Genesis 21:15 - Maung A Balita Biblia

¹⁵ Nen naoput la may danum a balun to, intilak to may ogaw ed silong na kiew ya abeba,

Maung a Balita Biblia

¹⁵ Nen naoput la may danum a balun to, intilak to may ogaw ed silong na kiew ya abeba,

Genesis 21:15 Iomraidhean Croise

Genesis 21:14

Diad kabkabwasan ed ontombuk ya agew, initdan nen Abraham si Agar na kakanen tan supot a katat a napnoy danum. Inlira to ra ya tan samay ogaw ed beneg nen Agar, insan to la ra pinasiput. Tinmaynan si Agar, insan nanakar-akar ed kalawakan na Beer-seba.

Genesis 21:16

insan to inyorung ed pasen a sakey a siamaploy mitro so kinaarawi to. Inkuantod sikaton dili, “Ag ko nitepel a nengnengen so ipatey na anak ko.” Nen wadman a manyodyorung, ginapwan toy inmakis.

1 Saray Arari 17:12

Inmebat imay bii, “Diad ngaran na mabilay a Katawan a Dios mo, sambaan kod sikan anggapoy tinapay ko. Sankaakup labat so arinak a walad pasig tan dagdaiset a larak na oliban walad garapon. Linma ak diad mandokdok na itongo, insan ko isempet, ta iparaan ko may arinak a para siak tan say anak kon laki. Kaonuran la man a kanen mi, insan ompatey kami lad eras.”

2 Saray Arari 3:9

Kanyan linman mibakal si Ari Joram, say ari na Juda, tan say ari na Edom. Kayariy pitoy agew a pankukurang da, naoputan iray danum; anggapoy nakdaan a para saray totoo tan saray ayayep.

Saray Salmo 63:1

O Dios, sikay Dios ko, tan pampipirawatan ta ka. Sika so pampipilalekay intiron inkatook; say kamarerwak so napnapgaan ed sika, a singa naksawan, amagaan, tan kinmelang a dalin.

Isaias 44:12

Say managpanday na talintaon mital et tonawen tod apoy so mital. Martilyoen to na mabiskeg a taklay to so mital pian nagawan sakey ya imahin. Diad pankimey to, naerasan, naapgaan, tan nakesawan.

Jeremias 14:3

Saray mayaman a totoo ibabaki da ray aripen da, ta mangala ray danum; oonla rad saray bobun, balet ag ira makakalmoy danum; ompapawil ira ya anggapoy karga iray pananginan da. Sasakbungan da ray olo ra, lapud kababaingan tan ag da amtay gawaen da.