Genesis 25:28 - Maung A Balita Biblia

²⁸ Si Esau so inararo nen Isaac, ta labalabay ton siraen iray ayep a nanaanup nen Esau; si Jacob balet so inararo nen Rebeca.

Maung a Balita Biblia

²⁸ Si Esau so inararo nen Isaac, ta labalabay ton siraen iray ayep a nanaanup nen Esau; si Jacob balet so inararo nen Rebeca.

Genesis 25:28 Iomraidhean Croise

Genesis 27:14

Linma sirin ya angalad saray kanding tan inyakar tod kinen ina to; insan nanlutoy ina to na potahin labalabay a siraen nen ama to.

Genesis 27:19

Inkuanen Jacob, “Siak si Esau ya anak yon pangulowan; sinumpal koy imbaga yod siak. Yorung kayo pa, ta mangan kayod sayan potahin awit ko, pian niiter yod siak so bindision yo.”

Genesis 27:25

Inkuanen Isaac, “Itdan mo ak imay nilutom. Kasumpal kon mangan, iter ko lad sikay bindision ko.” Initdan nen Jacob, tan initdan to met na alak.

Genesis 27:3

Alam so panam, lakad takel, ta iyanupan mo ak na sakey ya ayep.

Genesis 27:31

Nanluto met na mananam a potahi, insan iter tod kinen ama to. Inkuanto, “Ama, yorung kayo pa, ta mangan kayod sayan potahin awit ko, pian niiter yod siak so bindision yo.”

Genesis 27:4

Ilutoan mo ak na samay labalabay kon potahi, insan iyakar mo dia. Kasumpal kon mangan, iter kod sikay samput a bindision, kasakbayay ipatey ko.”

Genesis 27:9

Lakan mangala na duaran mataban kilaw na kanding, ta ilutoan koy amam na samay labalabay ton potahi.