Genesis 21:20 - Maung A Balita Biblia

²⁰ Diad ibabaleg na samay ogaw, walad sikatoy Dios; nanayam ed kalawakan na Paran tan nagmaliw a maung ya umaanop.

Maung a Balita Biblia

²⁰ Diad ibabaleg na samay ogaw, walad sikatoy Dios; nanayam ed kalawakan na Paran tan nagmaliw a maung ya umaanop.

Genesis 21:20 Iomraidhean Croise

Genesis 10:9

Lapud tulong na Katawan, nagmaliw a sakey a makapanyarin marunong ya umaanup, kanyan pibitla ra, “Say Katawan gawaen to ka komun a marunong ya umaanup a singa si Nimrod!”

Genesis 16:12

Balet mambilay a singa atap ya asno so anak mo; magmaliw a kalaban toy amin a too tan labanan dan amin. Siyanan to ray amin a kakanayon to, ta kabosul to ra.”

Genesis 17:20

Dinengel koy kerew mo nipaakar ed kinen Ismael, kanyan bindisionan ko tan itdan koy amayamay ya anak tan amayamay a kabyangay boleg. Magmaliw ya ama na labinduan prinsipi, tan pagmaliwen kon sakey a bansa iray kabyangay boleg to.

Genesis 25:27

Binmaleg ira may ogogaw. Nagmaliw a marunong ya umaanup si Esau tan maliket ya ompaway-paway ed kalawakan; mareen balet si Jacob tan maliket a manayam ed abung.

Genesis 27:3

Alam so panam, lakad takel, ta iyanupan mo ak na sakey ya ayep.

Genesis 28:15

Ag mo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Ag ta ka taynan, anggad pakasumpal kon gawaen ya amin iray insipan kod sika.”

Genesis 39:21

Balet walad kinen Jose so Katawan tan binindisionan to, kanyan akaliket ed sikatoy inkargadod prisowan.

Lucas 1:80

Binmaleg imay ogaw tan binmiskeg so ispiritu to. Nanayam ed kalawakan ya anggad insabiy agew a pangiparontal toy sikaton dili ed saray totood Israel.

Lucas 2:40

Binmaleg imay ogaw tan nagmaliw a mabiskeg, napnoy kakabatan, tan inararoy Dios.

Saray Huis 6:12

Pinmanengneng ed sikatod man so anghil na Katawan tan kuanto, “Walad sika so Katawan, sika a masebeg tan makapanyarin too!”