Genesis 20:7 - Maung A Balita Biblia

⁷ Ipawil mo la sirin imay bii ed dilin asawa to; say asawa ton propita ipikasi to kan ag ompatey. Balet no ag mo ipawil, pasakbayan ta kan ompatey ka, sika tan saray totoom.”

Maung a Balita Biblia

⁷ Ipawil mo la sirin imay bii ed dilin asawa to; say asawa ton propita ipikasi to kan ag ompatey. Balet no ag mo ipawil, pasakbayan ta kan ompatey ka, sika tan saray totoom.

Genesis 20:7 Iomraidhean Croise

Genesis 12:15

Anengneng na pigarad saray opisyal na palasio tan imbalita rad ari so ontan lan ganggana to; kanyan inawit day Sarai ed palasio na ari.

Genesis 12:17

Balet lapud inalay ari si Sarai, say Katawan impansakit to na ambelat so ari tan saray totood palasio.

Genesis 2:17

balet ag ka mamangan na bunga na samay kiew a mangiiter na pakaamta ed maung tan maoges. Ag nepeg a kanen so bunga na saman a kiew; ta no kanen mo, ompatey ka diad agew a pangan mo.”

Genesis 20:3

Aminsan a labi pinmayawar ed kogip to so Dios a kuanto, “Ompatey ka, ta inalam so biin wala lay asawa to.”

Genesis 20:8

Diad kabkabwasan ed ontombuk ya agew, tinawag nen Abimelec ya amin iray opisyal to tan imbalita toy agawa; mapalaloy inkataktakot da.

Genesis 23:6

“Dengel kad sikami. Bibirbiren mi kan makapanyarin pangulo; ipompon moy asawam ed sankamaungan a lobuk mi. Maliket so anggan siopad sikami a mangiter na lobuk, pian nipompon moy asawam.”

2 Samuel 24:17

Anengneng nen David imay anghil a mamapatey na saray totoo, tan kuantod Katawan, “Siak so nankasalanan. Siak so nanggaway kaogsan. Antoy ginawa na sarayan totoo? Nepeg a siak tan say pamilyak so dusaen mo.”

1 Saray Arari 13:6

Inkuanen Ari Jeroboam ed samay propita, “Ipikasi mo ak pa ed Katawan a Dios mo, tan kerew mon paabigen toy taklay ko.” Nampikasid Katawan imay propita, et inmabig so taklay na ari.

2 Saray Arari 5:11

Balet mamapasnuk a tinmaynan si Naaman tan kuantod sikaton dili, “Abaloan kon pawayan to ak, mampikasid Katawan a Dios to, ipetek-petek tod akating a partiy laman ko so lima to, tan paabigen to ak!

1 Saray Awaran 16:22

Inkuanto, “Ag yo didiwiten iray aripen kon pinilik; ag yo papasakitan iray propitak!”

2 Saray Awaran 30:18

Amayamay met ed saray totoon nanlapud tribu di Efraim, Manases, Isacar, tan Zabulon so ag nanlinis na sikaran dili onung ed ganggan, kanyan aliwan manepeg so pansisilibra rad Paskua. Kanyan impikasi ra nen Ezekias:

Say Libro nen Job 34:19

Pinalsa na Dios so balang sakey; ag to pipilaan iray manoley, odino kikilingan iray mayaman tan papaulyan iray mairap-bilay.

Say Libro nen Job 42:8

Natan sirin, mangyakar kayod kinen Job na pitoran bakan kalakyan tan pitoran karniron kalakyan ta isaklang yo ran bagat a popoolan para sikayo. Ipikasi to kayo nen Job, et ebatan koy pikakasi yo tan ag ta ki la dusaen onung na kanepegan yo. Kanepegan yo komuy dusaen lapud ag yo sinalita so katwaan nipaakar ed siak, a singa ginawa nen Job.”

Saray Salmo 25:14

Kaaro na Katawan iray matoluk ed sikato, tan papaletan toy impisipanan tod sikara.

Exodo 18:17

Insan si Jetro kuanto, “Aliway panggagawam.

Exodo 4:16

Sikatoy mangiyalagey ed sika tan isalitaan to kad saray totoo; singa kad satan Dios ya ibagam ed sikato so salitaen to.

Exodo 7:1

Say Katawan kuanto, “Pagmaliwen ta kan singa Dios ed ari, tan si kuyam ya Aaron so pagmaliwen kon propitam a misalita ed sikato.

Jeremias 14:11

Inkuan na Katawan ed siak, “Ag mo kekerewen a tulongan ko ra yan totoo.

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Jeremias 27:18

No talagan propita ra, tan awit day salitak, pakerew mo rad siak a Makapanyarin-amin a Katawan ya ag ko abuloyan a naalad Babilonia iray nakdaan a kayamanan ed Timplo tan diad palasio na ari.” (

Ezekiel 3:18

No ibagak ed sakey a toon maoges ya ompatey balet et ag mo pinasakbayan a mangoman ed bilay to pian nipaliis ed patey, sikakasalanan ya ompatey, balet singilen ta ka lapud impatey to.

Ezekiel 33:8

No imbawag kon ompatey so toon maoges, balet et ag mo pinasakbayan a mangoman ed maoges a panagbilay to, sikatoy ompatey a makasalanan, balet sikay tetelen ko ed impatey to tan singilen ta ka.

Levitico 6:4

No say sakey a too et nankasalanan na anggan dinan ed saray abitla, nepeg a bayaran toy inala tod sinasaol a polaing. Diad agew a sikatoy naamtaan a nankasalanan, nepeg a bayaran to may angalaan to tan pasolukan to na kakalima.

Levitico 6:7

Say pari ibagat to so ayep a pangekal na kasalanan to yan too, et napirdona yan too.

Saray Gawgawa 8:24

Inkuanen Simon ed kindi Pedro tan Juan, “Ipikasi yo ak pa sirin ed Katawan, pian anggapod saray imbaga yo so nagawad siak.”

1 CORINTO 14:4

Say toon mansalitay nandoroman salita et pabiskegen to labat so maispiritun bilay to, balet say toon mampulong na salitay Dios pabiskegen toy iglisia.

Saray Hebreo 1:1

Nen saman, nansalitay Dios ed saray lalaki tayo diad panamegley da ray propita. Amimpiga-piga to yan ginagawa, tan diad nandoroman pamaakaran.

Saray Hebreo 13:4

Nepeg a galangen na amin a katoowan so panaasawa, tan nepeg met a matoor ed sakey tan sakey iray sanaasawa. Ta say Dios sintinsiaan to ray manggagaway inmoralidad tan saray mikakaloguran.

1 Juan 5:16

No nanengneng na siopaman so agi to a manggagaway kasalanan ya ag mansusumpal ed patey, nepeg ya ipikasi to, tan say Dios itdan toy bilay yan agi. Say kipaakaran to ya et saray totoon saray kasalanan da et ag mansusumpal ed patey. Ta walay kasalanan a mansusumpal ed patey, tan ag ko ibabagan ipikasian yoy toon manggagawad saya.

1 Samuel 12:19

inkuandad kinen Samuel, “Ipikasi mo kami pad Katawan a Dios mo, pian ag kami ompatey. Abirbir mi la natan, a likud ed saray arum a kasalanan nankasalanan kamid impankerew miy sakey ya ari.”

1 Samuel 12:23

Para say siak, ag komun iyabuloy na Katawan a mankasalanan ak diad pangitondak na pangipikasik ed sikayo. Ingen, ibangat kod sikayo no anto ray maung tan maptek a gawaen yo.

1 Samuel 7:5

Insan inkuanen Samuel ed amin da ray Israelita, “Mantitipon kayod Mizpa, tan ipikasi ta kayod man ed Katawan.”

1 Samuel 7:8

tan inkuandad kinen Samuel, “Ituloy moy mampikasid Katawan a Dios tayo, pian iyagel to itayod saray Filisteo.”