Genesis 22:4 - Maung A Balita Biblia

⁴ Nen kumatlon agew abantag nen Abraham imay pasen.

Maung a Balita Biblia

⁴ Nen kumatlon agew abantag nen Abraham imay pasen.

Genesis 22:4 Iomraidhean Croise

Genesis 22:3

Diad kabkabwasan na ontombuk ya agew, nambelang si Abraham na kiew a para bagat, intapew tod asno to, tan intagar toy Isaac tan saray duaran aripen to. Ginapwan day amaarap ed samay pasen ya imbagay Katawan.

Genesis 22:5

Insan inkuantod saramay aripen to, “Dia kayo tan sayay asno. Onla ak tan sayay ogaw ed saman a pasen, ta mangigalang kamid Dios, insan mi kayo dia pawilen.”

2 Saray Arari 20:5

ya ompawil ed kinen Ezekias, say manoley na totoo na Katawan, ta ikuantod sikato, “Say Katawan kuantod sika: Siak, say Katawan a Dios na lakim a David, et nadngel koy pikakasim tan anengneng koy interter na luam. Paabigen ta ka, tan diad kumatlon agew onla kad Timplo.

Ester 5:1

Diad kumatlon agew na panaayuno nen Ester, insolung toy kawes ton riyna, tan linman nanalagey ed dalem a patio na palasio diad arap na kuarton kawalaay trono. Wadman so ari ya akayorung ed trono tan akaarap ed lolooban.

Exodo 15:22

Manlapud Dayat ya Ambalanga si Moises inwanwan ton amaarap ed kalawakan na Sur iray Israelita. Taloy agew a nanakar irad kalawakan, balet anggapoy nalmo ran danum.

Exodo 19:11

Nepeg ya akaparaan ira nabwas a sakey. Diad satan ya agew onakseb ak ed Palandey na Sinai, tan diman ak nanengneng na saray totoo.

Exodo 19:15

tan si Moises inkuantod sikara, “Nabwas a sakey nepeg ya akaparaan kayo la; ag kayo ni miaakdul ed kaasawaan yo.”

Exodo 5:3

Inmebat ira di Moises tan Aaron, “Say Dios na saray Hebreo et impatnag toy sikaton dili ed sikami. Abuloyan mo kami pan onlad kalawakan na taloran agew, ta mangibagat kamid man ed Katawan a Dios mi. No ag mi ya sumpalen a ganggan to, ompatey kamid salot o bakal ya ipadalan to.”

Oseas 6:2

Diad loob na duara odino taloran agew pabilayen to itayo, tan mambilay itayod arap to.

Levitico 7:17

Nepeg a poolan so antokaman a karnin nakeraan ed kumatlon agew.

Saray Bilang 10:33

Nen tinaynan na saray totoo so Sinai a mansanton palandey, nanakar iran taloy agew. Wala lawas ed onaan da imay Kaban na Sipanan na Katawan a mananap na pasen a pankampuan da.

Saray Bilang 19:12

Nepeg a linisan toy sikaton dili na danum a panaglinis no kumatlo tan kumapiton agew, et diad ontan magmaliw a malinis. Balet no ag to linisan so sikaton dili ed kumatlo tan kumapiton agew, ag magmaliw a malinis.

Saray Bilang 19:19

Diad kumatlon agew tan diad kumapiton agew say too a malinis onung ed ganggan et walsikan to na samay danum so toon marotak onung ed ganggan. Diad kumapiton agew say toon malinis linisan to may toon marotak. Diad mansironget magmaliw a malinis onung ed ganggan kayari ton impesak so kawes to tan kinalboan so laman to na danum.

Saray Bilang 31:19

Natan amin yo ya akapatey na siopaman odino aniwit na bangkay et nepeg a manayam a pitoy agew ed paway na kampo. Diad kumatlo tan diad kumapiton agew linisan yoy sikayon dili onung ed ganggan tan saray bibiin adakep yo.

Mateo 17:23

Pateyen da, balet onolid bilay diad kumatlon agew.” Naermenan ed satan iray disipulo.

Lucas 13:32

Inmebat si Jesus ed sikara, “Lakayo ta ibaga yod saman ya asod katakelan a mamapaekal ak na dimonyo tan mamapaabig ak ed sayan agew tan nabwas. Diad kumatlon agew, sumpalen koy kimey ko.

1 CORINTO 15:4

imponpon tan inmolin binmilay ed kumatlon agew, onung met ed Masanton Sulat;

Josue 1:11

a manliber irad loob na kampo, ta ikuandad saray totoo, “Mamparaan kayo na saray nakan, ta diad loob na taloy agew, baliwen yoy Ilog na Jordan diad panakop yod dalin ya iiter ed sikayo na Katawan a Dios yo.”

1 Samuel 26:13

Linmay David ed biek a dapag na patar tan kinmalab ed pokdul ya araw-dawi met la.