Genesis 25:33 - Maung A Balita Biblia

³³ Inmebat si Jacob, “Sambaan mo ni ya iter mon talagad siak so kanepegan mo.” Nansamba si Esau tan inter tod kinen Jacob iray kanepegan to.

Maung a Balita Biblia

³³ Inmebat si Jacob, Sambaan mo ni ya iter mon talagad siak so kanepegan mo. Nansamba si Esau tan inter tod kinen Jacob iray kanepegan to.

Genesis 25:33 Iomraidhean Croise

Genesis 14:22

Inmebat si Abram, “Sambaan kod Katawan, say Sankatageyan a Dios a Manamalsay tawen tan dalin,

Genesis 24:3

Labay kon isambam, diad ngaray Katawan, say Dios na tawen tan dalin, ya ag ka mampipili na asawaey anak ko ed saray totoo diad Canaan a panaayaman ko.

Genesis 25:32

Inkuanen Esau, “On. Ompapatey ak lad eras; anto niy kakanaan na saray kanepegan ko?”

Genesis 25:34

Initdan nen Jacob na tinapay tan samay agayep ya inlambung to. Angan tan inminom si Esau, insan inmalagey tan linma la. Ag kinawanan nen Esau sirin iray kanepegan na inkapangulowan to.

Genesis 27:1

Masiken lay Isaac tan bulag la. Impatawag toy Esau ya anak ton pangulowan tan inkuanto, “Anak ko!” “Wadya ak, ama,” ebat to.

Genesis 27:32

“Siopa ka?” tepet nen Isaac. Inmebat, “Siak si Esau, say pangulowan ya anak yo.”

Genesis 27:36

Inkuanen Esau, “Sikato yay kumadwan impansaol tod siak. Ag la pankelawan a Jacob so ngaran to. Inala to la ray kanepegan kod inkapangulowan ya anak, tan natan inala to ni so bindision a para siak. Anggapo ta lay inkera yon bindision a para siak?”

Marcos 6:23

Sinambaan to nin inkuan, “Iter kon iter ed sikay kerewen mo, anggan say kapaldua na nanarian ko!”

Saray Hebreo 12:16

Manalwar kayo, ta ompan mankasalanan kayoy inmoralidad o murmuraen yo ray bengatlan maispiritu, a singa ginawa nen Esau. Insalat tod sakey a panangan so kanepegan na inkapangulowan to.

Saray Hebreo 6:16

No mansambay sakey a too ikana toy ngaran ya atagtagey nen say ngaran to tan diad panamegley na pansamba, ontonda la ray sangsangan na totoo.