Genesis 20:17 - Maung A Balita Biblia

^17-18 Lapud samay agawad kinen Sara ya asawa nen Abraham, say Katawan ginawa to ya ag makapanlokun iray bibii a walad abung nen Abimelec. Kanyan impikasi nen Abraham si Abimelec, tan pinaabig na Dios. Pinaabig to met so asawa nen Abimelec tan saray bibiin aripen to, pian makapananak ira.

Maung a Balita Biblia

^17-18 Lapud samay agawad kinen Sara ya asawa nen Abraham, say Katawan ginawa to ya ag makapanlokun iray bibii a walad abung nen Abimelec. Kanyan impikasi nen Abraham si Abimelec, tan pinaabig na Dios. Pinaabig to met so asawa nen Abimelec tan saray bibiin aripen to, pian makapananak ira.

Genesis 20:17 Iomraidhean Croise

Genesis 12:17

Balet lapud inalay ari si Sarai, say Katawan impansakit to na ambelat so ari tan saray totood palasio.

Genesis 20:7

Ipawil mo la sirin imay bii ed dilin asawa to; say asawa ton propita ipikasi to kan ag ompatey. Balet no ag mo ipawil, pasakbayan ta kan ompatey ka, sika tan saray totoom.”

Genesis 29:31

Nen anengneng na Katawan ya ag inaro nen Jacob si Lea, inabuloyan ton makapananak; si Raquel, balet, ag mananak ta lepes.

Esdras 6:10

Nepeg ya onyay nagawa, pian makapangisaklang ira na saray bagat a makapaliket ed Dios na Tawen. Nipikasi rad satan ya iter na Dios so bindision tod siak tan saray lalakin anak ko.

Say Libro nen Job 42:8

Natan sirin, mangyakar kayod kinen Job na pitoran bakan kalakyan tan pitoran karniron kalakyan ta isaklang yo ran bagat a popoolan para sikayo. Ipikasi to kayo nen Job, et ebatan koy pikakasi yo tan ag ta ki la dusaen onung na kanepegan yo. Kanepegan yo komuy dusaen lapud ag yo sinalita so katwaan nipaakar ed siak, a singa ginawa nen Job.”

Probirbio 15:29

No mampikasi ray maung a totoo, ondengel so Katawan, balet ag to aasikasoen iray totoon maoges.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Isaias 45:11

Say Katawan a masanton Dios na Israel, a walad lima toy nagawad arapen, kuanto: “Anggapoy kanepegan mon manepet na nipaakar ed saray anak ko odino ibagam ed siak so nepeg kon gawaen!

Saray Bilang 12:13

Kanyan si Moises tinmawag ed Katawan, “O Dios, paabig mo pay Miriam!”

Saray Bilang 21:7

Sinmingger ed kinen Moises iray totoo tan kuanda, “Nankasalanan kami nen nansalita kamiy sumpad Dios tan sumpad sika. Ipikasim pad Katawan ya ekalen to la ra yan oleg.” Kanyan impikasi nen Moises iray totoo.

Mateo 21:22

No walay pananisia yo, naawat yoy antokaman a kerewen yod pikakasi yo.”

Mateo 7:7

“Kerew kayo, et naitdan kayo. Mananap kayo, et makalmo kayo. Toktok kayo, et nalokasan a para sikayo so puirta.

Saray Gawgawa 3:24

Saray propita, manlapud si Samuel tan amin a tinmombuk ed sikato, impasakbay da met ira yan agew.

FILIPOS 4:6

Ag yo pampapagaay antokaman a bengatla. Kerew yo ingen ed Dios iray amin a nakaukolan yo diad panamegley na pikakasin tinekepay pisasalamat.

1 TESALONICA 5:25

Ipikasi yo kami pa met, agagi.

Santiago 5:16

Kanyan mampapatwaan kayo ray kasalanan yo, tan mampipikasiyan kayo, pian onabig kayo. Dakel so nagawaay pikakasi na toon matonung.