyan manmatalek tayon mangikuan, “Say Katawan so mananulong ko, ag ak ontakot! Antoy nagawaan ed siak na too?”

Puyan 1:17

Kanengneng kod sikato, singa ak inatey ya alokbub ed saliyan to. Balet intapew toy kawanan a lima tod siak tan inkuanto: “Ag ka natatakot! Siak so sankaonaan tan say sankasamputan.

Ruth 3:11

Ag ka mapaga, Ruth. Gawaen koy amin a kerewen mo, ta kabat na amin ya ombaley a masimpit kan bii.