Genesis 26:22 - Maung A Balita Biblia

²² Tinmaynan diman tan nankotkot lamet na sananey a bobun. Anggapoy kolkolan ed saya, kanyan inngaran toy “Kawayangan.” Inkuanto, “Natan onaligwas itayo dia, ta dia so angiteray Katawan ed sikatayo na kawayangan.”

Maung a Balita Biblia

²² Tinmaynan diman tan nankotkot lamet na sananey a bobun. Anggapoy kolkolan ed saya, kanyan inngaran toy Kawayangan. Inkuanto, Natan onaligwas itayo dia, ta dia so angiteray Katawan ed sikatayo na kawayangan.

Genesis 26:22 Iomraidhean Croise

Genesis 17:6

Amayamay so iter kod sikan kabyangay boleg mo, magmaliw iran amayamay a bansa, tan pigarad sikaray magmaliw ya arari.

Genesis 26:21

Nankotkot na sananey a bobun iray aripen nen Isaac, tan walay kolkolan lamet. Kanyan inngaran toy “Bosulan” iman a bobun.

Genesis 28:3

Bindisionan komun na Dios a Makapanyarin-amin so pangasawam tan itdan to ka komuy amayamay ya anak, pian magmaliw kan ama na amayamay a bansa.

Genesis 41:52

Inkuanto met, “Say Dios initdan to ak na anak ed sayan dalin a paniirapan ko”; kanyan inngaran to na Efraim imay kumadwan anak to.

Saray Salmo 118:5

Diad kasesegsegang ko, tinmawag ak ed Katawan; inebatan to ak tan imbolus to ak.

Saray Salmo 119:32

Mapeleng kon onuren iray ganggan mo, ta aruman mo niy pakatalus ko.

Saray Salmo 18:19

Inekal to ak ed kaatapan; inlaban to ak, ta makaliliket ed siak.

Saray Salmo 4:1

Ebatan mo ak pa, no ontawag ak ed sika, O Dios a manangyagel ko! Tinulongan mo ak nen nagugunigon ak. Kasian mo ak pa natan tan dengel moy pikakasik!

Exodo 1:7

Balet amayamay iray anak tan apo na saman a kailalakan, a salanti saray Israelita; dinmakerakel ira tan nagmaliw iran makapanyarin tuloy, kanyan kinmayat iran nanayam ed intiron bansa na Egipto.

Isaias 54:2

Pabaleg moy tuldan panaayaman mo; parokey moy singer to tan paletan mo ray palpal to!

Isaias 54:3

Paawangen moy ketegan mo ed amin a dapag; nabawi na saray totoo so dalin a panaayaman natan na saray arum a bansa. Napano na saray totoo iray siudad ya ataynan ira natan.